MARKU 14:31 - Jinghpaw Common Language Bible 2009

³¹ Petru chyawm gaw, “Nang hte rau ngai si hkra rai ti mung, ngai nang hpe n nyet kau na nngai!,” ngu nna grau nna aja awa tsun wu ai. Kaga ni yawng mung dai hte maren tsun nang ma ai.

Jinghpaw Hanson Version Bible

³¹ Petru chyawm gaw, “Nang hte rau ngai si timung ngai nang hpe n nyet kau na nngai,” ngu nna aja awa tsun wu ai. Shanhte nlang dai hte maren tsun nang ma ai.

MARKU 14:31 ပူးပေါင်းရင်းမြစ်များ

1 HKAWHKAM 11:22

Hkawhkam wa gaw, “Hpa majaw law? Ngai nang hpe karum na matu ngai lit hprai kau sani? Dai lam a majaw dum nta de nhtang wa mayu ai n rai ni?,” ngu nna san wu ai. Hadad gaw hkawhkam wa hpe, “Ngai hpe she wa shangun e law,” ngu nna htan wu ai. Shing rai shi mung shi a mungdan de nhtang mat wa wu ai. Edom hkawhkam Hadad gaw n hkru nga ai wa rai nna Israela a hpyen majing tai wa nga sai.

2 HKAWHKAM 8:13

Hazaela gaw, “Ngai hpa n rai nga nngai mi, kaning rai daru magam n-gun rawng wa lu na rai nga a ta?,” ngu nna san wu ai. Elisha gaw, “Nang Suri hkawhkam tai wa na rai nga ai gaw, dai Madu ngai hpe madun dan nga sai,” ngu nna tsun htang wu ai.

SHAKAWN KUNGDAWN 30:6

“Ngai gaw galoi mung sum hkrum na n rai,” ngu nna nye hkum ngai myit sim ai hte tsun nngai.

PRU MAT 19:8

Dai hpang amyu masha ni yawng gaw, “Dai Madu hkang da mada mahkra hpe anhte galaw na ga ai,” ngu nna jawm htan mu ai. Mawshe gaw dai lam dai Madu hpe bai htawn shana ya wu ai.

GA SHAGAWP 16:18

Gumrawng gumtawng ai gaw hten byak lam de woi sa wa nna; myit tsaw myit dap ai gaw hkrat sum ai lam de, woi sa wa nga ai.

GA SHAGAWP 18:24

Masha nkau mi hte na na jinghku n hku nga ai, rai ti mung, hpu nau ni manoi ai hta grau sadi dung ai jinghku manang n kau mi mung nga nga ai.

GA SHAGAWP 29:23

Myit tsaw myit dap ai gaw nang hpe hkrat sum shangun ti mung, nang mahtang shagrit shanem nga ai wa rai yang chyawm gaw hkungga ai hpe nang hkam la lu na ra ai.

YEREMIA 10:23

Madu e, anhte hta na kadai mung anhte a hpang jahtum na lam hpe n up nga ai gaw ngai chye nngai; anhte kadai mung anhte a asak hpe n hkang lu nga ai.

YEREMIA 17:9

“Masha a myit masin hpe kadai chye lu nga a ni? Grai masu magaw ai hta jan nna hpa mung n nga nga ai; dai gaw shamai shatsai la na matu nau wa machyi sawng mat nga ai.

MAHTE 10:33

Masha ni a man e ngai hpe nyet kau ai wa hpe chyawm gaw, sumsing lamu e nga ai, nye Wa a man e ngai nyet kau na we ai.

MARKU 10:39

Shan gaw, “An rai lu na ga ai,” ngu mu ai. Yesu gaw, “Kaja wa ngai lu na rai nga ai gawm hpe nan lu na rai nga myit dai; ngai hkam la lu na rai nga ai hkalup hpe nan hkam la na rai nga myit dai.

MARKU 14:30

Yesu gaw Petru hpe, “Ngai nang hpe teng teng tsun de ga, dai na pyi u lahkawng lang garai n goi yang, nang ngai hpe n chye nngai nga nna masum lang nyet kau na rin dai,” ngu nna tsun wu ai.

MARKU 14:32

Getsemane mying ai sun de shanhte du ma ai rai nna, Yesu gaw, “Ngai akyu hpyi nga yang, nanhte nang e dung nga mala,” ngu nna shi a sape ni hpe tsun wu ai.

LUKA 23:23

Shanhte mahtang nsen kaba hte jahtau nna, Yesu hpe wudang hta jen da na lam atik anang hpyi ma ai majaw, hpang jahtum shanhte hpyi ai lam lu la mat wa manu ai.

YAWHAN 13:37

Petru gaw, “Madu e, ngai nang hte rau hpa rai n hkan lu na rai ta? Na a matu si hkam na ngai jin chyalu rai nga nngai,” ngu wu ai.