MARKU 14:33 - Jinghpaw Common Language Bible 2009

³³ Petru, Yaku, Yawhan hte hpe gaw shi hte rau shaga woi mat wa ai. Shi myit mak wa ai hte myit ru myit tsang ai lam, shi hta byin nna,

Jinghpaw Hanson Version Bible

³³ Shaloi, Petru, Yaku, Yawhan hte hpe shi hte rau shaga woi nhtawm, shi myit mak wa ai hte, myit ru myit tsang grai hkrum nga ai rai nna,

MARKU 14:33 ပူးပေါင်းရင်းမြစ်များ

SHAKAWN KUNGDAWN 38:11

Nye a ningma ni a majaw, nye a manang ni hte htingbu ni ngai kaw n ni sa wa na ma ai; nye a dinghku pyi ngai hpe gang kau da nga ai.

ESAIA 53:10

Dai Madu gaw, “Shi hkrum sha ang ai nni nkri gaw nye a myit ra lam rai nga ai; shi a si hkam ai amu gaw mara raw dat ya na shagu hkungga rai nga ai. Dai rai nna, shi gaw shi a aru arat ni hpe mu na ra ai; shi gaw asak galu ai hte hkrung nga na ra ai, shi hku nna sha, nye a yaw shada ai lam awng dang wa na ra ai.

MARKU 16:5

Dai rai nna, shanhte lup kata de shang yu mu yang, dai kaw hpraw tu ai nba lawai nna hkra maga de dung nga ai shabrang langai mi hpe shanhte mu ma ai. Dai shaloi shanhte hkrit kajawng mat ma ai.

MARKU 16:6

Shi gaw, “Hkum hkrit kajawng myit, wudang hta jen da sai Nazaret wa Yesu hpe nanhte tam nga myit dai hpe ngai chye nga nngai. Shi nang e n nga sai, shi gaw si ai kaw na hkrung rawt wa sai! Yu mu, ndai kaw shanhte shi hpe bang da ma ai.

MARKU 5:37

Shaloi Petru, Yaku hte Yaku a kanau Yawhan hta kaga, kadai hpe mung shi hte rau hkan nang sa na ahkang n jaw mu ai.

MARKU 9:15

Shawa masha ni Yesu hpe mu hkrup jang shanhte nachying mau mahka mat ma ai hte shi hpang de gat sa nna shakram la ma ai.

MARKU 9:2

Ya kru ya na ai hpang Yesu gaw, Petru. Yaku, Yawhan hte hpe shaga la nhtawm, tsaw ai bum de woi lung wa mu ai rai nna, dai yang e shanhte hkrai rai nga ma ai. Shanhte yu nga yang, Yesu a ahpraw nsam galai mat wa nna,

LUKA 22:44

Myit masin hta dik hkra nni nkri hkrum nga ai majaw, shi grau nna akyu hpyi shaja wu ai. Shi a salu salat mung sai kahte ni zawn ga de hkrat lu ai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.