MARKU 14:54 - Jinghpaw Common Language Bible 2009

⁵⁴ Petru gaw tsan tsan e Hkinjawng Agyi Kaba wa a nta wang du hkra hkan nang sa wa ai. Dai kaw sin ai ni hte rau wan mang makau e dung nna wan kra lawm nga ai.

Jinghpaw Hanson Version Bible

⁵⁴ Petru chyawm gaw, hkinjawng agyi a wang kata du hkra, tsan tsan e shi kaw hkan nang nna, ali ama ni hte rau dung let, wan kra lawm nga ai.

MARKU 14:54 ပူးပေါင်းရင်းမြစ်များ

1 HKAWHKAM 19:13

Elia gaw dai nsen hpe na jang, shi a myi man hpe shi a hpajawng hte magap nna lungpu makau e sa tsap nga ai. Shaloi nsen langai mi gaw shi hpe, “Elia e, nang ndai yang e hpa galaw nga n ta?,” ngu nna san wu ai.

1 HKAWHKAM 19:9

Shi gaw shana e nga shalai kau na nga, lungpu langai mi de shang mat wa wu ai. Shaloi dai Madu gaw akajawng sha du nna, “Elia e, ndai yang e nang hpa galaw nga n ta?,” ngu nna san wu ai.

MAHTE 26:3

Dai shaloi hkinjawng agyi ni hte mung masha ni a salang ni gaw Kayahpa ngu ai hkinjawng agyi kaba wa a htingnu wang kata e zuphpawng hpawng nga ma ai rai nna,

MAHTE 26:58

Petru chyawm gaw Hkinjawng Agyi Kaba a wang du hkra Yesu a hpang, tsan tsan e hkan nang nga ai. Dai hpang wang de shang nna, Yesu a amu hpe gara hku shangut ya na lam chye lu hkra, Hkinjawng Agyi Kaba a sin langa ni hte rau dung nga ai.

MARKU 14:38

Agung alau ai hta nanhte n shang myit ga, amaja nga let akyu hpyi nga mu: Wenyi gaw Karai Kasang a myit ra ai lam galaw shangun mayu nga ai rai ti mung, hkum shan mahtang gawng kya nga ai,” ngu nna tsun mu ai.

MARKU 14:66

Petru chyawm gaw dai wang kata de naw nga nga ai rai nna, Hkinjawng Agyi Kaba wa a nchyang numsha ni hta langai mi shi a makau de sa du ai.

LUKA 22:44

Myit masin hta dik hkra nni nkri hkrum nga ai majaw, shi grau nna akyu hpyi shaja wu ai. Shi a salu salat mung sai kahte ni zawn ga de hkrat lu ai.

LUKA 22:54

Shanhte gaw Yesu hpe rim la nna Hkinjawng Kaba wa a nta de woi bang wa mu ai. Petru mung tsan tsan kaw nna hkan nang nga ai.

YAWHAN 18:18

Dai shaloi kashung ai majaw, sin ai hpyen la ni hte shangun ma ni gaw nra hte wan wut nna kra let tsap nga ma ai; Petru mung dai ni hte rau tsap nna wan kra nang nga ai.

YAWHAN 18:25

Petru gaw wan kra let dai yang e naw tsap nga ai. Dai rai nna kaga ni mung Petru hpe, “Nang mung shi a sape ni hta na langai mi n rai nga n ni?,” ngu nna san mu ai. Shi gaw, “N rai nngai,” ngu nna nyet kau wu ai.

1 SAMUELA 13:7

kaga nkau mi chyawm gaw Yawdan hka rap nna Gad hte Gilead a mung ni hkan hprawng makoi nga ma ai. Shawlu gaw Gilgala e naw nga nga ai rai nna, shi hte rau nga nga ai amyu masha ni mahtang hkrit gari nga ma ai.