MARKU 14:62 - Jinghpaw Common Language Bible 2009

⁶² Yesu gaw, “Ngai rai nga nngai; dai hta kaga, Masha Kasha gaw, daru magam hpung shingkang rawng ai wa a hkra maga de dung nga nna, lamu na sumwi ni hte du sa ai hpe, nanhte mu na marin dai,” ngu wu ai.

Jinghpaw Hanson Version Bible

⁶² Yesu gaw, “Ngai rai nga nngai; dai hta kaga, Masha Kasha gaw hpung shingkang a hkra maga e dung nga nna, lamu na sumwi ni hte sa du ai hpe, nanhte mu na marin dai,” ngu wu ai.

MARKU 14:62 ပူးပေါင်းရင်းမြစ်များ

SHAKAWN KUNGDAWN 110:1

Dai Madu gaw, “Na a gumlau hpyen ni hpe na a lagaw kabye lahkum ngai shatai kau ai aten du hkra, ndai nye a hkra maga de, dung nga u,” nga nna nye a Madu hkawhkam wa hpe tsun nga ai.

MAHTE 24:30

Dai shaloi e, Masha Kasha a kumla ni gaw sumsing lamu hta e dan pru na ra ai rai nna, shaloi jang ga ntsa na masha ni yawng gaw, dai Masha Kasha daru magam hpung shingkang kaba hte nawng lamu a sumwi ni hta jawn nna du sa ai hpe mu nna sharung shayawt na mara ai.

MAHTE 26:64

Yesu gaw, “Nang tsun ai hte maren rai nga ai. Rai ti mung ngai nanhte yawng hpe tsun made ga, ya kaw nna dai Masha Kasha gaw daru magam ahkang aya lu ai wa a hkra maga e dung nga nna lamu na sumwi ni hte du sa ai hpe nanhte mu na marin dai!,” ngu nna shi hpe tsun wu ai.

MAHTE 27:11

Ya, Yesu gaw Roma munggyi a man e tsap nga ai: munggyi gaw, “Nang Yuda ni a Hkawhkam rai nga n ni?,” ngu nna shi hpe san wu ai. Yesu htan nna, “Nang tsun ai hte maren rai nga nngai,” ngu wu ai.

MARKU 13:26

Dai shaloi e, Masha Kasha gaw daru magam hpung shingkang kaba hte sumwi ni hta e du sa ai hpe mu lu na mara ai.

MARKU 15:2

Pilat gaw, “Nang Yuda ni a Hkawhkam rai nga n ni?,” ngu nna shi hpe san wu ai. Yesu gaw, “Nang dai hku tsun nga ndai,” ngu nna htan wu ai.

MARKU 16:19

Shing rai Madu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.

LUKA 22:69

Rai ti mung Masha Kasha gaw, ya kaw nna daru magam hpung shingkang rawng ai Karai Kasang a hkra maga de dung nga lu na ra ai,” ngu nna shanhte hpe tsun mu ai.

LUKA 23:3

Pilat gaw Yesu hpe, “Nang Yuda masha ni a hkawhkam rai nga n ni?,” ngu nna san wu ai. Yesu gaw, “Nang tsun ai hte maren rai nga nngai,” ngu nna shi hpe htan wu ai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

HEBRE 8:1

Ya anhte tsun dan nga ai lam ni a ahkyak ai ga madung gaw: anhte gaw Sumsing Lamu na Daru Magam hte hpring ai tingnyang a hkra maga de dung nga ai Hkinjawng Agyi Kaba lu ga ai.

HEBRE 8:10

Ya ndai ga shaka gaw du na ra ai nhtoi ni a hpang e Israela amyu masha ni hte ngai tawn da na ga shaka rai nga ai. Shanhte a myit masin kata hta nye a tara hpe ngai bang da ya na mawe ai, shanhte a kraw lawang hta ka da na we ai: Shanhte a Karai Kasang ngai tai na nngai rai nna, shanhte gaw nye a amyu masha ni tai na mara ai.

2 PETRU 1:16

Anhte a Madu Yesu Hkristu a hpung shingkang atsam hte du sa ai lam nanhte hpe chye shangun na matu anhte gaw masha e gyin shalat la ai maumwi hta shamyet shanat ai lam n galaw saga ai. Anhte a myi hte nan shi a galu kaba hkik hkam ai lam hpe mu lu saga ai.

SHINGRAN 1:7

Yu mu! Shi gaw sumwi ni hta jawn nna du sa wa ra ai; Madu hpe nri hte galun baw ai ni hte hpawn masha yawng gaw shi hpe mu lu na mara ai. Dinghta ga na amyu nlang hte gaw, shi a majaw yawn hkyen sharung shayawt na mara ai. Dai hte maren byin wa u ga law!

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.