MARKU 2:4 - Jinghpaw Common Language Bible 2009

⁴ Masha wunawng sa hpawng chyat nga ai majaw shanhte gaw dai wa hpe shi kaw n jashawn lu mu ai. Dai majaw shanhte gaw nta numgaw ntsa de bai lung wa nna Yesu a ntsa ang ang na nta galup da ai wut pa ni hpe kayen gaw kau nna hku shawaw la nhtawm, dai wa hpe shi a yupra panep hte hpawn sumri hte shayu jahkrat dat mu ai.

Jinghpaw Hanson Version Bible

⁴ Masha wunawng chyat nga ma ai majaw, dai wa hpe shi hpang de n jashawn lu jang shi rawng nga ai nta magap hpe shanhte kayen kau mu ai rai nna, dai hpe tawk waw nhtawm, katsing si ai wa hpe yup rai hte nawng shayawn dat mu ai.

MARKU 2:4 ပူးပေါင်းရင်းမြစ်များ

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

LUKA 5:19

Masha wunawng chyat nga ai majaw, dai wa hpe gara hku mung n shashawn lu mu ai. Dai majaw, shanhte shi hpe nta numgaw ntsa de hpai lung wa nna, galup da ai wut pa hku malawng hkra waw kau nna, shi a yupra panep hte nawng, shawa hpawng ka-ang, Yesu a man e shayawn jahkrat dat mu ai.

TARA JAHPRANG 22:8

Nta ningnan gap ai shaloi numgaw grup grup hta makawp shinggang teng teng bang lu na rai ndai. Shing rai jang, marai langai ngai di hkrat si mat ti mung dai gaw na a lit rai na ra ai n rai.