MARKU 2:8 - Jinghpaw Common Language Bible 2009

⁸ Yesu gaw shanhte hpa baw myit nga ai lam hpe kalang ta chye ya ai majaw shi gaw, “Nanhte hpa rai dai zawn re ai lam ni myit aru yu nga myit ta?

Jinghpaw Hanson Version Bible

⁸ Shanhte gaw tinang a kraw kata e shing rai myit aru yu nga ma ai hpe, Yesu gaw shi a wenyi hta chye chyang nga ai majaw, “Nanhte hpa rai kraw kata e ndai hte wa myit aru nga myit ta?

MARKU 2:8 ပူးပေါင်းရင်းမြစ်များ

1 HKAWHKAM LABAU 29:17

Nang gaw masha shagu hte a myit masin hpe chyam dinglik yu nna ding hpring ai myit rawng ai masha ni hpe ra sharawng nga ndai hpe ngai chye nngai. Teng man ding man ai hte ndai arai ni yawng hpe awng sharawng ai myit hte nang hpe ngai jaw ya de ai. Ndai yang e hpawng nga ai na a amyu masha ni mung na a man de hkungga ni sak jaw ai lam gade sha kabu gara nga ma ai hpe ngai mu ni ai.

SHAKAWN KUNGDAWN 139:2

Ngai galaw ai lam yawng mayawng hte hpe mung, nang chye nga ndai; nye a myit mang ai lam yawng mayawng hpe mung, tsan tsan kaw nna, nang chye nga ndai.

GA SHAGAWP 15:26

Dai Madu gaw n hkru n shawp ai myit mang lam ni hpe n dawng nga ai; ngwi ngawn ai ga ni hpe chyawm gaw shi awng sharawng nga ai.

GA SHAGAWP 24:9

Angawk ai wa a myit shapraw dat ai maw mawn lam hpa rai tim, yubak hte seng ai lam rai nga ai. Kaga masha ni hpe jahpoi jahpyak chye ai hta jan nna hpa n lu ai wa hpe masha ni n dawng nga ma ai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

EZEKELA 38:10

Ndai gaw Tsaw Htum ai dai Madu Goga hpe tsun ai mungga rai nga ai: “Dai aten du ai shaloi, nang gaw n hkru ai maw mawn lam hpe myit shapraw na rin dai.

MAHTE 12:15

Yesu dai hpe chye jang, kaga de htawt mat wa ai; Masha law law mung shi kaw hkan nang ma ai. Machyi makaw hkrum ai ni yawng hpe shi shamai ya mu ai.

MAHTE 16:7

Sape ni mahtang, “Anhte muk n gun nga ga ai majaw, shi ning nga nna tsun ai rai na re,” nga nna shada da tsun nga ma ai.

MAHTE 9:4

Yesu gaw shanhte a myit mang ai hpe chye ya jang, “Nanhte a kraw lawang ni hta e, hpa majaw n kaja ai myit nga myit ta?

MARKU 2:7

Karai Kasang chyu sha yubak mara ni hpe dat kau ya lu ai wa rai nga ai nga nna shanhte dai shanhte myit la nga ma ai.

MARKU 2:9

Ndai hkum katsing si ai wa hpe, ‘Na yubak dat kau ya sade ai,” shing n rai, ‘Rawt u, na yupra panep hta hpai nna hkawm wa su, ngu nna tsun na gara mahtang grau loi nga a ta?’

MARKU 7:21

Hpa majaw nga yang, masha a myit kata de nna n kaja ai myit mang ai lam ni pru wa nna, dai gaw shi hpe n hkru n kaja ai arawn alai lam ni hkan sa galaw na, masha arai lagu na, masha sat na,

LUKA 24:38

Rai ti mung shi gaw, “Nanhte hpa rai kajawng nga myit ta? Hpa rai nanhte a myit ni hta ung ang ai lam ni pru wa nga malit ta?

LUKA 5:22

Shanhte myit aru yu ai lam hpe Yesu chye wu ai majaw, “Nanhte hpa rai kraw kata hta dai lam ni myit aru yu nga myit ta?

LUKA 6:8

Shi chyawm gaw shanhte a myit hpe chye ya wu ai rai nna, lata katsing si ai wa hpe, “Rawt nna nang de pru tsap rit,” ngu wu ai. Dai wa mung rawt nna shawng de sa tsap nga ai.

YAWHAN 21:17

Bai masum lang ngu na Yesu gaw, “Yawhan a kasha Simun e, nang ngai hpe tsaw ra nga n ni?,” ngu nna shi hpe san wu ai majaw, Petru myit yawn nna, “Madu e, nang gaw yawng mayawng hpe chye nga ndai ngai nang hpe tsaw ra nga nngai gaw, nang chye nga ndai!,” ngu nna htan wu ai. Yesu gaw, “Nye a sagu ni hpe bau rem nga u.

YAWHAN 6:64

Rai ti mung nanhte hta na nkau mi gaw n kam n sham myit dai,” ngu mu ai. (Hpa majaw nga yang, Yesu gaw, kadai ni n kam n sham ma ai hpe mung, shi hpe ap kau na wa kadai re ai mung shawng kaw nna chye da wu ai.

KASA 5:3

Petru gaw “Anani e, hpa majaw nang gaw Satan wa hpe na myit masin up madu na ahkang jaw ai hte ga dachyawk dut nna lu ai gumhpraw nkau mi tinang a matu ip la ai hku nna dai Chyoi Pra ai Wenyi hpe masu kau n ta?

KASA 8:22

Dai majaw na a n hkru n kaja maw mawn ai lam hta na myit malai lu u. Dai Madu kaw hpyi nem nga u, shing rai yang na a kraw lawang hta dai n hkru n kaja ai hku myit mang kau ai lam hpe mara raw dat ya na rin dai.

HEBRE 4:13

Karai Kasang n mu n chye hkra makoi magap da lu ai hpa mung n nga ai; yawng mayawng gaw shi a man e dan leng nga ai rai nna anhte galaw ai lam shagu shi hpe jahpan dan lu na rai nga ga ai.

SHINGRAN 2:23

Shi a hpang hkan nang ai ni hpe mung ngai sat kau na mawe ai. Dai shaloi ngai gaw, masha shagu a myit mang ai lam ni hte maw mawn ai lam ni hpe yawng chye ya ai Madu ngai rai nga nngai gaw, hpung ni chye lu na mara ai. Nanhte hta na langai hte langai hpe, tinang galaw sai amu hte maren ngai htang jaw na made ai.