MARKU 15:14 - Jinghpaw Common Language Bible 2009

¹⁴ Rai ti mung Pilat gaw, “Shi n hkru ai mara hpa wa galaw hkrup sata?,” ngu nna san mu ai. Shanhte gaw nsen grau shaja let, “Wudang hta jen da u?,” nga jahtau ma ai.

Jinghpaw Hanson Version Bible

¹⁴ Pilat gaw, “Shi n hkru ai hpa wa galaw hkrup sata?” ngu nna san mu ai. Shanhte mahtang, “Wudang hta shi hpe jen da u,” nga nna grau jahtau bu ma ai.

MARKU 15:14 ပူးပေါင်းရင်းမြစ်များ

SHAKAWN KUNGDAWN 69:4

Mara kata e, ngai hpe n ju n dawng nga ai ni gaw nye a baw na kara singgawng ni hta grau law nga ma ai; Nye a gumlau hpyen ni ngai hpe masu magaw shatan nhkan ga tsun nna, gumlang nga ma ai; Shanhte gaw n-gun ja nga ma ai rai nna, ngai hpe sat kau mayu nga ma ai. Ngai n lagu la ai arung arai ni hpe bai nhtang jaw shangun ma ai.

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

ESAIA 53:9

Shi gaw sai kap ai amu hpe galoi mung shut hpyit yu ai n rai, masu magaw ga galoi mung n tsun yu ai, rai ti mung shi gaw n hkru ai ni hte rau lup langai hta tawn da ai hkrum nu ai. Shi gaw sut su ai wa hte rau lup makoi da hkrum nga ai,” ngu nna htan ma ai.

MAHTE 27:19

Ya Pilat gaw tara jeyang ai gawk e naw dung nga yang, shi a madu jan gaw masha langai mi hpe shi kaw shangun dat nna, “Dai ding hpring ai wa hpe hpa mung hkum di u, hpa majaw nga yang, mana na nye a yupmang hta e shi a majaw, ngai nni nkri law law wa hkrum sha ni ai,” ngu nna shiga langai mi htet dat wu ai.

MAHTE 27:4

“Ngai gaw mara n lu ai masha langai mi hpe si na matu ap kau we ai majaw, yubak kap ni ai,” ngu mu ai. Shanhte gaw, “Dai anhte hte hpa seng nga a ta? Dai na a amu she rai lit dai!,” ngu mu ai.

MAHTE 27:54

Ya hpyen la dap kung langai mi up ai du wa hte shi hte rau Yesu hpe sin nga ai hpyen la ni gaw nnang nawn hte byin mabyin ni hpe mu mu yang, shanhte hkrit kahpra nna, “Kaja wa ndai wa gaw Karai Kasang a Kasha nan rai nga ai,” nga ma ai.

MARKU 15:13

Shanhte gaw, “Wudang hta jen da u!,” nga nna bai jahtau ma ai.

MARKU 15:15

Pilat gaw shawa masha ni hpe myit shapyaw ya mayu ai hte, shanhte a matu Baraba hpe dat ya mu ai. Dai hpang Yesu hpe anu kayat nhtawm jen sat kau na matu ap kau dat mu ai.

LUKA 23:21

Rai ti mung shanhte gaw, “Dai wa hpe wudang hta jen da u! Wudang hta jen da u!,” nga nna jahtau nga ma ai.

LUKA 23:4

Shaloi Pilat gaw, “Ndai wa hta mara ngai n mu nngai,” ngu nna hkinjawng agyi ni hte shawa masha ni hpe tsun mu ai.

LUKA 23:41

An gaw tinang a mara majaw hkrum ging ai hte maren, daw dan ai hkrum ga ai: ndai wa chyawm gaw, n sun n ang shut ai amu hpe mung n galaw ai wa rai nga ai,” nga nna dai wa hpe daru let htan wu ai.

LUKA 23:47

Shing rai byin ai lam hpe hpyen latsa up ai du wa mu wu yang, “Kaja wa ndai wa gaw masha kaja langai mi she rai nga ai!,” nga nna Karai Kasang hpe shagrau sha-a wu ai.

YAWHAN 18:38

Pilat gaw, “Teng man ai ngu ai gaw hpa rai ta?,” ngu nna shi hpe san wu ai. Dai hpang Pilat gaw shinggan de Yuda masha ni kaw bai pru nna “Ndai wa hpe daw dan na matu hpa mara mung n mu tam lu nngai.

YAWHAN 19:6

Hkinjawng agyi ni hte Nawku Htingnu sin ai hpyen ma ni Yesu hpe mu jang, “Wudang hta jen da u! Jen da u!,” nga nna jahtau ma ai. Shaloi Pilat gaw, “Nanhte nan shi hpe la nna jen da mu, ngai gaw shi hta hpa mara mung n mu nngai,” ngu nna shanhte hpe tsun mu ai.

KASA 13:28

Shanhte gaw shi a ntsa e si ari daw dan na ging dan ai mara hpe n mu tam ma ti mung shi hpe sat kau na Pilat kaw hpyi ma ai.

KASA 19:34

Rai ti mung shi Yuda masha langai mi rai nga ai hpe shanhte chye jang, yawng hte ting, “Ehpesu masha ni a Artemi she galu kaba ai law,” nga nna lang lata hkying hkum lahkawng daram na hkra marawn bu ma ai.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.

1 PETRU 1:19

Ana n kap ra n rawng ai sagu kasha hte bung ai hpu la ai Hkristu a asak hpe nawng ya kau ai hku nna, hkye hkrang la ai lam rai nga ai.