MARKU 15:32 - Jinghpaw Common Language Bible 2009

³² Israela hkawhkam Meshia gaw wudang ntsa na yu hkrat wa ai hpe anhte yu yu ga, shing rai yu hkrat wa ai hpe mu lu yang, anhte shi hpe kam sham na ga ai!,” nga nna shada da tsun nga ma ai. Shi hte rau wudang hta jen da hkrum ai yan mung Yesu hpe jahpoi asawng ma ai.

Jinghpaw Hanson Version Bible

³² anhte mu nna shi hpe kamsham lu u ga, Israela Hkawhkam, Hkristu gaw, dai wudang hta na ya yu hkrat wa u ga,” nga nna shada da tsun ma ai. Shi hte rau wudang hta jen da ai yan mung, shi hpe aroi arip ngu mu ai.

MARKU 15:32 ပူးပေါင်းရင်းမြစ်များ

ESAIA 44:6

Israela hpe up nna makawp maga nga ai dai Madu Chyahtum Chyalai N-gun rawng ai dai Madu gaw ning ngu tsun nga ai: “Ngai gaw shawng ningshawng wa hte ahpang jahtum ngu ai Karai Kasang rai nga nngai; ngai hta lai karai shaje n nga nga ai.

ZEHPANI 3:15

Dai Madu gaw nanhte a ari ahpri hpe jahkring kau nna nanhte a gumlau hpyen ni yawng hpe la kau ya na ra ai. Dai Madu Israela a hkawhkam gaw nanhte hte rau anga nga ai; Dai shara hta ya kaw nna hkrit tsang shara hpa mung nga na n rai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

MAHTE 1:17

Shing rai, Abraham a prat kaw nna Dawi prat du hkra; ahtik labau shi mali; bai, Dawi a prat kaw nna Babelon e bawng dung nga ai prat du hkra ahtik labau shi mali; bai, Babelon e bawng dung nga ai kaw nna Meshia shangai wa ai ten du hkra ahtik labau shi mali rai nga ai.

MAHTE 27:42

“Shi gaw masha ni hpe hkye la ga ai, rai ti mung shi hkum nan hpe gaw n hkye la lu a hka! Shi gaw Israela Hkawhkam n rai nga a ni? Ya shi wudang hta na yu wa a yang gaw, anhte shi hpe kam sham na ga ai.

MAHTE 27:44

Shi hte rau jen da hkrum ai damya yan pyi gaw dai hte maren shi hpe jahpoi asawng mu ai.

MARKU 15:26

Dai hta kaga, shi a mara hpe madun ai laika Yuda ni a Hkawhkam ngu nna wudang ntsa e shakap tawn ma ai.

MARKU 15:27

Shi hte rau damya lahkawng hpe mung, shi a hkra maga de langai mi, pai maga de langai mi di nna jen da mu ai.

YAWHAN 1:49

Nahtanela gaw, “Sara e, nang gaw Karai Kasang a Kasha rai nga ndai,” ngu nna shi hpe htan wu ai.

YAWHAN 12:13

shanhte gaw namhtan lakung ni daw lang nna shi hpe sa tau la nna, “Karai Kasang hpe shakawn mu! Dai Madu a amying hte du sa ai wa ngu ai Israela a hkawhkam gaw a nga u ga law!,” nga nna garu ma ai.

ROMA 3:3

Dai rai yang lama wa shanhte hta na nkau mi sadi n dung yang gaw, shanhte a sadi n dung ai lam a majaw Karai Kasang mung sadi n dung na re ngu nna tsun lu na kun?

2 TIMOHTI 2:18

Shanhte gaw dai teng man ai lam hta na yit mat wa nna anhte a hkrung rawt wa ai lam gaw byin ngut sai nga nna tsun ai hte nkau mi a kam sham ai lam hpe shanut jahtum ya nga ma ai.