MARKU 14:49 - Jinghpaw Common Language Bible 2009

⁴⁹ Shani shagu nanhte hte rau Nawku Htingnu e sharin shaga let nga nga yang, nanhte ngai hpe n rim la manit dai. Rai ti mung Chyum Laika ni hta ka da nga ai hte maren chyawm gaw dik wa lu na rai nga ai,” ngu nna tsun mu ai.

Jinghpaw Hanson Version Bible

⁴⁹ Sharin shaga nga let, nawku Htingnu hta e ngai shani shagu nanhte hte rau nga timung, nanhte ngai hpe n rim la manit dai. Ndai chyawm gaw, laika ni dik wa mu ga majaw, byin wa sai,” ngu nna shanhte hpe tsun wu ai.

MARKU 14:49 ပူးပေါင်းရင်းမြစ်များ

MAHTE 1:22

Ndai lam ni gaw Madu nan myihtoi a n-gup hku nna tsun da sai ga dik wa u ga she byin wa sai.

MAHTE 26:54

Rai ti mung ngai shing di yang, ndai lam byin wa lu na ra ai nga nna Chyum Laika hta tsun da ai hte maren, kaning rai dik wa lu na a ta? ngu nna shi hpe tsun wu ai.

MAHTE 26:55

Dai hpang Yesu gaw shawa masha ni hpe, “Damya hpe rim la ai zawn, ngai hpe rim la na, nanhte nhtu, dawhkrawng hte pru sa wa marin ni? Ngai shani shagu Nawku Htingnu hta e dung nna sharin shaga nga ai ten hta, nanhte ngai hpe n rim la manit dai.

MAHTE 26:56

Rai ti mung ndai lam yawng hte byin wa ai chyawm gaw, myihtoi ni ka da ai laika ni dik wa mu ga majaw byin wa sai,” ngu mu ai. Shaloi jang sape ni yawng shi hpe kau da nna hprawng mat wa ma ai.

MARKU 10:1

Dai hpang Yesu gaw dai shara na pru mat wa nna, Yuda mung de sa mat wa nhtawm, Yawdan hka hpe rap wu ai. Shawa masha wunawng wuwa shi hpang de sa hpawng nga ma ai rai nna galoi mung shi galaw nga ai hte maren shanhte hpe sharin shaga ya mu ai.

MARKU 11:27

Yesu hte sape ni gaw Yerusalem mare de kalang mi bai du wa ma ai. Ya Yesu Nawku Htingnu kata e htinglet hkawm nga yang, hkinjawng agyi ni, Tara sara ni hte agyi salang ni, shi hpang de sa du ma ai rai nna,

MARKU 12:35

Yesu gaw Nawku Htingnu nhku kata e sharin shaga nga yang, shi shanhte hpe ga san san mu ai gaw, “Meshia gaw Dawi a aru arat kashu kasha rai na ra ai, nga nna Tara Sara ni hpa rai tsun lu nga ma ta?

MARKU 14:48

Dai shaloi Yesu shanhte hpe ga tsun mu ai gaw, “Nanhte gaw tara tawt lai ai wa hpe zawn rim la na matu nhtu hte hkawn lang nna du sa wa marin ni?

MARKU 14:50

Dai shaloi sape ni yawng hte gaw shi hpe kau da nna hprawng mat wa ma ai.

LUKA 19:47

Shi gaw shani shanang Nawku Htingnu e sharin shaga let nga nga ai. Hkinjawng kaba ni, Tara sara ni Yuda amyu masha ni a ningbaw ningla ni mahtang gaw, shi hpe sat kau mayu da mu ai,

LUKA 22:37

Hpa majaw nga yang, ngai nanhte hpe tsun made ga, ‘Dai wa gaw tara tawt lai ai ni hta lawm nga ai,’ nga nna nye a lam ka da ai hte maren, ngai hta byin na ra ai. Dai gaw nye a lam ka da ai chyum ga hte maren byin nga sai majaw rai nga ai,”

YAWHAN 10:23

Yesu gaw Nawku Htingnu na Shawlumon a npan pinra e htinglet hkawm nga ai.

YAWHAN 18:20

Yesu gaw, “Ngai galoi mung masha yawng mayawng a man e, dan dan leng leng hkaw tsun ni ai, Yuda masha ni nlang zuphpawng ai tara jawng ni hta mung, Nawku Htingnu hta mung, ngai sharin shaga ni ai. Makoi magap nna ngai hpa mung n hkaw n tsun nngai.

YAWHAN 7:37

Shaloi dai poi a jahtum shani ngu ai ahkyak dik ai nhtoi kaba hta Yesu gaw tsap da nna, “Hpang gara ai wa kadai mung ngai hpang de sa lu rit.

YAWHAN 8:12

Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai. Nye a hpang hkan nang ai wa gaw asak a nhtoi hpe lu la na ra ai rai nna nsin hta galoi mung n hkawm n sa na ra ai,” ngu mu ai.

YAWHAN 8:2

Hpang jahpawt jau jau e Nawku Htingnu de shi bai sa wa ai rai nna, masha nlang hte mung shi kaw sa du shinggrup nga ma yang shi dung let shanhte hpe sharin shaga nga ai.