MARKU 14:72 - Jinghpaw Common Language Bible 2009

⁷² Shaloi jang dai u lahkawng bat goi nga ai. Dai rai nna Petru gaw, “U lahkawng lang garai n goi yang, nang ngai hpe masum lang nyet kau na rin dai,” nga nna Yesu shi hpe tsun ai ga dum dat ai hte rau hkrap gumpye taw nga ai.

Jinghpaw Hanson Version Bible

⁷² Shaloi jang, dai u lahkawng lang bat goi nga ai. Dai rai nna Petru gaw, “U lahkawng lang garai n goi yang, nang ngai hpe masum lang nyet kau na rin dai,” ngu nna Yesu shi hpe tsun ai ga hpe myit dum dat ai hte rau, hkrap nga ai.

MARKU 14:72 ပူးပေါင်းရင်းမြစ်များ

2 SAMUELA 24:10

Rai ti mung Dawi gaw yuptung jahpan hta la ngut jang, shi a myit kangi kanga rai nna shi hpe sharu hpang wa nga ai. Shi gaw dai Madu hpe, “Ndai amu galaw let hkrit hpa yubak langai ngai galaw shut kau se ai! Chyeju hte nye a mara raw dat kau ya e; ngai wa angawk ai hku amu galaw kau se ai,” ngu nna tsun wu ai.

EZEKELA 16:63

Ngai gaw nang galaw yu sai shut hpyit amu mahkra hpe mara dat ya na nngai, rai ti mung, nang gaw dai lam ni hpe myit dum wa nna na a n-gup hpaw na matu, ja ja kaya bu na ndai.” Tsaw Htum ai dai Madu tsun nu ai.

EZEKELA 36:31

Nanhte gaw nanhte a n hkru ai arawn alai hte nanhte a shut hpyit amu ni hpe myit dum wa nna, nanhte shut kau sai yubak mara ni hte matsat shabat amu ni a majaw, nanhte a hkum ni hpe pyi matsat kau na marin dai.

EZEKELA 7:16

Masha nkau mi gaw pa kadit ni kaw na pyen htaw lung wa ai hkrudu ni zawn, bum de hprawng lawt lu na mara ai. Shanhte yawng mung shanhte a shut hpyit ai yubak ni a jaw e kraw madai na mara ai.

MAHTE 26:34

Yesu gaw, “Ngai nang hpe kaja wa teng teng tsun de ga, dai na u garai n goi yang, nang ngai hpe masum lang nyet kau na rin dai,” ngu nna shi hpe tsun wu ai.

MARKU 14:30

Yesu gaw Petru hpe, “Ngai nang hpe teng teng tsun de ga, dai na pyi u lahkawng lang garai n goi yang, nang ngai hpe n chye nngai nga nna masum lang nyet kau na rin dai,” ngu nna tsun wu ai.

MARKU 14:68

Rai ti mung shi nyet kau ai hte, “Ngai n chye nngai, nang hpa tsun nga ai ngu ai hpe ngai n chye na nngai,” ngu htan nhtawm wang chyinghka lam de pru mat wa ai. Dai shaloi jang u kalang mi goi sai.

MARKU 14:71

Shaloi Petru gaw, “Ngai teng man ai ga tsun nga nngai ngu nna dagam n ga! N rai yang, Karai Kasang ngai hpe ari jaw u ga! Nanhte tsun nga ai wa hpe ngai n chye nngai!,” ngu wu ai.

LUKA 22:60

Petru gaw, “La nang e, nang hpa tsun nga ai hpe ngai n chye nngai!” ngu wu ai. Shing nga naw tsun nga yang, u la langai mi goi sai.

LUKA 22:62

Shaloi Petru gaw shinggan de pru nna ja ja hkrap nga ai.

2 KORINHTU 7:10

Hpa majaw nga yang, Karai Kasang jai lang ai yawn hkyen ai lam gaw hkye hkrang la hkrum shangun nga ai. De a majaw myit n pyaw shara n nga ai! Rai ti mung myit malai n lu ai sha shinggyim lai hku yawn hkyen ai lam gaw si hkrung si htan lam hpe shabyin nga ai.