MARKU 14:2 - Jinghpaw Common Language Bible 2009

² Rai ti mung shanhte gaw, mung masha ni kabring kabrawng rai wa na hpe tsang ai majaw, “Poi laman hta anhte dai n galaw ga,” nga nna shanhte tsun ma ai.

Jinghpaw Hanson Version Bible

² rai timung shanhte gaw, “Mung masha ni n kabrawng wa mu ga, poi a laman e n rai u ga,” nga nna tsun ma ai.

MARKU 14:2 ပူးပေါင်းရင်းမြစ်များ

GA SHAGAWP 19:21

Masha gaw lam magup hpe maw mawn mai nga ai; Madu a myit ra ai hte maren sha byin wa na ra ai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

SHARUNG SHAYAWT 3:27

Anhte a ram prat e, ndai myit galu ai hpe sharin la na gaw mai kaja htum nga ai.

MAHTE 26:2

“Lahkawng ya lai jang, dai Shalai wa ai Poi du na ra ai, nanhte chye nga myit dai rai nna, Masha Kasha hpe wudang hta e jen da na matu ap kau ai hkrum na ra ai,” ngu mu ai.

MAHTE 26:5

“Rai ti mung, mung masha ni n kabrawng wa mu ga, Poi laman e n rai u ga,” nga nna shanhte hkang da ma ai.

MARKU 11:18

Hkinjawng agyi ni hte tara sara ni, dai hpe na ma yang, shi hpe sat kau na lam tam ma ai. Shanhte gaw shi hpe hkrit da mu ai, hpa majaw nga yang, shawa masha ni yawng hte gaw, shi sharin shaga ai lam hpe mau mahka nga ma ai.

MARKU 11:32

Rai ti mung, ‘Masha kaw na re,” ngu na mung, shanhte gaw shawa masha ni hpe hkrit agam nga ma ai; hpa majaw nga yang, Yawhan myihtoi rai nga ai hpe masha shagu kaja wa kam nga ma ai.

MARKU 14:1

Ya, Shalai Wa ai Poi hte matsi n rawng ai muk sha ai Azuma poi du na lahkawng ya sha ra sai. Shaloi hkinjawng agyi ni hte Tara Sara ni gaw Yesu hpe kaning di nna makoi magap ai hku rim la nhtawm sat kau lu na lam tam nga ma ai.

MARKU 14:3

Yesu gaw Behtani kahtawng na manggang ana kap yu ai Simun a nta e du nga ai. Ya, Yesu lusha sha dung nga yang, numsha langai mi gaw, nachying hpu ging nna manam pyaw ai mura nardu sau jet hpring hkra rawng ai lunghpraw ndum langai mi lang nna shang wa ai. Shi gaw dai hpe gang daw nna Yesu a baw hta e ru bun ya wu ai.

LUKA 20:6

Bai masha hta na re ai, ngu yang mung, ya nang e nga ai shawa masha ni yawng, anhte hpe nlung hte kabai sat na mara ai, hpa majaw nga yang, shanhte gaw, Yawhan gaw myihtoi re ai,” nga nna kam nga ma ai.

LUKA 22:1

Ya Matsi n rawng ai Muk sha ai poi ngu ai Shalai wa ai Poi aten du na ni wa sai.

YAWHAN 12:19

Dai re ai majaw Hparishe ni gaw, “Yu mu, anhte hta awng dang ai lam hpa mung n nga sai. Kaja wa mungkan ting gaw shi a hpang hkan mat wa masai,” nga nna shada da tsun shajang ma ai.

YAWHAN 7:40

Shi shing nga tsun ai ga na ma yang, shawa masha ni hta na nkau mi gaw, “Ndai wa gaw kaja wa myihtoi rai nga ai,” nga ma ai.