MARKU 15:47 - Jinghpaw Common Language Bible 2009

⁴⁷ Magdala Mari yan Yosep a kanu Mari gaw, dai moi mang tawn da ai shara hpe mu ma ai.

Jinghpaw Hanson Version Bible

⁴⁷ Magadala Mari yan Yose a kanu Mari gaw, dai tawn da ai shara hpe mu ma ai.

MARKU 15:47 ပူးပေါင်းရင်းမြစ်များ

MAHTE 27:56

Shanhte hta Magdala Mari, Yaku hte Yosep a kanu Mari, hte Zebedi a madu jan ni lawm nga ma ai.

MAHTE 27:61

Dai yang e Magdala Mari hte kaga Mari yan lup de man yawng let tawtap e dung nga ma ai.

MAHTE 28:1

Ya, Bansa Nhtoi lai magang wa nna bat mi a shawng shani ngu ai dai Laban Nhtoi hprim hpram rai wa jang, Magdala Mari hte kaga Mari yan gaw, dai lup hpe yu yu na kawan sa ma ai.

MARKU 15:40

Dai kaw numsha nkau mi mung tsan tsan kaw nna yu nga ma ai. Shanhte hta, Magdala Mari, Yaku kaji yan Yosep a kanu Mari hte Salome ni lawm nga ma ai.

MARKU 15:46

Yosep gaw lachyit sumpan mari la nna, dai moi mang hpe shayu nhtawm, sumpan hte ahkyen kayawp ngut jang, nlung hta krawk da ai lup hta e bang tawn da wu ai.

MARKU 16:1

Ya Bansa Nhtoi lai mat jang, Magdala Mari yan Yaku a kanu Mari hte Salome gaw, dai moi mang hpe sa chya ya na matu manam pyaw ai sau sa mari ma ai.

LUKA 23:55

Galile mung nna Yesu kaw hkan nang ai numsha ni mung, Yosep a hpang e hkan nang nna, dai lup hpe mung, Yesu a moi mang hpe dai hta kaning di bang da ai hpe mung mu ma ai.