MARKU 14:57 - Jinghpaw Common Language Bible 2009

⁵⁷ Shaloi masha nkau mi rawt tsap nhtawm, shi a lam masu ai sakse hkam let tsun ma ai gaw:

Jinghpaw Hanson Version Bible

⁵⁷ Shaloi nkau mi rawt pru nna, shi a lam masu ai sakse hkam let,

MARKU 14:57 ပူးပေါင်းရင်းမြစ်များ

YEREMIA 26:18

“Yuda Hkawhkam Hezekia hkaw dung ai shaloi, Morashi masha myihtoi Mihka gaw amyu masha ni yawng hte hpe myihtoi ga tsun let, Chyahtum Chyalai N-gun Rawng ai dai Madu gaw, ‘Ziun gaw hkauna galau ai zawn, galau kau hkrum na ra ai; Yerusalem gaw ga sumpum tai mat na ra ai, Nawku Htingnu kawng gaw nam maling tai mat na ra ai,’ ngu nna tsun nu ai.

MAHTE 27:40

Nawku Htingnu hpe run kau nna, masum ya laman bai gaw gap da na nga ai wa e, na hkum hpe nang hkye la u, nang Karai Kasang a Kasha rai n yang gaw, wudang hta na yu hkrat wa u!,” ngu mu ai.

MARKU 14:56

Marai law law wa, shi a lam masu ai sakse hkam ma ti mung, shanhte a sakse ga ni n hkrum hkraw malu ai.

MARKU 14:58

“Ndai wa gaw, ‘Masha lata hte galaw da ai ndai Nawku Htingnu hpe ngai run kau nna, masum ya laman e, masha e galaw ai n re ai sha kaga langai mi ngai bai de da na we ai,” nga nna shi tsun ai ga hpe anhte na sagaw ai,” ngu mu ai.

MARKU 15:29

Lam e lai sa wa nga ai ni mung tinang a baw ni hpe kanga let, “Aha! Nawku Htingnu hpe run kau nna masum ya na laman e bai de da na nga ai wa e!