MARKU 2:26 - Jinghpaw Common Language Bible 2009

²⁶ Hkinjawng agyi Abiahta a lakhtak e, Dawi gaw Karai Kasang a nta de shang nna anhte a tara hte maren hkinjawng ni sha n rai yang gaw, kadai mung n mai sha ai madun da ai muk hpe sha nna shi a manang ni hpe mung dai muk jaw sha yu sai n rai ni?,” ngu nna tsun mu ai.

Jinghpaw Hanson Version Bible

²⁶ hkinjawng agyi Abiahta a lakhtak e, Karai Kasang a nta de shang nna, hkinjawng ni sha n rai yang gaw, kadai mung n mai sha ai madun da ai muk hpe sha nna, shi hte rau nga ai ni hpe mung, jaw mu ai amu a lam, nanhte kalang mi muk n hti yu myit ni?” ngu nna shanhte hpe tsun mu ai.

MARKU 2:26 ပူးပေါင်းရင်းမြစ်များ

2 SAMUELA 15:24

Dai yang e nga nga ai hkinjawng Zadok hte Lewi masha ni mung chyoi pra ai Ga Shaka Sumpu hpai da nga ma ai. Shanhte gaw amyu masha ni yawng mare kaw nna pru tawm mat wa ai aten du hkra dai Ga Shaka Sumpu hpe n hta ka-aw ai sha tawn da ma ai. Hkinjawng Abiahta mung dai yang e nga nga ai.

2 SAMUELA 15:29

Dai rai nna Zadok hte Abiahta yan gaw Ga Shaka Sumpu hpe Yerusalem mare de bai la wa nhtawm dai yang e nga nga ma ai.

2 SAMUELA 15:35

Dai yang e, hkinjawng Zadok hte Abiahta yan mung nga nga na mara ai rai nna hkawhkam htingnu kata nang na ai lam magup shan hpe tsun dan lu na rai ndai.

2 SAMUELA 20:25

Shewa gaw hkawhkam hkaw hte seng ai amu madu rai nga ai; Zadok hte Abiahta yan gaw hkinjawng rai ma ai.

2 SAMUELA 8:17

Ahitub a kasha Zadok hte Abiahta a kasha Ahimelek yan gaw hkinjawng yan rai ma ai. Seraia chyawm gaw hkawhkam hkaw na amu madu rai nga ai;

1 HKAWHKAM 1:7

Shi gaw (kanu Zeruia) a kasha yan rai nga ai Yoab hte hkinjawng Abiahta yan hte bawng nna, shi galaw ai amu hpe karum madi shadaw la na myit jahkrum da wu ai.

1 HKAWHKAM 2:22

Hkawhkam wa gaw, “Abishaga hpe jaw sha na lam, nang hpa majaw ngai hpe san n ta? Dai gaw magam tingnyang shi hpe ap ya na matu san ai lam sha rai nga ai; chyahtum chyalai tsun ga nga yang, shi gaw ngai hpu wa nan rai nga ai; hkinjawng Abiahta hte Yoab yan gaw shi a maga de nga ai yan rai nga ma ai!,” ngu nna tsun wu ai.

1 HKAWHKAM 4:4

Hpyen luksuk hpe up hkang ai wa: Yehoiada a kasha Benaia Hkinjawng ni: Zadok hte Abiahta

1 HKAWHKAM LABAU 24:6

Eleaza hte Ihtama amyu matu ni langai hpang langai hpaida da ma ai. Dai hpang Nehtanela a kasha, Lewi amu madu Shemaia gaw shanhte hpe mying ka la wu ai. Dai rai nna hkawhkam wa hte shi a du salang ni mung, hkinjawng Zadok hte Abiahta a kasha Ahimelek mung, hkinjawng dinghku ni hta na ningbaw ni, hte Lewi dinghku ni yawng hte mung sakse ni hkrai rai ma ai.

MAHTE 12:4

Shi gaw Karai Kasang a nta de shang nna hkinjawng ni hta lai nna kadai mung n mai sha ai madun da ai muk ni hpe, tara hte n htan shai rai tim shi hte shi a masha ni la sha manu ai.

MARKU 2:25

Shaloi Yesu gaw, “Dawi hte shi a manang ni lusha kadawn nna, kawsi hkrum nga ai shaloi hpa baw galaw ma ai lam kalang mi muk n hti yu myit ni?

1 SAMUELA 21:1

Dawi gaw hkinjawng Ahimelek nga ai Noba mare de sa wa wu ai. Ahimelek mung shi hpe hkap tau la na nga hkrit gari ai hte pru sa wa nhtawm, “Nang chyu sha ndai shara de hpa majaw sa wa n ta?,” ngu nna hkap san wu ai.

1 SAMUELA 23:6

Ahimelek a kasha Abiahta mahtang hprawng lawt mat wa nhtawm Kila mare e nga ai Dawi hte matut mahkai lu ai shaloi shi hte rau hpa hkai lawng hpe mung la sa wa wu ai.

1 SAMUELA 23:9

Shawlu gaw shi hpe htim gasat na lam maw mawn nga ai hpe Dawi na ai shaloi, shi gaw hkinjawng Abiahta hpe, “Nang de hpa hkai lawng la wa rit,” ngu nna tsun wu ai.