MARKU 14:36 - Jinghpaw Common Language Bible 2009

³⁶ “Wa e, nye a Wa e! Nang gaw yawng mayawng hpe dang di lu nga ndai; ndai nni nkri ngu ai gawm hpe ngai kaw na shalai kau ya rit. Rai ti mung, Ngai ra ai hku n rai, na a myit ra ai hku she rai u ga,” ngu nna akyu hpyi wu ai.

Jinghpaw Hanson Version Bible

³⁶ “Aba, Wa e, yawng mayawng hpe nang shabyin lu ndai; ndai gawm hpe ngai kaw na shalai kau ya e; rai timung, nye a myit n rai, na a myit she rai u ga,” ngu nna hpyi wu ai.

MARKU 14:36 ပူးပေါင်းရင်းမြစ်များ

NINGPAWT NINGHPANG 18:14

Dai Madu n dang galaw lu ai amu nga nga a ni? Ngai tsun da sai hte maren, ya kaw nna shata jahku du jang, ngai bai du na ring ngai, dai shaloi Sara gaw shadang sha langai mi lu na ra ai,” ngu nna tsun wu ai.

SHAKAWN KUNGDAWN 40:8

Nye a Karai Kasang e, na a myit ra ai hku galaw na, ngai kade wa tsaw nga a hka! Na a sharin shaga ai lam hpe nye a myit kraw lawang hta ngai mazing da nga nngai,” ngu nna ngai htan ni ai.

YEREMIA 32:27

“Ngai gaw shinggyim masha yawng a Madu a Karai Kasang rai nga nngai. Nye a matu chyawm gaw hpa mung grai yak nga li ai n rai.

MAHTE 26:39

Shaloi, dai yang na shi loi mi lai sa nhtawm, ga de myi man gum dagup let akyu hpyi wu ai gaw, “Wa e, ndai n ni n kri ngu ai gawm hpe ngai kaw na shalai kau lu yang gaw, shalai kau ya e! Rai ti mung nye a myit n rai, na a myit she rai u ga,” ngu nna tsun wu ai.

MAHTE 26:42

Lang mi bai sa nna, “Wa e, ndai nni nkri gawm hpe ngai n lu ai sha, ngai kaw na shalai kau lu yang gaw, na a myit ra ai hku rai u ga law,” ngu nna akyu hpyi nga ai.

MAHTE 6:9

Dai rai nna nanhte ning ngu akyu hpyi mu: ‘Sumsing lamu na anhte a Wa e, Na a mying nsang chyoi pra nga lit ga,

MARKU 10:27

Yesu gaw shanhte hpe azi yu nna, “Dai amu gaw masha n dang di lu ti mung, Karai Kasang gaw dang di lu nga ai, Karai Kasang gaw yawng mayawng hpe dang di lu nga ai,” ngu wu ai.

MARKU 10:39

Shan gaw, “An rai lu na ga ai,” ngu mu ai. Yesu gaw, “Kaja wa ngai lu na rai nga ai gawm hpe nan lu na rai nga myit dai; ngai hkam la lu na rai nga ai hkalup hpe nan hkam la na rai nga myit dai.

MARKU 14:37

Dai hpang shi bai wa yu yang sape ni marai masum hte yup pyaw taw nga ma ai hpe wa mu wu ai rai nna, Petru hpe, “Simun e, nang yup pyaw nga n ni? Hkying hkum mi sha pyi maja nga na, n sharang lu myit ni?

YAWHAN 12:27

“Ya ngai myit ru nga nngai-ngai kaning ngu tsun na rai ta? Wa e, ndai nni nkri hkrum na ahkying kaw na hkye hkrang la rit ngu nna tsun na rai ni?

YAWHAN 18:11

Yesu gaw, “Na a nhtu dai hpe n ga hta shawn bang kau u! Nye Wa ngai hpe jaw ai nni nkri ngu ai gawm hpe ngai n lu na re ngu nna nang myit da wu ni?,” ngu nna Petru hpe tsun wu ai.

YAWHAN 4:34

Dai rai nna Yesu gaw, “Ngai hpe shangun dat ai wa a myit ra ai hku hkan galaw na hte shi ap ya da ai magam bungli ngut kre hkra galaw na lam gaw nye a sha hpa rai nga li ai.

YAWHAN 5:30

Ngai gaw nye a myit hte hpa mung n galaw lu nngai; ngai gaw Karai Kasang tsun ai hte maren sha jeyang nngai; nye a jeyang daw dan ai lam mung ding man li ai; hpa majaw nga yang, ngai gaw ngai ra ai lam hkan galaw na matu shakut nga nngai n rai, ngai e shangun dat ai wa a ra ai lam hkan galaw na matu chyu sha tam shakut nga nngai.

GALATI 4:6

Ya nanhte gaw Karai Kasang a kasha ni rai nga ai hpe sakse madun na matu “Wa e, nye Wa e,” nga nna shaga chye ai shi a kasha a Wenyi hpe anhte a kraw lawang kata de shangun dat nu ai.

HPILIPI 2:8

Shi a myit hpe shagrit shanem kau nna, si ai du hkra madat mara nu ai. Kaja wa wudang hta si ai du hkra madat mara nga ai.

2 TIMOHTI 2:13

Anhte sadi n dung ga ti mung, shi gaw sadi dung nga ai, hpa majaw nga yang shi hkum shi masu ningdang kau lu ai wa n rai.”

TITU 1:2

Dai Nawku htung gaw htani htana asak hpe myit mada ai lam hta npawt de da nga ai. Masu magaw n chye ai Karai Kasang gaw, moi chyaloi nhkoi kaw nna htani htana asak anhte hpe jaw na matu ga ndat jaw da mani ai.

HEBRE 6:18

Shing rai dai ga sadi hte dagam ai ga myu lahkawng yan gaw n mai galai mat ai baw re ai majaw Karai Kasang gaw masu ga tsun ai n rai. Dai re ai majaw shi hta shingbyi nna shim ai lam lu la ai ni ngu ai anhte gaw anhte hpe jaw ya ai myit mada shara hta ngang ngang kang kang magra noi nga na matu n-gun jaw ai lam grai wa lu la saga ai.