MARKU 2:5 - Jinghpaw Common Language Bible 2009

⁵ Yesu gaw shanhte hta kam sham ai myit gade daram rawng nga ai hpe mu jang, “Sha e, na yubak dat kau ya sai,” ngu nna katsing si ai wa hpe tsun wu ai.

Jinghpaw Hanson Version Bible

⁵ Yesu gaw shanhte a kamsham ai myit mu jang, Sha e, na a yubak dat kau ya sade ai, ngu nna katsing si ai wa hpe tsun wu ai.

MARKU 2:5 ပူးပေါင်းရင်းမြစ်များ

NINGPAWT NINGHPANG 22:12

Lamu kasa gaw, “Dai ma hpe hkum hkra et; shi hpe hpa mung hkum di et. Na a shadang sha shingtai shi hpe jaw na nang n kanung nga nit dai majaw Karai Kasang hpe nang hkrit hkungga ai hte madat mara nga ndai hpe ya ngai chye ni ai,” ngu nna htan wu ai.

SHAKAWN KUNGDAWN 103:3

Shi gaw nye a yubak yawng hte hpe raw dat kau ya nga ai; nye a ana ahkya yawng hte hpe mung, shi shamai shatsai ya nga ai.

ESAIA 38:17

Nye a nchyi nmu re ai gaw ngwi pyaw sim sa wa na ra ai. Nang gaw nye a asak hpe hkrit hpa yawng kaw na hkye la nga ndai; Nang gaw nye a yubak mara yawng hpe raw ya nga ndai.

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

MAHTE 9:2

Shaloi, masha nkau mi gaw, yup ra hta taw nga ai katsing si ai masha langai mi hpe, shi hpang de hpai sa ma ai. Yesu gaw shanhte hta kam sham ai myit gade daram rawng ai hpe mu jang, “Sha e, ngwi pyaw nga n-ga, na a yubak dat kau ya ai hkrum nit dai,” ngu katsing si ai wa hpe tsun wu ai.

MAHTE 9:22

Yesu mahtang kayin yu nna shi hpe mu wu yang, “Shayi sha e, ngwi pyaw nga n ga, na a kam sham ai gaw nang hpe shamai ya nit dai,” ngu wu ai. Dai ahkying kaw nna nan dai numsha mai mat nga ai.

MAHTE 9:5

Na a yubak dat kau ya sai; shing n rai, rawt hkawm wa u, ning ngu tsun ai ga yan hta, gara mahtang grau tsun loi a ta?

MARKU 2:6

Dai yang e tara sara nkau mi dung nga ma ai rai nna, “Ndai wa gaw ndai zawn nga nna kaning rai tsun gwi ai kun? Dai gaw Karai Kasang hpe n kaw n law shatan n hkan galaw ai lam rai nga ai.

MARKU 5:34

Yesu gaw, “Nye a shayi sha e, na a kam sham ai myit gaw nang hpe shamai ya nit dai. Ngwi pyaw ai hte wa su, na a machyi ai atsu atsam mai wa nu ga,” ngu nna tsun dat wu ai.

LUKA 5:20

Yesu shanhte hta kam sham ai myit gade daram rawng ai lam mu ai shaloi, katsing si ai wa hpe, “Masha wa e, na a yubak mara ni dat kau ya sade ai,” ngu wu ai.

LUKA 8:48

Yesu gaw, “Shayi sha e, na a kam sham ai gaw nang hpe shamai ya nit dai, ngwi pyaw ai hte wa u,” ngu nna shi hpe tsun dat wu ai.

YAWHAN 2:25

Madu shi nan masha kraw lawang na myit masin a maw mawn ai lam ni hpe chye ya nga ai majaw, shanhte a lam masha gade e me shi hpe tsun dan ra ai n rai.

YAWHAN 5:14

Dai hpang Madu Yesu gaw, Nawku Htingnu e dai wa hpe mu hkrup nna, “Yu u, ya nang hkam kaja nit dai; shawng na hta grau sawng ai tsin-yam n hkrum n ga, yubak bai hkum galaw et,” ngu nna shi hpe tsun wu ai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

KASA 14:9

Shi mung dai kaw dung nga let, Pawlu tsun ai ga ni hpe madat nga ai, Pawlu gaw dai wa hta mai wa lu hkra kam sham ai myit rawng nga ai hpe shi mu wu yang, shi hpe azi yu let,

KASA 5:31

Israela amyu masha ni hpe myit malai lu shangun nna shanhte a mara raw dat kau ya ai ahkaw ahkang jaw ya na matu Karai Kasang gaw dai Madu hpe shi a hkra maga dung nga shangun nna ningbaw ningla hte Hkye hkrang la ai wa tai na matu shagrau shatsaw da nu ai.

1 KORINHTU 11:30

Dai re ai majaw, nanhte hta na n-gun kya ai hte n hkam kaja ai masha law law wa nga nga ma ai, si mat ai ni mung tsawm ra wa rai nga ma ai.

2 KORINHTU 2:10

Nanhte gaw marai langai ngai hpe shi shut ai mara dat kau ya myit yang, ngai mung raw dat ya nngai. Hpa majaw nga yang, lama rai nna masha marai langai ngai hpe mara dat ya ra wa ai shaloi, ngai gaw nanhte a myi man hpe tau nna Hkristu a man e shi a mara hpe dat ya nngai.

EHPESU 2:8

Hpa majaw nga yang, nanhte gaw makam masham a marang e Karai Kasang a chyeju hte sha hkye hkrang la ai hkrum manit dai; dai gaw nanhte nan shakut shaja ai majaw n rai, Karai Kasang a kumhpaw kumhpa sha rai nga ai.

KOLOSE 3:13

Nanhte hta marai langai ngai a ntsa e mara shagun shara nga ai shaloi shada da hkam sharang ai hte shada da mara raw dat hkat nga mu. Dai Madu gaw nanhte hpe mara raw dat kau ya manit dai hte maren, nanhte shada da mung mara raw dat lu na rai myit dai.

YAKU 5:15

Kam sham ai myit hte akyu hpyi ai ga gaw dai machyi ai wa hpe shamai shatsai lu nna dai Madu gaw shi hpe bai hkam kaja wa shangun na ru ai hte shi galaw hkrup kau ai yubak mara ni hpe mung raw dat kau ya na ra ai.