MARKU 14:41 - Jinghpaw Common Language Bible 2009

⁴¹ Masum lang ngu na nhtang wa yang, “Nanhte gaw naw yup pyaw nga nna hkring sa la lu nga myit ni? Ram sai! Ahkying aten du sai! Yu mu, dai Masha Kasha gaw yubak kap ai ni a lata hta ap kau ai hkrum na ra ai.

Jinghpaw Hanson Version Bible

⁴¹ Masum lang bat nhtang wa yang, “Nanhte gaw naw yup pyaw nna, asan apan rai nga myit hka: ram sai; ahkying aten du sai; yu mu, dai Masha Kasha gaw, yubak kap ai ni a lata hta e ap kau ai hkrum na ra ai.

MARKU 14:41 ပူးပေါင်းရင်းမြစ်များ

1 HKAWHKAM 18:27

Jan pungding madi ai aten hta chyawm gaw Elia mung shanhte hpe mani shakre hpang wa nu ai: “Ja ja jahtau nna hpyi mu le! Shi gaw karai langai mi rai nga ai! Shani e yup mang mang nga a dawng! Shing n rai hkum tsan nga a dawng! Shing n rai bu hkawm dam nga nhten! Shi mi she yup pyaw nga ai kun? Nanhte madaw shi hpe jasu sharawt la ra na myit dai!”

1 HKAWHKAM 22:15

Hkawhkam Ahab a man kaw shi pru wa jang, hkawhkam wa gaw shi hpe, “Mihkaia e, Hkawhkam Yehoshahpat hte ngai Ramot mare hpe sa gasat mai na, n mai na kun?,” ngu nna san wu ai. Mihkaia chyawm gaw, “Htim gasat su! Nang teng teng dang la lu na ndai. Dai Madu mung nang hpe awng padang jaw ya na ra ai,” ngu nna htan wu ai.

2 HKAWHKAM 3:13

Elisha gaw Israela hkawhkam wa hpe, “Nanhte hpe ngai hpa lam a majaw karum ang na rai nga a ta? Nanhte a kanu kawa ni san san re ai myihtoi ni kaw mahtang sa san la masu,” ngu nna tsun wu ai. Yoram gaw, “N rai law, hkawhkam masum ngu ai anhte hpe Moba hkawhkam a daru magam n-gun lata de ap kaw nga ai gaw dai Madu rai nga ai,” ngu nna tsun htang wu ai.

HPAJI NINGLI 11:9

Ramma ni e, nanhte a ram prat hpe kabu gara nga mu. Ramma naw rai nga yang kabu gara nga mu. Nang galaw mayu ai amu hpa hpe mung galaw u. Na a myit sharawng awng ai hku hkan u. Rai ti mung nang galaw ai lam a majaw Karai Kasang nang hpe jeyang na ra ai hpe adum nga u.

EZEKELA 20:39

Dai Tsaw Htum ai Madu gaw, “Israela amyu masha yawng hte e, nanhte pyaw pyaw rai nga mu! Shing rai matut nna nanhte a hpara sumla ni hpe daw jau mu! Rai ti mung nanhte a hpara sumla ni hpe kumhpa ni hte nawng jau ya ai hte nye a chyoi pra ai amying hpe jahpoi ai amu, ndai kalang a hpang jahkring kau nhtawm nye a ga hpe madat na rai myit dai, ngu nna ngai nanhte hpe sadi jaw nngai.

MAHTE 26:2

“Lahkawng ya lai jang, dai Shalai wa ai Poi du na ra ai, nanhte chye nga myit dai rai nna, Masha Kasha hpe wudang hta e jen da na matu ap kau ai hkrum na ra ai,” ngu mu ai.

MARKU 14:10

Shaloi sape shi lahkawng hta na langai mi rai nga ai Yuda Iskarut gaw, Yesu hpe hkinjawng agyi ni a lata de ap ya na matu shanhte hpang de pru sa wa ai.

MARKU 14:18

Shanhte sha ku grup dung nna sha nga ma yang, Yesu gaw, “Ngai nanhte hpe teng teng tsun made ga, ngai hte rau sha nga ai, nanhte hta na marai langai mi, ngai hpe ap kau na ra ai,” ngu mu ai.

MARKU 14:35

Shi gaw shawng de loi mi shawn lai sa wa nna, shi hkum dai ga hta kabai tawn nhtawm gum dagup let, byin mai yang dai nni nkri hkrum ai aten ladaw shi hta n du u ga, nga nna akyu hpyi nga ai.

MARKU 14:40

Dai hpang sape ni hpang de bai nhtang wa yang, shanhte a myi ni yup shamwi ai a majaw, shanhte naw yup pyaw nga ma ai hpe shi mu wu ai. Shanhte gaw shi hpe kaning ngu htan na mung n chye ma ai.

MARKU 14:42

Rawt mu, anhte sa wa saga. Yu mu, ngai hpe ap kau na masha wa gaw nang e rai nga ai,” ngu nna shanhte hpe tsun mu ai.

MARKU 7:9

Matut nna Yesu gaw, “Nanhte gaw tinang a sharin shaga ai lam hpe hkan sa nga lu na matu Karai Kasang a tara hpe shinggan kau ai lai gaw grai ram la nga myit hka!

MARKU 9:31

Hpa majaw nga yang, “Dai Masha Kasha gaw masha ni a lata de ap kau ai hkrum nna, shanhte shi hpe sat kau na maru ai. Rai ti mung masum ya nhtoi a hpang e shi bai hkrung rawt wa na ra ai,” ngu nna shi a sape ni hpe sharin achyin ya da mu ai.

YAWHAN 12:23

Yesu gaw, “Masha Kasha a hpung shingkang dan hkung na ahkying du wa ra ai.

YAWHAN 12:27

“Ya ngai myit ru nga nngai-ngai kaning ngu tsun na rai ta? Wa e, ndai nni nkri hkrum na ahkying kaw na hkye hkrang la rit ngu nna tsun na rai ni?

YAWHAN 17:1

Dai lam hpe Yesu tsun ngut jang, shi gaw lamu de mada yu nna, “Wa e, nye a ahkying du sali ai. Ngai nsha wa gaw na a hpung shingkang shapraw ya lu n ga, ngai nsha wa a hpung shingkang hpe mung shapraw ya e law.

YAWHAN 7:30

Shaloi shanhte gaw shi hpe rim la na maw ma ai, rai ti mung shi a ahkying garai n du lu ai majaw, gade e mung shi hpe n rim lu mu ai.

YAWHAN 8:20

Ndai ga ni gaw Nawku Htingnu kata na alu bang ai sadek ni tawn da ai gawk e Yesu sharin shaga nga yang, tsun ai ga ni rai nga ai. Rai ti mung, shi a ahkying garai n du lu ai majaw, shi hpe kadai mung n rim la lu mu ai.

KASA 7:52

Nanhte a nji nwa ni n zingri yu ai myihtoi kadai wa nga a ta? Shanhte gaw Karai Kasang a ding hpring nga ai shangun ma du sa na ra ai lam tau hkrau nna htawn tsun ai myihtoi ni hpe sat kau ma ai; ya nanhte mung dai wa hpe ap kau sat kau ai ni rai nga myit dai.

TARA AGYI 10:14

Nanhte lata la manit dai hpara ni hpe sa jahtau masu. Ya nanhte ru yak tsin-yam tsindam hkrum hkra nga ai aten hta nanhte hpe shanhte hkye mawai la myit ga.”