MARKU 16:17 - Jinghpaw Common Language Bible 2009

¹⁷ Kam sham ai ni hpe lamik kumla ni galaw na atsam jaw ya na ra ai; shanhte gaw nye a mying ningsang hte nat ni hpe shaden kau lu na mara ai; shanhte gaw laklai ai ga ni tsun shaga na mara ai.

Jinghpaw Hanson Version Bible

¹⁷ Kamsham ai ni madun dan lu na lamik kumla gaw, da ndai ni rai nga ai: Shanhte nye a amying hte nat ni hpe shaden kau lu na mara ai; ga amyu kaga ga mung, tsun dan lu na mara ai;

MARKU 16:17 ပူးပေါင်းရင်းမြစ်များ

MARKU 9:38

Yawhan gaw, “Sara e, anhte kaw n hkan nang ai masha langai mi, na a mying hte nat ni hpe shaden kau nga ai hpe anhte mu hkrup sagaw ai, rai ti mung shi gaw anhte kaw n hkan nang ai wa re ai majaw anhte gaw shi hpe hkum kau gaw ai,” ngu nna shi hpe tsun wu ai.

LUKA 10:17

Dai sape marai sanit shi lahkawng hte gaw, nachying kabu gara ai myit hte bai du wa nna, “Madu e, na a mying hte daru dat yang, nat ni pyi anhte a ga madat ma ai,” ngu mu ai.

YAWHAN 14:12

Nanhte hpe ngai kaja wa teng teng tsun made ai gaw, ngai hpe kam sham ai wa gaw, ngai galaw ai amu lu galaw na ra ai, rai sa, dai hta grau kaba ai amu mung lu galaw na ra ai; hpa majaw nga yang, ngai gaw Wa hpang de wa na nngai.

KASA 10:46

Hpa majaw nga yang, maigan masha ni mauhpa ga baw amyu myu shaga nna Karai Kasang a grau htum ai hpe shakawn kungdawn nga ma ai hpe na lu ma ai majaw rai nga ai.

KASA 16:18

Dai numsha gaw dai zawn nhtoi law law ya wa marawn jahtau htau re ai majaw Pawlu myit n pyaw nna, kayin nhtawm, dai nat hpe, “Yesu a mying nsang hte ngai nang hpe hkang da de ga, shi kaw na pru mat u!,” ngu wu yang dai shaloi jang numsha kaw na pru mat wa ai.

KASA 19:6

Ya Pawlu shanhte a ntsa e lata mara ya jang Chyoi pra ai Wenyi shanhte a ntsa e du nna shanhte laklai ai ga, myu kaga shaga nna Karai Kasang a mungga hpe mung tsun shana ma ai.

KASA 2:33

Shi hpe Kawa Karai Kasang a hkra maga de dung nga lu ai ahkang aya hte shagrau da nu ai hpang, Kawa Karai Kasang ga ndat jaw da ai Chyoi Pra ai Wenyi hpe hkam la nhhtawm ya nanhte mu lu na lu ai Wenyi hpe anhte a ntsa e ru jaw dat wu ai.

KASA 5:16

Dai hta kaga, Yerusalem grup yin mare ni hkan na masha wunawng law law wa machyi ai ni hte nat shang zingri hkrum ai ni hpe woi nna, du shajang ma ai, dai ni mung yawng hte shamai shatsai ai hkrum ma ai.

KASA 8:7

N seng ai nat shung nga ai masha ni law law kaw nna nat ni gaw nsen kaba hte jahtau marawn let pru mat shajang ma ai. Lagaw hten ai ni hte katsing si ai ni law law mung mai mat shajang ma ai.

1 KORINHTU 12:10

Dai Wenyi nan kaga wa hpe lamik kumla galaw dan na atsam; kaga wa hpe myihtoi htoi na ahkang; kaga wa hpe Wenyi kaw na jaw ya ai chyeju atsam hte re ai n re ai hpe chye ginhka hparan lu ai atsam, kaga wa hpe ga amyu myu chye tsun na atsam, bai kaga wa hpe tsun ai ga a lachyum hpe htai sanglang dan lu ai atsam jaw shajang mu ai.

1 KORINHTU 12:28

Karai Kasang gaw dai Hpung hta e, langai ngu na shara hta Kasa ni, lahkawng ngu shara hta myihtoi ni, masum ngu na shara hta sara ni, dai hpang e lamik kumla galaw ai ni, dai hpang machyi makaw shamai shatsai na atsam lu ai ni, masha kaga ni hpe karum madi shadaw lam madun chye ai atsam lu la ai ni, lam woi ningshawng ni hte, laklai ai ga amyu myu chye shaga ai ni hpe mung shi shara hte shi san tawn da manu ai.

1 KORINHTU 12:30

Shanhte yawng hte wa machyi makaw shamai shatsai na chyeju lu la ma ai kun? Yawng hte wa laklai ai ga shaga ai ni rai ma ni? Yawng hte wa tsun ai ga amyu myu a lachyum hpe chye htai sanglang dan lu ai ni rai nga ma ai kun?

1 KORINHTU 13:1

Ngai gaw masha ni a ga hte lamu kasa ni a ga amyu myu hpe chye tsun rai ti mung, tsaw ra myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

1 KORINHTU 14:2

Laklai ai ga amyu myu shaga ai wa gaw masha kaga ni hte shaga hkat ai n rai, Karai Kasang hte she tsun shaga nga ai, hpa majaw nga yang, shi a ga hpe gade e mung n chye na ya mu ai. Shi gaw Wenyi atsam hpe lang nna makoi magap da ai lam ni hpe tsun nga ai.