MARKU 2:13 - Jinghpaw Common Language Bible 2009

¹³ Yesu gaw Galile nawng makau de bai pru sa mat wa ai. Shawa masha ni shi hpang de du sa ma ai rai nna shi shanhte hpe sharin shaga hpang mu ai.

Jinghpaw Hanson Version Bible

¹³ Bai, dai nawng makau de shi pru sa wa ai; shawa hpawng ni nlang hte gaw, shi hpang de sa du ma ai rai nna, shi shanhte hpe sharin shaga ya mu ai.

MARKU 2:13 ပူးပေါင်းရင်းမြစ်များ

MAHTE 13:1

Dai shani jang, Yesu gaw dai nta na pru nhtawm, sharin shaga na matu nawng makau e sa dung nga ai.

MAHTE 9:9

Yesu gaw dai shara kaw na sa mat wa yang, shi a kang hta ai sum e dung nga ai Mahte ngu ai kang hta ai wa hpe mu hkrup nna, “Ngai kaw hkan nang rit,” ngu shi hpe tsun wu ai. Shaloi Mahte rawt nna shi kaw hkan nang nga ai.

MARKU 1:45

Rai ti mung dai masha wa gaw pru mat wa nna dai shiga hpe shara shagu aja awa hkai dan ai hte kajai gumhkawng dat wu ai rai nna Yesu gaw mare kata de dan dan leng leng n shang lu wu ai. Mare de shang na malai, masha katsi ai shara hkan e nga nga ai: shara magup hkan na masha ni mung shi kaw sa du ma ai.

MARKU 10:1

Dai hpang Yesu gaw dai shara na pru mat wa nna, Yuda mung de sa mat wa nhtawm, Yawdan hka hpe rap wu ai. Shawa masha wunawng wuwa shi hpang de sa hpawng nga ma ai rai nna galoi mung shi galaw nga ai hte maren shanhte hpe sharin shaga ya mu ai.

MARKU 2:2

Dai majaw masha ni law law shi kaw sa zuphpawng nga ma ai rai nna, shara n nga mat ai gaw nta chyinghka lam ndaw pyi n ngam hkra rai nga ai. Yesu gaw shanhte hpe mungga hkaw tsun dan nga ai.

MARKU 4:1

Bai Yesu gaw Galile Nawng makau e sharin shaga hpang wu ai. Shi kaw sa hpawng shinggrup nga ai shawa masha ni law la nga ma ai majaw, shi gaw nawng na li langai mi hta shang nna dai hta e dung nga ai. Shawa masha ni Yesu shaga ai nsen na lu na daram li hpe hkin-gau hte jahka tawn nna, shawa masha ni gaw nawng makau hkarang ntsa e nga nga ma ai.

LUKA 19:48

Rai ti mung shanhte gaw shi hpe kaning di na lam n mu mu ai, hpa majaw nga yang, shawa masha ni yawng hte gaw ga hkaw mi mung n jahkrat kau mayu hkra shi a sharin shaga ai ga madat noi nga nga ma ai.

LUKA 21:38

Masha ni yawng mung, Yesu a sharin shaga ai ga madat na nga nna Nawku Htingnu de jahpawt jau jau Madu kaw sa ma ai.