MARKU 2:22 - Jinghpaw Common Language Bible 2009

²² Sabyi nnan hpe mung, shanhpyi sabyi ndum dingsa ni hta n bang ga ma ai, hpa majaw nga yang, sabyi gaw sabyi ndum ni hpe kapaw je kau nna sabyi hte ndum ni hten sum mat na rai nga ai. Shing di na malai, sabyi nnan hpe sabyi ndum nnan ni hta ru bang lu na rai nga ai.”

Jinghpaw Hanson Version Bible

²² Tsabyi nnan hpe mung, shanhpyi ndum dingsa hta, kadai mung n bang da ga ai: shing di yang, tsabyi gaw ndum ni hpe kapaw je kau nna, dai tsabyi hte ndum ni sum mat ma ai. (Tsabyi nnan gaw, ndum nnan hta bang ga ma ai.)”

MARKU 2:22 ပူးပေါင်းရင်းမြစ်များ

YOBA 32:19

Ngai hta ga tsun na ahkang n lu ai rai yang, sabyi ntsin nnan hpring hkra rawng ai shanhpyi nhpye zawn ngai kapaw ga mat na nngai.

SHAKAWN KUNGDAWN 119:80

Ngai gaw na a hkang da ai ga ni hpe ra n rawng hkra madat mara hkan sa nga nngai majaw, kaya kahpa hte sum kadawng ai lam ngai hta n hkrum nga u ga.

SHAKAWN KUNGDAWN 119:83

Ngai gaw kabai kau sai shanhpyi ndum zawn akyu n rawng nga nngai; rai ti mung, na a hkang da ai ga ni hpe ngai malap kau nga nngai n rai.

MAHTE 9:17

Sabyi nnan hpe mung shanhpyi ndum dingsa ni hta kadai mung n bang da ga ma ai; shing di yang sabyi ndum ni kapaw wa ai hte sabyi yun mat nna, sabyi ndum ni hten mat ma ai. Shing rai na malai sabyi nnan hpe ndum nnan hta bang da ma ai rai nna, dai lahkawng yan akaja nga ai.

MARKU 2:21

“Kadai mung sumpan chyen nnan hte palawng dingsa hpe n kapa ga ma ai, hpa majaw nga yang, dai sumpan chyen nnan htun wa nna dai dingsa hpe gang je kau na ra ai rai nna, de a je mat ai hkang gaw grau kaba wa ai.

MARKU 2:23

Dai hpang Bansa Nhtoi hta e, Yesu gaw shi a sape ni hte rau hkaulan mam yi ni hpe lai di sa wa nga ma yang sape ni gaw hkaulan mam nsi ni hpe di la ma ai.

YAWSHU 9:13

Anhte ndai sabyi shanhpyi ndum ni hta sabyi ntsin hte jahpring da ga yang dai ni nnan hkrai rai nga ai; rai ti mung yu yu mu, dai ni je waw mat sai. Anhte a bu hpun palawng hte kyepdin ni lam galu hkawm ai a majaw aje amya rai mat sai.”

YAWSHU 9:4

shi hpe masu hkalem na lam shanhte daw dan ma ai. Dai rai nna shanhte a lawze daw ni hta tingsan dingsa ni htaw nna aje amya kapa gala re ai shanhpyi sabyi ndum dingsa ni gun sa ma ai.