MARKU 14:30 - Jinghpaw Common Language Bible 2009

³⁰ Yesu gaw Petru hpe, “Ngai nang hpe teng teng tsun de ga, dai na pyi u lahkawng lang garai n goi yang, nang ngai hpe n chye nngai nga nna masum lang nyet kau na rin dai,” ngu nna tsun wu ai.

Jinghpaw Hanson Version Bible

³⁰ Yesu mahtang, “Nang hpe ngai teng teng tsun de ga, Dai na pyi, u lahkawng lang garai n goi yang, nang ngai hpe masum lang nyet kau na rin dai,” ngu wu ai.

MARKU 14:30 ပူးပေါင်းရင်းမြစ်များ

NINGPAWT NINGHPANG 1:13

Shana gaw lai mat wa nna jahpawt du nga sai, dai gaw masum ya nhtoi rai nga sai.

NINGPAWT NINGHPANG 1:19

Shana gaw lai mat wa nna jahpawt du nga sai, dai gaw mali ya nhtoi rai nga sai.

NINGPAWT NINGHPANG 1:23

Shana gaw lai mat wa nna jahpawt du nga sai, dai gaw manga ya nhtoi rai nga sai.

NINGPAWT NINGHPANG 1:5

shi gaw nhtoi hpe “Shani” nsin hpe “Shana” ngu nna shamying wu ai. Shana gaw lai mat wa nna jahpawt du nga sai, dai gaw langai ya nhtoi rai nga sai.

NINGPAWT NINGHPANG 1:8

Shi gaw lamu madin hpe “Sumsing lamu” ngu nna shamying wu ai. Shana gaw lai mat wa nna jahpawt du nga sai, dai gaw lahkawng ya nhtoi rai nga sai.

MAHTE 26:34

Yesu gaw, “Ngai nang hpe kaja wa teng teng tsun de ga, dai na u garai n goi yang, nang ngai hpe masum lang nyet kau na rin dai,” ngu nna shi hpe tsun wu ai.

MARKU 13:35

Amaja nga mu, hpa majaw nga yang, dai nta madu wa gaw, nrim e, shing n rai yuptung e, shing n rai u goi hpawa e, shing n rai jahpawt manap e, galoi yang rai rai bai du wa na ra ai.

MARKU 14:29

Petru gaw, “Kaga ni yawng dai hku galaw ma ti mung, ngai gaw nang hpe galoi mung n kabai kau tawn da na nngai,” ngu nna htan wu ai.

MARKU 14:31

Petru chyawm gaw, “Nang hte rau ngai si hkra rai ti mung, ngai nang hpe n nyet kau na nngai!,” ngu nna grau nna aja awa tsun wu ai. Kaga ni yawng mung dai hte maren tsun nang ma ai.

LUKA 22:34

Yesu gaw, “Petru e, ngai nang hpe tsun de ga, dai na pyi, u garai n goi yang, nang ngai hpe n chye nngai nga nna masum lang nyet kau na rin dai,” ngu wu ai.

YAWHAN 13:38

Yesu gaw, “Nang kaja wa nye a matu si hkam na jin chyalu rai nit ni? Kaja wa teng teng ngai nang hpe tsun de ga, U garai n goi yang, nang ngai hpe masum lang nyet kau na rin dai,” ngu nna shi hpe htan wu ai.

YAWHAN 18:17

Shaloi chyinghka sin ai numsha gaw Petru hpe, “Nang mung dai masha wa a sape ni hta langai mi n rai n ni?,” ngu nna san wu ai. Shi gaw, “N rai nngai,” ngu nna htan wu ai.

1 KORINHTU 10:12

Dai rai nna marai langai ngai gaw, tinang a hkum hpe ding hpring kangka ai hta ngang ngang tsap nga ai wa rai nga nngai, nga nna myit yang gaw, shi n kadawng na matu sadi nga u ga.