MARKU 14:24 - Jinghpaw Common Language Bible 2009

²⁴ Yesu gaw, “Ndai gaw law law a matu ru kau ya ai, Karai Kasang a ga shaka hpe dazik dawk ya ai nye a asai rai nga li ai.

Jinghpaw Hanson Version Bible

²⁴ Shanhte hpe shi tsun mu ai gaw, “Dai gaw, masha law law a matu ru kau ya ai, dai ga shaka hte seng ai, nye a asai rai nga li ai.

MARKU 14:24 ပူးပေါင်းရင်းမြစ်များ

PRU MAT 24:8

Dai hpang Mawshe gaw jarung ni hta rawng ai asai la nhtawm amyu masha ni a ntsa e lapri bun wu ai. Shi gaw, “Da ndai gaw hkang da mada yawng hpe shi jaw ai shaloi, dai Madu nanhte hpe galaw da ai ga shaka hpe dazik shakap ai asai rai nga ai,” ngu nna tsun wu ai.

YEREMIA 31:31

Dai Madu gaw, “Israela hte Yuda amyu masha ni hte ngai ga shaka ningnan tawn da ai aten gaw du wa na ra ai.

ZEHKARIA 9:11

Dai Madu gaw, “Nanhte tawn da ai nye a ga shaka ngu ai dazik dawk da ai shagu hkungga ni a asai a majaw, Ngai gaw na a amyu masha ni hpe bawng dung hkrum ai ni hpe hka n rawng ai nhkun kaw nna shalawt dat na nngai.

MARKU 10:45

Hpa majaw nga yang, dai Masha Kasha wa pyi, masha hpe yam sha na nga nna du sa ai n rai; Masha hpe galaw daw ya na hte shi a asak hpe nawng ya kau nna masha law law hpe hkye mawai shaw la na matu du sa ai,” ngu nna tsun mu ai.

MARKU 14:23

Dai hpang gawm hpe mung shi la nna, Karai Kasang a chyeju hpe shakawn ngut jang, shanhte hpe jaw mu ai; shanhte yawng dai hta na lu ma ai.

MARKU 14:25

Nanhte hpe ngai teng teng tsun made ga, Karai Kasang a Mungdan hta e sabyi nnan hpe ngai lu lu ai nhtoi du hkra, ndai sabyi hpe ngai galoi mung bai lu lu na n rai,” ngu nna tsun mu ai.

LUKA 22:20

Dai hte maren shana shat sha ngut jang, dai gawm hpe mung shi la nhtawm, “Ndai gaw nanhte a matu ru kau ai, nye a asai hta gaw da ai Karai Kasang a ga shaka ningnan rai nga ai.

YAWHAN 6:53

Yesu gaw, “Ngai nanhte hpe kaja wa teng teng tsun made ga, Masha Kasha a ashan nanhte n sha, shi a asai hpe mung n lu myit yang gaw, nanhte hta asak n rawng lu ai.

1 KORINHTU 10:16

Anhte gaw Karai Kasang a chyeju hpe shakawn nna, a lu ai gawm kaw na sabyi hpe lu ga ai shaloi, Hkristu a sai hte kanawn mazum ai lam rai nga ai, n rai ni? Anhte muk ahkyep alep nna, dai hpe sha ai shaloi anhte gaw Hkristu a hkum hkrang hte kanawn mazum nga ga ai n rai ni?

1 KORINHTU 11:25

Dai hte maren, Shana Shat sha ngut jang, gawm hpe mung shi la nhtawm, “Ndai gawm gaw nye a sai hte dazik dawk nna gaw da ai Karai Kasang a ga shaka ningnan rai nga ai, ndai gawm kaw na sabyi lu ai ten shagu ngai hpe adum nga na matu ndai galaw mu,” ngu nna tsun mu ai.