MARKU 2:17 - Jinghpaw Common Language Bible 2009

¹⁷ Yesu dai hpe na wu yang, “Hkam kaja ai ni tsi sara n ra ma ai, machyi ai ni sha ra ma ai. Ding hpring nna hkungga ging dum ai ni hpe shaga na matu n rai, yubak lu ai ngu nna kabai kau hkrum ai ni hpe shaga na matu she ngai sa du nngai,” ngu nna shanhte hpe tsun mu ai.

Jinghpaw Hanson Version Bible

¹⁷ Yesu dai hpe na wu yang, “N-gun ja ai ni tsi sara n ra ma ai, machyi ai ni sha ra ma ai; dinghpring ai ni hpe shaga na n rai, yubak kap ai ni hpe shaga na she ngai sa du nngai,” ngu nna shanhte hpe tsun mu ai.

MARKU 2:17 ပူးပေါင်းရင်းမြစ်များ

ESAIA 1:18

Dai Madu gaw, “Ya, anhte bawng jahkrup yu ga. Nanhte a yubak gaw sai zawn hkyeng nga ti mung hkyen zawn hpraw san hkra ngai kashin kau ya na nngai. Nanhte a yubak gaw dik hkra hkyeng nga ti mung, sagu mun zawn hpraw wa lu na marin dai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

YEREMIA 17:9

“Masha a myit masin hpe kadai chye lu nga a ni? Grai masu magaw ai hta jan nna hpa mung n nga nga ai; dai gaw shamai shatsai la na matu nau wa machyi sawng mat nga ai.

MAHTE 18:10

“Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai.

LUKA 15:10

Dai hte maren, ngai nanhte hpe tsun made ga, Karai Kasang a lamu kasa ni gaw, yubak kap ai masha langai mi myit malai lu ai majaw kabu gara rai nga ai,” ngu mu ai.

LUKA 15:29

Rai ti mung shi gaw, ‘Yu u, nde nlaw ning tup mayam langai mi zawn na a amu galaw ya ni ai; na a hkang ai ga ni hpe ngai galoi n lale ga nngai; rai ti mung, nye a kanawn manang ni hte pyaw poi sha na matu bainam kasha langai mi pyi nang ngai hpe galoi n jaw ndai.

LUKA 15:7

Dai hte maren, ngai nanhte hpe tsun made ga, myit malai lu shara n nga dum ai hkungga ging ai masha jahku shi jahku a majaw kabu gara ai hta, myit malai lu ai yubak kap ai wa langai mi a majaw, sumsing lamu kata e, grau nna kabu gara rai na ra ai.

LUKA 16:15

Yesu gaw, “Nanhte gaw masha ni a man e, tinang a hkum hpe teng man ai masha ni re ngu ai hku mu shangun nga myit dai; rai ti mung, Karai Kasang gaw myit masin ni hpe chye ya nga ai. Hpa majaw nga yang, masha e jahpu shareng nna shagrau ai arai ni gaw Karai Kasang a man e manu n rawng nga ai.

LUKA 19:10

Masha Kasha gaw mat mat ai ni hpe hkan tam nna hkye hkrang la na du sa ai rai nga ai,” ngu nna Zake hpe tsun wu ai.

YAWHAN 9:34

Shanhte gaw, “Nang gaw hkritung nna pyi mara kap ai hte kaba wa ai wa rai nga nhtawm me anhte hpe sharin nga n ni?,” ngu nna jawm htan nhtawm, dai wa hpe kanawng shapraw kau mu ai.

YAWHAN 9:40

Madu Yesu a makau e nga nga ai Hparishe ni dai ga na ma yang, “Anhte mung myi n mu ai ni re ai ngu nna nang tsun mayu n ni?,” ngu nna san mu ai.

KASA 20:21

Yuda masha ni hpe mung, maigan masha ni hpe mung, shanhte a yubak mara ni kaw na Karai Kasang hpang de myit malai kayin wa nna, anhte a Madu Yesu hpe kam sham na matu mung, ngai aja awa sadi jaw shadum shahprang ni ai.

KASA 26:20

Dai lam hpe shawng nnan Damasku mare, dai hpang Yerusalem mare hte Yuda mung ting na masha ni hte maigan amyu masha ni myit malai lu nna Karai Kasang hpang de kayin wa nhtawm myit malai hte gingdan ai arawn alai shachyen mu ga, ngai hkaw dan nngai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.