MARKU 15:29 - Jinghpaw Common Language Bible 2009

²⁹ Lam e lai sa wa nga ai ni mung tinang a baw ni hpe kanga let, “Aha! Nawku Htingnu hpe run kau nna masum ya na laman e bai de da na nga ai wa e!

Jinghpaw Hanson Version Bible

²⁹ Lam e lai sa wa ai ni mung shi hpe shatan nhkan nna, tinang abaw hpe kanga let, “Aha! nawku Htingnu hpe run kau nna, masum ya na laman e bai de lu ai wa e,

MARKU 15:29 ပူးပေါင်းရင်းမြစ်များ

SHAKAWN KUNGDAWN 109:25

Masha ni ngai hpe mu ma ai shaloi shanhte ngai hpe mani asawng nga ma ai; shanhte gaw n kaw n law re ai hku nna, shanhte a baw ni hpe kanga dan ma ai.

SHAKAWN KUNGDAWN 69:26

Shanhte gaw nang e ari jaw tawn da hkrum ai ni hpe zingri zingrat di nga ma ai; nang nma shakap da hkrum ai ni a nni nkri lam ni hpe shanhte shatan nga ma ai.

SHAKAWN KUNGDAWN 69:7

Na a jaw e, ngai n kaw n law re ai hkrum sha nga nngai; ngai gaw kaya kahpa hte ka-up da ai hkrum nga ni ai.

SHARUNG SHAYAWT 1:12

Shi gaw ndai lam hku lai ai masha shagu hte hpe, “Ngai hpe mada yu mi! Ngai zawn kadai hta mung nchyi nmu hkoi n hkrum yu myit dawng,” ngu nna marawn jahtau wu ai. Dai Madu gaw shi masin pawt ai aten hta nye a ntsa e dai nchyi nmu shapraw nu ai.

SHARUNG SHAYAWT 2:15

Dai mare hku lai wa ai masha ni gaw nang hpe yu nna jahpoi asawng nga ma ai. “Ndai mare gaw yu tsawm na zawn rai nga a ni? Ndai mare gaw mungkan ting a gumrawng shara rai nga a ni?,” nga nna shanhte a baw ni kanga nhtawm Yerusalem mare a hten run mat ai hpe yu nna ashu nga ma ai.

MAHTE 26:61

“Ndai wa gaw, ‘Karai Kasang a Nawku Htingnu hpe ngai run kau nna, masum ya laman dai hpe bai gaw gap lu na we ai,’ nga nna shi tsun sai,” ngu mu ai.

MARKU 14:58

“Ndai wa gaw, ‘Masha lata hte galaw da ai ndai Nawku Htingnu hpe ngai run kau nna, masum ya laman e, masha e galaw ai n re ai sha kaga langai mi ngai bai de da na we ai,” nga nna shi tsun ai ga hpe anhte na sagaw ai,” ngu mu ai.

MARKU 15:28

(Ning re ai lam gaw, tara tawt lai ai ni a jahpan hta shi hpe hti shalawm mu ai nga nna ka da ai ga dik wa u ga she byin wa sai.)

MARKU 15:30

Ya wudang na yu hkrat wa nna na a hkum hpe nang hkye la u!,” ngu nna roi asawng mu ai.