MARKU 14:35 - Jinghpaw Common Language Bible 2009

³⁵ Shi gaw shawng de loi mi shawn lai sa wa nna, shi hkum dai ga hta kabai tawn nhtawm gum dagup let, byin mai yang dai nni nkri hkrum ai aten ladaw shi hta n du u ga, nga nna akyu hpyi nga ai.

Jinghpaw Hanson Version Bible

³⁵ Shaloi, dai yang na shi loi mi lai sa nna, ga de gum dagup let, dai ahkying ladaw shi hta shalai lu taw gaw shalai kau na, nga nna,

MARKU 14:35 ပူးပေါင်းရင်းမြစ်များ

NINGPAWT NINGHPANG 17:3

Abram gaw ga du hkra dingnyawm dagup nga yang, Karai Kasang gaw,

2 HKAWHKAM LABAU 7:3

Sumsing lamu na wan hkrat wa nhtawm htoi kabrim ai gaw Nawku Htingnu hta hpring nga ai hpe Israela amyu masha ni mu jang, shanhte gaw nlung nep da ai shara e myi man gum dagup let Karai Kasang hpe nawku nhtawm shi a mai kaja ai lam hte htani htana tsaw ra myit a majaw shi hpe shakawn kungdawn nga ma ai.

MAHTE 26:39

Shaloi, dai yang na shi loi mi lai sa nhtawm, ga de myi man gum dagup let akyu hpyi wu ai gaw, “Wa e, ndai n ni n kri ngu ai gawm hpe ngai kaw na shalai kau lu yang gaw, shalai kau ya e! Rai ti mung nye a myit n rai, na a myit she rai u ga,” ngu nna tsun wu ai.

MAHTE 26:45

Dai hpang sape ni kaw shi bai nhtang wa nna, “Nanhte gaw naw yup pyaw nga nna hkring sa la nga myit ni? Yu mu! Dai ahkying ni wa magang ra ai rai nna dai Masha Kasha gaw yubak kap ai ni a lata hta e, ap kau ai hkrum na ra ai.

MARKU 14:41

Masum lang ngu na nhtang wa yang, “Nanhte gaw naw yup pyaw nga nna hkring sa la lu nga myit ni? Ram sai! Ahkying aten du sai! Yu mu, dai Masha Kasha gaw yubak kap ai ni a lata hta ap kau ai hkrum na ra ai.

LUKA 22:41

Dai hpang shi gaw, sape ni nga ai kaw nna nlung kabai hkap daram gang hkra sa nhtawm, lahput hput di let,

YAWHAN 12:23

Yesu gaw, “Masha Kasha a hpung shingkang dan hkung na ahkying du wa ra ai.

TARA JAHPRANG 9:18

Dai hpang dai Madu a man e lang mi bai nhtoi mali shi ya mali shi na tup hpa mung n lu, n sha ai sha gum dagup let nga nga nngai. Nanhte gaw dai Madu hpe shut kau nna shi hpe masin pawt shangun manit dai majaw ndai amu hpe ngai galaw ni ai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.

SHINGRAN 4:10

dai salang hkun mali mung, tingnyang hta dung nga nna htani htana prat dingsa ahkrung nga ai wa hpe dingnyawm nawku ma ai. Shanhte gaw, dai tingnyang a man e janmau ni hpe raw tawn da nna,

SHINGRAN 5:14

Shaloi dai dusat amyu mali gaw, “Amen!,” nga nna htan ma ai; salang ni mung dingnyawm nna nawku ma ai.