MARKU 14:58 - Jinghpaw Common Language Bible 2009

⁵⁸ “Ndai wa gaw, ‘Masha lata hte galaw da ai ndai Nawku Htingnu hpe ngai run kau nna, masum ya laman e, masha e galaw ai n re ai sha kaga langai mi ngai bai de da na we ai,” nga nna shi tsun ai ga hpe anhte na sagaw ai,” ngu mu ai.

Jinghpaw Hanson Version Bible

⁵⁸ “Ndai wa gaw, Lata hte galaw ai ndai nawku Htingnu hpe ngai run kau nna, masum ya laman e, lata hte n re ai sha, kaga hpe bai de lu na we ai, nga nna shi tsun ai ga hpe anhte na sagaw ai,” ngu mu ai.

MARKU 14:58 ပူးပေါင်းရင်းမြစ်များ

Daniela 2:34

Nang dai hpe mada yu nga yang, kadai mung n sa hkra ai nlung kaba gaw ninggam kaw nna daw hkrat wa nhtawm dai hkrang sumla a hpri hte kagam ga lagaw hpe adep hkra nna agrawp mani kau nga ai.

Daniela 2:45

Nang gaw kadai mung n jum hkra ai nlung langai mi kaning rai ninggam kaw nna daw hkrat wa nhtawm hpri, magri mang, kagam ga, gumhpraw hte aja hte galaw ai hkrang sumla hpe adawt hkra ai hpe mu nga ndai. Galu kaba ai Karai Kasang gaw du na ra ai aten hta hpa byin wa na lam madu hkawhkam hpe tsun nga ai. ngai gaw nang mu nit dai yup mang hpe tup hkrak tsun dan ni ai. De a teng man ai lachyum ngai nang hpe jaw ni ai.”

MAHTE 26:61

“Ndai wa gaw, ‘Karai Kasang a Nawku Htingnu hpe ngai run kau nna, masum ya laman dai hpe bai gaw gap lu na we ai,’ nga nna shi tsun sai,” ngu mu ai.

MARKU 14:57

Shaloi masha nkau mi rawt tsap nhtawm, shi a lam masu ai sakse hkam let tsun ma ai gaw:

MARKU 14:59

Shaloi pyi gaw shanhte a sakse ga ni hpe hkrum hkra n galaw lu ma ai.

MARKU 15:29

Lam e lai sa wa nga ai ni mung tinang a baw ni hpe kanga let, “Aha! Nawku Htingnu hpe run kau nna masum ya na laman e bai de da na nga ai wa e!

YAWHAN 2:19

Yesu gaw, “Ndai Nawku Htingnu hpe hpya kau u, masum ya laman e, ngai dai hpe bai sharawt na we ai,” ngu nna shanhte hpe htan mu ai.

KASA 7:48

“Rai ti mung Tsaw Htum ai Karai Kasang gaw masha a lata hte sha gap da ai nta kaw rawng ai n rai, dai lam myihtoi wa htawn tsun ai gaw,

2 KORINHTU 5:1

Dinghta ga hta anhte nga nga ai sum nta ngu ai hkum hkrang gaw hten run mat wa ai shaloi, sumsing lamu e Karai Kasang anhte nga na matu shi nan galaw ya ai htani htana grin nga na ra ai nta anhte lu ga ai hpe anhte chye nga ga ai.

HEBRE 9:11

Rai ti mung Hkristu gaw ya anhte hkam sha lu nga sai ngamu ngamai lam a Hkinjawng Agyi Kaba hku nna du sa nga sai. Shi daw jau amu galaw ai sum gaw lata hte n galaw da ai rai nna, ndai hpan tawn da ai mungkan ga hte n seng ai grau kaba nna hkum tsup re ai nawku sum rai nga ai.

HEBRE 9:24

Hpa majaw nga yang, Hkristu gaw kaja wa chyoi pra ai shara majing a kanan rai nga ai masha lata hte galaw ai Chyoi Pra ai Shara de n shang ai sha, sumsing lamu de nan shang nna, ya anhte a malai Karai Kasang a man de dan pru nga sai.