MARKU 2:28 - Jinghpaw Common Language Bible 2009

²⁸ Dai rai nna Masha Kasha gaw Bansa Nhtoi a Madu mung rai nga ai,” ngu nna shanhte hpe tsun mu ai.

Jinghpaw Hanson Version Bible

²⁸ dai rai nna, Masha Kasha gaw, laban nhtoi a Madu mung rai nga ai,” ngu nna shanhte hpe tsun mu ai.

MARKU 2:28 ပူးပေါင်းရင်းမြစ်များ

MAHTE 12:8

Hpa majaw nga yang, dai Masha Kasha gaw, Bansa Nhtoi a Madu rai nga ai, ngu mu ai.

MARKU 2:27

Dai hpang Yesu gaw, “Laban Nhtoi gaw masha a mai kaja lam a matu galaw da ai rai nna masha gaw Laban Nhtoi a matu hpan da sai n rai.

MARKU 3:1

Dai hpang Yesu gaw tara jawng de kalang mi bai shang wa ai rai nna, dai yang e lata maga mi katsing si ai masha langai mi nga ai.

MARKU 3:4

Dai hpang shi gaw masha ni hpe, “Anhte a tara hta Bansa Nhtoi e hpa galaw mai ai nga nna ahkang jaw da a ta? Karum la na matu, shing n rai jam jau jaw na matu kun? Masha langai mi a asak hkye la na, shing n rai sat kau na matu kun?,” ngu nna san wu ai. Rai ti mung shanhte gaw hpa langai mi mung n tsun ma ai.

LUKA 6:5

Bai shi gaw Masha Kasha gaw Bansa Nhtoi a Madu rai nga ai,” ngu nna shanhte hpe tsun mu ai.

YAWHAN 5:17

Shaloi Yesu gaw, “Nye Wa gaw ya du hkra pyi amu galaw nga ai rai nna, ngai mung galaw lu na rai nga ai,” ngu nna shanhte hpe htan mu ai.

YAWHAN 9:14

Yesu hkumpup galaw la nna dai wa hpe myi hpaw ya ai shani gaw Bansa Nhtoi rai nga ai.

YAWHAN 9:16

Shaloi Hparishe ni nkau mi gaw, “Dai wa gaw Bansa Nhtoi a Tara hpe n hkan n sa ai majaw, Karai Kasang kaw na du sa ai wa n rai,” nga ma ai. Bai nkau mi gaw, “Yubak lu ai wa langai gaw ning re ai lamik kumla ni hpe kaning rai galaw lu na a ta?,” nga ma ai. Shing nga nna shanhte a kata hta myit hkrum ai lam n nga ai, shai wa bra wa ma ai.

EHPESU 1:22

Karai Kasang gaw arai baw sumhpa hpe shi a lagaw npu e tawn da nu ai rai nna dai hpung a matu yawng mayawng a ntsa e baw tai u ga, shi hpe san da nu ai.

SHINGRAN 1:10

Dai Madu a nhtoi hta e Wenyi hta ngai nawng mat wa ai rai nna, ngai gaw pahtau nsen hte bung ai nsen kaba langai mi nye a shingdu maga de nna shaga ai hpe na lu nngai.