MARKU 15:34 - Jinghpaw Common Language Bible 2009

³⁴ Shana de hkying masum hta Yesu gaw, “Elo-i, Elo-i, lema sabakhtani?,” ngu nna jahtau wu ai. De a lachyum gaw, “Nye a Karai Wa e, Nye a Karai Wa e, hpa majaw nang ngai hpe kau da nga n ta?,” nga ai rai lu ai.

Jinghpaw Hanson Version Bible

³⁴ Ahkying jahku hta e, Yesu gaw nsen kaba hte, “Elo-i, Elo-i, lama sabakhtani?” ngu nna jahtau wu ai; de a ga lachyum gaw, “Nye a Karai Wa e, Nye a Karai Wa e, hpa majaw nang ngai hpe kau da nga n ta?” nga ai, rai lu ai.

MARKU 15:34 ပူးပေါင်းရင်းမြစ်များ

SHAKAWN KUNGDAWN 22:1

Nye a Karai Kasang e, nye a Karai Kasang e, nang hpa rai ngai hpe kau da nga n ta? Karum la na matu, myit chyum myit htum hte ngai hpyi jahtau ni ai, rai ti mung, ya du hkra, dai lam n du nga ai.

SHAKAWN KUNGDAWN 27:9

“Nang gaw ngai kaw na hkum makoi nga et!,” Ngai hpe masin hkum pawt et; Na a shangun ma wa hpe hkum n dang kau et; Karai Kasang, ngai hpe hkye hkrang la ai wa e, Nang gaw ya du hkra, ngai hpe karum la ai wa rai nga ndai majaw, ngai hpe hkum kau da et, ngai hpe hkum kabai da nga et.

SHAKAWN KUNGDAWN 42:9

“Nang gaw ngai hpe hpa majaw malap kau nga n ni? Nye a gumlau hpyen ni a gumshem ai hta ngai nni nkri hpe hpa majaw matut hkam sha ra nga a ta?,” ngu nna nye a shingbyi shara Karai Kasang hpe ngai tsun ni ai.

SHAKAWN KUNGDAWN 71:11

“Karai Kasang shi hpe kau da nu ai; anhte shi a hpang hkan nna shi hpe rim la ga, shi hpe mawai la na masha kadai mung n nga ai,” nga nna shanhte tsun ma ai.

ESAIA 41:17

“Nye a amyu masha ni hka ntsin tam la na ra ai aten hta mung, shanhte a yuhkraw ni hpang gara nna hkraw wa ai shaloi mung, dai Madu ngai nan shanhte a akyu hpyi ga hpe htan ya na nngai; Israela a Karai Kasang ngai gaw shanhte hpe galoi mung kau da na nngai n rai.

SHARUNG SHAYAWT 1:12

Shi gaw ndai lam hku lai ai masha shagu hte hpe, “Ngai hpe mada yu mi! Ngai zawn kadai hta mung nchyi nmu hkoi n hkrum yu myit dawng,” ngu nna marawn jahtau wu ai. Dai Madu gaw shi masin pawt ai aten hta nye a ntsa e dai nchyi nmu shapraw nu ai.

SHARUNG SHAYAWT 5:20

Nang anhte hpe hpa majaw dai daram na hkra kau da n ni? Nang anhte hpe bai dum nga na kun?

Daniela 9:21

Ngai akyu hpyi nga yang, shawng na shingran hta ngai mu yu sai Gabriela gaw ngai nga ai shara de pyen yu wa nga ai. Dai gaw shana de na shagu hkungga nawng ya ai aten hta rai nga ai.

MAHTE 27:45

Shani ka-ang jan pungding madi ai ten kaw nna shana de hkying masum du hkra, mung ting hta e nsin sin chyip rap rai mat ai.

MAHTE 27:46

Shana de hkying masum daram hta Yesu gaw nsen kaba hte “Elo-i Elo-i lema sabak htani,” nga nna jahtau ai. De a lachyum gaw, “Nye a Karai Wa e, nye a Karai Wa e, hpa rai nang ngai hpe kau da nga n ta?,” nga ai rai lu ai.

MARKU 15:25

Yesu hpe wudang hta jen da ai ahkying gaw jahpawt hkying jahku rai nga ai.

MARKU 15:35

Dai makau e tsap nga ai masha nkau mi, dai hpe na mu yang, “Madat yu mu, shi Elia hpe shaga nga ai,” nga ma ai.

LUKA 23:44

Ya aten gaw shani ka-ang hkying shi lahkawng daram rai nga ai. Dai aten kaw nna shana de hkying masum du hkra jan a nhtoi nip mat wa ai majaw, mung ting nsin chyip rai mat ai.

LUKA 23:46

Yesu gaw, “Wa e! Na a lata de nye a wenyi ap ya de ai!” nga nna nsen kaba hte jahtau wu ai. Shing nga tsun ngut jang, nsa hti mat ai.

KASA 10:3

Lani mi na shana de daw hkying masum daram e, Lamu kasa langai mi shi kaw du sa wa nna, “Korneli e!” nga nna shi hpe shaga ai hpe shingran langai mi hta leng leng mu wu ai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.