MARKU 16:1 - Jinghpaw Common Language Bible 2009

¹ Ya Bansa Nhtoi lai mat jang, Magdala Mari yan Yaku a kanu Mari hte Salome gaw, dai moi mang hpe sa chya ya na matu manam pyaw ai sau sa mari ma ai.

Jinghpaw Hanson Version Bible

¹ Ya, laban nhtoi lai mat jang, Magadala Mari yan Yaku a kanu Mari hte Salome gaw, dai moi mang hpe chya ya na matu, manam pyaw ai sau mari ma ai.

MARKU 16:1 ပူးပေါင်းရင်းမြစ်များ

NINGPAWT NINGHPANG 50:2

Dai hpang Yosep gaw shi a kawa a hkum tsawp n yat manam mat hkra tsi lajang da na matu hkang da wu ai.

2 HKAWHKAM LABAU 16:14

Dawi a Mare hta shi a matu shi tawk da ai lungrawk lup hta lup makoi da ma ai. Shanhte gaw shi hpe lup makoi na matu shi a moi mang hpe manam pyaw ai namji namya ni hte namman sau ni lang nna hkyen lajang da ma ai. Shi si mat ai a majaw yawn hkyen ai kumla hku nna grai kaba ai wan nat poi mung galaw ma ai.

MARKU 14:3

Yesu gaw Behtani kahtawng na manggang ana kap yu ai Simun a nta e du nga ai. Ya, Yesu lusha sha dung nga yang, numsha langai mi gaw, nachying hpu ging nna manam pyaw ai mura nardu sau jet hpring hkra rawng ai lunghpraw ndum langai mi lang nna shang wa ai. Shi gaw dai hpe gang daw nna Yesu a baw hta e ru bun ya wu ai.

MARKU 14:8

Shi gaw shi rai lu ai hte maren galaw nu ai; shi gaw manam pyaw ai sau nye a hkum hta ru bun nna lup makoi na shawng e hkyen lajang ai bungli galaw ya ni ai.

MARKU 15:40

Dai kaw numsha nkau mi mung tsan tsan kaw nna yu nga ma ai. Shanhte hta, Magdala Mari, Yaku kaji yan Yosep a kanu Mari hte Salome ni lawm nga ma ai.

MARKU 15:42

Ya shana de rai wa sayang, Arimahtia mare na Yosep ngu ai wa sa du ai. Shi gaw shawa tara Kongsi hta lawm nga ai, masha e hkungga hkrum ai hte arawng lu ai masha langai mi rai nna, Karai Kasang a Mungdan de na ra ai hpe myit mada ala nga ai wa mung rai nga ai.

MARKU 15:47

Magdala Mari yan Yosep a kanu Mari gaw, dai moi mang tawn da ai shara hpe mu ma ai.

MARKU 16:2

Laban shani jahpawt jau jau e, jan pru wa ai ten hta, shanhte gaw dai lup de sa wa ma ai.

MARKU 16:8

Shaloi dai numsha ni gaw hkrit kahpra ai hte myit ru ung ang let dai lup kaw na pru wa nna hprawng mat wa ma ai. Shanhte hkrit kajawng nga ma ai majaw kadai hpe mung hpa n tsun ma ai. [

LUKA 23:54

Ya laban manga ya rai nna Bansa Nhtoi du magang ra ai.

LUKA 23:56

Dai hpang shanhte nta de wa nna manam pyaw ai baw hte mura sau lajang da ma ai. Bansa Nhtoi gaw dai jep ai Tara hte maren hkring sa ma ai.

LUKA 24:1

Laban shani jahpawt nhtoi mahka de, dai numsha ni gaw, shanhte lajang da ai manam pyaw ai baw la gun nna lup de sa wa ma ai.

YAWHAN 19:25

Yesu a wudang a makau e tsap nga ai ni gaw shi a kanu hte kanu a kanau, Klopa a madu jan Mari hte Magdala Mari ni rai ma ai.

YAWHAN 19:31

Yuda masha ni gaw wudang hta jen da nga ai masha ni a lagaw kayat daw nna wudang ntsa na mang ni hpe htawm kau na, Pilat kaw ahkang hpyi ma ai. Shanhte shing rai hpyi ai lam gaw, dai shani gaw shachyip ai Laban manga ya shani rai nga ai hte, hpang shani mung Bansa Nhtoi kaba rai nna Bansa Nhtoi e wudang hta mang n noi nga shangun mayu ma ai majaw mung, Bansa Nhtoi gaw laklai nna chyoi pra ai nhtoi rai nga ai majaw mung, rai nga ai.