MARKU 16:19 - Jinghpaw Common Language Bible 2009

¹⁹ Shing rai Madu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.

Jinghpaw Hanson Version Bible

¹⁹ Shing rai, dai Madu Yesu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.

MARKU 16:19 ပူးပေါင်းရင်းမြစ်များ

SHAKAWN KUNGDAWN 110:1

Dai Madu gaw, “Na a gumlau hpyen ni hpe na a lagaw kabye lahkum ngai shatai kau ai aten du hkra, ndai nye a hkra maga de, dung nga u,” nga nna nye a Madu hkawhkam wa hpe tsun nga ai.

MARKU 16:20

Sape ni mung pru sa nna shara shagu hkaw tsun ma ai. Dai Madu mung, shanhte hte rau amu galaw nna shanhte hkaw tsun ai mungga teng man nga ai lam sakse madun na matu shanhte hpe, lamik kumla ni galaw lu na atsam jaw da mu ai.]

LUKA 22:69

Rai ti mung Masha Kasha gaw, ya kaw nna daru magam hpung shingkang rawng ai Karai Kasang a hkra maga de dung nga lu na ra ai,” ngu nna shanhte hpe tsun mu ai.

LUKA 9:51

Ya Yesu hpe lamu de shalun la na nhtoi du wa magang yang, Yerusalem mare de sa wa na matu myit daw dan da wu ai.

YAWHAN 13:1

Ya, aten gaw Shalai wa ai Poi nhtoi a shawng shani e rai nga ai. Yesu gaw ndai mungkan ga na pru nna, shi a Kawa hpang de wa na matu ahkying du wa sai hpe chye wu ai. Shi gaw ndai mungkan ga e nga ai shi a masha ni hpe galoi mung a tsaw ra nga mu ai rai nna, jahtum nhtoi du hkra shanhte hpe tsaw ra mu ai.

YAWHAN 16:28

Ngai gaw Wa kaw nna nan pru sa nna mungkan ga de du sa ni ai; bai ya ngai mungkan ga hpe kau da nna, Wa hpang de wa na nngai,” ngu mu ai.

YAWHAN 17:13

Ya gaw nang hpang de ngai wa na rai nna, nye a kabu gara ai gaw shanhte a kraw lawang ni hta hpring tup wa malu ga, ngu nna mungkan ga e ndai lam ni ngai tsun da nga nngai.

YAWHAN 20:17

Yesu gaw, “Ngai e hkum hkra et, hpa majaw nga yang, ngai Wa hpang de garai n lung wa nngai. Rai ti mung ngai nau ni hpang de wa nna nye a Kawa ngu ai nanhte a Kawa, nye a Karai Kasang ngu ai nanhte a Karai Kasang hpang de ngai lung wa sana da, ngu nna shanhte hpe wa tsun dan su,” ngu nna shi hpe tsun dat wu ai.

YAWHAN 21:15

Ya sape ni sha ngut jang, Yesu gaw Simun Petru hpe, “Yawhan a kasha Simun e, ndai kaga ni ngai hpe tsaw ra ai hta nang ngai hpe tsaw ra n ni?,” ngu nna san wu ai. Shi gaw, “Rai sa, Madu e ngai nang hpe tsaw ra nga nngai gaw, nang chye nga ndai,” ngu nna htan wu ai. Shaloi Yesu gaw, “Nye a sagu kasha ni hpe bau rem nga u,” ngu nna shi hpe tsun wu ai.

YAWHAN 21:22

Yesu gaw, “Ngai du sa ai nhtoi du hkra ngai shi hpe asak hkrung nga shangun mayu yang, hkrung nga shangun na nngai, dai nang hte hpa seng a ta? Nang gaw nye a hpang hkan nang rit!,” ngu nna htan wu ai.

YAWHAN 6:62

Dai Masha Kasha gaw mi shawng de shi nga ai shara de bai lung wa ai hpe nanhte mu myit yang gaw, kaning nga na myit ta?

KASA 1:22

Dai wa gaw hkalup sara Yawhan a hkalup hte seng ai mungga hkaw tsun ai ten kaw nna, sumsing lamu de Madu Yesu hpe anhte kaw na shalun la hkrum ai ten du hkra Madu Yesu hte, rau hkawm rau sa ai anhte ni hta lawm ai wa langai mi rai ra ai.”

KASA 2:33

Shi hpe Kawa Karai Kasang a hkra maga de dung nga lu ai ahkang aya hte shagrau da nu ai hpang, Kawa Karai Kasang ga ndat jaw da ai Chyoi Pra ai Wenyi hpe hkam la nhhtawm ya nanhte mu lu na lu ai Wenyi hpe anhte a ntsa e ru jaw dat wu ai.

KASA 3:21

Moi chyaloi n hkoi kaw nna nga ai, shi a chyoi pra ai myihtoi ni a n-gup hku nna Karai Kasang tsun da sai hte maren, nga yawng nga pra hpe nnan bai gram ai prat du hkra Yesu gaw sumsing lamu e nga nga lu na rai nga ai.

ROMA 8:34

Daw dan lu ai wa gaw kadai wa mi rai nga a ta? Si hkam ai hta n ga, si mat ai ni hta na hkrung sharawt la hkrum nhtawm Karai Kasang kaw hpyi htinglu ya ai wa Hkristu Yesu shi nan rai nga ai.

KOLOSE 3:1

Nanhte gaw Hkristu hte rau hkrung sharawt la ai hkrum manit dai rai nna, Karai Kasang a hkra maga e dung ningngai nga ai Hkristu nga ai sumsing lamu na arai ni hpe ra marit nga mu.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

HEBRE 4:14

Dai rai nna anhte yin la kam sham nga ai nawku htung makam masham hta maju jung nga ga, hpa majaw nga yang, Karai Kasang a man de hkrang shang wa sai Karai Kasang a Kasha Yesu ngu ai Hkinjawng Agyi Kaba langai mi hpe anhte lu nga ga ai.

HEBRE 6:20

Yesu gaw anhte a malai dai shara e anhte a shawng e du shang nga sai rai nna Melhkizedek a hkringhtawng lam hku htani htana hkinjawng agyi kaba tai wa sai.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.

HEBRE 8:1

Ya anhte tsun dan nga ai lam ni a ahkyak ai ga madung gaw: anhte gaw Sumsing Lamu na Daru Magam hte hpring ai tingnyang a hkra maga de dung nga ai Hkinjawng Agyi Kaba lu ga ai.

HEBRE 9:24

Hpa majaw nga yang, Hkristu gaw kaja wa chyoi pra ai shara majing a kanan rai nga ai masha lata hte galaw ai Chyoi Pra ai Shara de n shang ai sha, sumsing lamu de nan shang nna, ya anhte a malai Karai Kasang a man de dan pru nga sai.

1 PETRU 3:22

Yesu Hkristu gaw sumsing lamu de lung mat wa nhtawm, Karai Kasang a hkra maga de anga nga ai rai nna lamu kasa ni yawng hte sumsing lamu na ahkang aya lu ai ni hte, hpung dagu rawng ai ni yawng hpe up hkang nga ai.