MARKU 2:15 - Jinghpaw Common Language Bible 2009

¹⁵ Dai hpang gade nna yang, Yesu gaw shi a sape ni hte rau Lewi a nta e shat sha nga ai. Kang hta ai ni law law hte yawng e jawm kabai kau hkrum ai masha ni mung shi kaw hkan nang nga ma ai rai nna, law law wa Yesu hte rau shat sha ai ku hta dung lawm nga ma ai.

Jinghpaw Hanson Version Bible

¹⁵ Dai hpang shi a nta de shat sha na shi dung nga ai rai nna, kang hta ai ni hte yubak kap ai masha law law wa, Yesu hte shi a sape ni rau dung nga ma ai: kaning rai nme law, law law wa rai nga ma ai rai nna shanhte shi kaw hkan nang ma ai.

MARKU 2:15 ပူးပေါင်းရင်းမြစ်များ

MAHTE 5:46

Nanhte gaw nanhte hpe tsaw ra ai ni hpe sha tsaw ra htang myit yang gaw, nanhte Karai Kasang kaw na hpa shabrai lu na myit ta?

MARKU 2:14

Yesu matut nna hkawm sa mat wa yang, Alhpe a kasha kang hta ai Lewi ngu ai wa hpe shi a kang hta ai sum e dung nga ai hpe mu hkrup wu ai. Yesu gaw, “Ngai kaw hkan nang rit,” ngu nna shi hpe tsun wu yang, Lewi mung rawt nna Madu a hpang hkan nang nga ai.

MARKU 2:16

Hparishe ni hte Tara sara nkau mi gaw, Yesu shing rai kang hta ai ni hte kabai kau hkrum ai masha ni a hpawng hta shat rau jawm sha nga ai hpe mu ma ai shaloi, shi a sape ni hpe, “Hpa majaw shi dai zawn re ai masha ni hte rau lu sha nga ai kun?,” nga nna san ma ai.

LUKA 15:1

Lani mi hta, kang hta ai ni hte, kaga kabai kau hkrum ai yubak kap ai masha ni law law wa, Yesu a ga madat na nga nna, shi hpang de sit sa ma ai.

LUKA 6:17

Kasa ni hte rau bum ntsa kaw na yu wa nna, layang e shi a sape hpung kaba hte rau tsap nga ai shaloi, Yuda mung ting hte Yerusalem mare na mung, nammukdara makau na Turu hte Sidon kaw na mung, masha wunawng wuwa kaba sa hpawng nga ma ai.