MARKU 2:21 - Jinghpaw Common Language Bible 2009

²¹ “Kadai mung sumpan chyen nnan hte palawng dingsa hpe n kapa ga ma ai, hpa majaw nga yang, dai sumpan chyen nnan htun wa nna dai dingsa hpe gang je kau na ra ai rai nna, de a je mat ai hkang gaw grau kaba wa ai.

Jinghpaw Hanson Version Bible

²¹ Palawng nsa hpe, garai n htun ai sumpan chyen hte kadai mung n kapa ga ai: shing di yang, dai achyen gaw dai hpe sha ai hte, dai nnan gaw dingsa hpe gang je kau nna, de a je mat ai gaw grau kaba wa ai.

MARKU 2:21 ပူးပေါင်းရင်းမြစ်များ

ESAIA 57:16

Ngai gaw nye a amyu masha ni hpe asak jaw da ni ai, ngai gaw shanhte hpe matut nna mara shagun na n rai, shanhte hpe htani htana pawt sindawng na n rai.

MAHTE 9:16

Palawng dingsa hpe garai n htun ai sumpan nnan achyen hte kadai n kapa ga ai; shing di yang, sumpan nnan achyen gaw htun wa na ra ai rai nna palawng dingsa hpe gang ai majaw de a je ai hku gaw grau kaba wa ai.

MARKU 2:20

Rai ti mung la nnan wa hpe shanhte kaw na jahka la kau ya ai nhtoi du na ra ai; dai nhtoi hta e shanhte lu sha gam na mara ai.

MARKU 2:22

Sabyi nnan hpe mung, shanhpyi sabyi ndum dingsa ni hta n bang ga ma ai, hpa majaw nga yang, sabyi gaw sabyi ndum ni hpe kapaw je kau nna sabyi hte ndum ni hten sum mat na rai nga ai. Shing di na malai, sabyi nnan hpe sabyi ndum nnan ni hta ru bang lu na rai nga ai.”

LUKA 5:36

Yesu gaw ga shadawn hte mung shanhte hpe tsun mu ai gaw, “Palawng nnan hta na achyen gang je la nna, palawng dingsa hta kadai n kapa ga ai; shing di yang palawng nnan hpe gang je kau nna, palawng dingsa mung nnan hta na achyen hte n pre na ra ai.

1 KORINHTU 10:13

Nanhte hkrum hkra yu ai agung alau ni gaw, masha yawng hta byin hkrum ga ai baw sha rai nga ai. Rai ti mung Karai Kasang gaw, ga sadi dung ai Madu rai nna, nanhte hpe nanhte n hkam n jan lu ai agung alau hkrum shangun na myit dai n rai. Agung alau hkrum ai ten hta hkam jan lu ai n-gun lagaw jaw nna, dai agung alau kaw na lawt pru lu na hkat shi hpaw da ya na ra ai.