MARKU 16:18 - Jinghpaw Common Language Bible 2009

¹⁸ Shanhte gaw lapu ni hpe hta jum ma ti mung shing n rai hpa baw gung lu ma timung, shanhte hta hpa n hkrum na ma ai; machyi makaw hkrum ai ni a ntsa e shanhte lata ni hpe mara ya nna mai tsai wa shangun na mara ai. ngu nna matsun dat mu ai.’

Jinghpaw Hanson Version Bible

¹⁸ tinang a lata hte lapu hpe magra jum lu ma ai hte, si ai baw gung hpe lu ma timung, hpa mung n hkrum na ma ai; machyi makaw hkrum ai ni a ntsa e shanhte lata mara ya nna, dai ni bran wa na mara ai,” ngu nna matsun dat mu ai.

MARKU 16:18 ပူးပေါင်းရင်းမြစ်များ

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

SHAKAWN KUNGDAWN 91:13

Hkanghkyi ni hte lapu ni, matse ai hkanghkyi ni hte tuk rawng ai lapu ni a ntsa e, nang kabye hkawm lu na ra ai.

MARKU 5:23

“Nye a shayi sha kaji grai machyi nna si wa magang nga ai. Shi mai tsai wa nna hkrung nga u ga, shi a ntsa e lata mara ya na matu sa wa rit!,” ngu nna akroi anoi hpyi nem wu ai.

LUKA 10:19

Yu mu! Lapu hte n-gaw gawk ni hpe kabye lu na hte, gumlau a atsam yawng hpe dang lu na ahkang, ngai nanhte hpe jaw made ai rai nna, hpa mung nanhte hpe hkra lu na n rai.

KASA 19:12

Masha ni gaw, Pawlu lang ai hpajet hte lawng sap zawn re ai ni hpe pyi machyi ai ni hpang de la wa jang, shanhte a ana ahkya ni hpe shamai ya mu ai hte, shung ai n hkru ai nat ni mung pru mat wa ma ai.

KASA 3:12

Petru dai mu jang shawa masha ni hpe, “Israela amyu masha ni e, ndai wa a lam hpe hpa rai mau nga myit ta? An a dagu atsam, an a tara hkan nna Chyoi Pra ai lam a majaw ndai wa hpe lam hkawm shangun lu ai zawn nawn nga myit ni?

KASA 3:16

Shi a mying nsang a atsam gaw ndai lagaw hten ai wa hpe n-gun lagaw jaw nu ai. Shi a amying nsang hpe kam sham ai a marang e, ya nanhte mu chye ai lam hpe shabyin dat sai. Nanhte yawng mu chye lu ai hte maren Yesu hpe kam sham ai hte chyu sha dai wa hpe shamai shatsai ya sai rai nga ai.

KASA 4:10

nanhte nlang hte Israela amyu masha yawng chye ang myit dai, nanhte wudang hta jen sat kau nna Karai Kasang e jasi ni kaw na jahkrung sharawt la ai, Nazaret wa Yesu Hkristu a mying nsang hta ndai wa hkrak sha mai tsai mat nna nang kaw nanhte a man e tsap nga ai.

KASA 4:22

Dai lamik kum la hte shamai hkrum ai masha wa gaw, asak mali shi ning jan sai rai nga ai.

KASA 4:30

Machyi makaw mai tsi hkra na a lata ladawn nna, na a chyoi pra ai Shangun Ma Yesu a mying hte lamik kum la hte mau hpa amu ni hpe byin shangun u law,” nga nna akyu hpyi ma ai.

KASA 9:34

Petru gaw dai wa hpe “Ainea e, Yesu Hkristu nang hpe shamai ya nit dai: rawt u, na a hpun panep lajang u,” ngu tsun wu ai shaloi jang shi rawt wa lu ai.

ROMA 16:20

Ngwi pyaw ai a npawt Karai Kasang gaw gade n na yang Satan wa hpe nanhte a lagaw npu e kabye agrawp kau na ra ai. Anhte a Madu Yesu a chyeju gaw nanhte hte rau anga nga u ga law.

1 KORINHTU 12:9

Bai kaga wa hpe dai Wenyi gaw Karai Kasang hpe kam sham ai chyeju atsam, kaga wa hpe dai Wenyi gaw machyi makaw shamai shatsai ya lu ai atsam jaw mu ai.