MARKU 14:18 - Jinghpaw Common Language Bible 2009

¹⁸ Shanhte sha ku grup dung nna sha nga ma yang, Yesu gaw, “Ngai nanhte hpe teng teng tsun made ga, ngai hte rau sha nga ai, nanhte hta na marai langai mi, ngai hpe ap kau na ra ai,” ngu mu ai.

Jinghpaw Hanson Version Bible

¹⁸ Shanhte shat sha dung nga ma yang, Yesu gaw, “Ngai nanhte hpe teng teng tsun made ga, ngai hte rau sha nga ai, nanhte hta na marai langai mi, ngai hpe ap kau na ring ngai,” ngu mu ai.

MARKU 14:18 ပူးပေါင်းရင်းမြစ်များ

SHAKAWN KUNGDAWN 41:9

Ngai hpe grau nna kam hpa let ngai hte rau shat jawm sha ai nye a kaja htum ai manang wa pyi ngai hpe nhtang gumlau kau nu ai.

MAHTE 26:21

Shanhte shat sha nga ma yang shi gaw, “Ngai nanhte hpe kaja wa teng teng tsun made ga, nanhte hta na langai mi ngai hpe ap kau na ra ai,” ngu wu ai.

MAHTE 5:18

Nanhte hpe ngai teng teng tsun made ga, lamu hte aga she anga nga dingsa gaw, dai jep ai tara hta na ga kanu langai mi hte kaji dik ai ga madin langai mi pyi n dik n tup ai sha lai mat wa lu na n rai.

MAHTE 6:16

“Nanhte lusha gam myit yang, sawt ai masha ni zawn yawn kanyung ai myi man nsam hkum shapraw myit. Shanhte gaw tinang lusha gam nga ai lam shadan dan mayu nna, shanhte a myi man hpe jasum ma ai. Nanhte hpe ngai teng teng tsun made ga, shanhte tinang a shabrai yawng lu la manu ai.

MAHTE 6:2

“Dai rai nna ra kadawn nga ai masha langai mi hpe lama ma alu jaw n-yang gaw, masha ni zawn, tara jawng ni hte lam hkan e tinang hkum dan dawng hkra pahtau hkum dum myit. Ngai nanhte hpe teng teng tsun made ga, shanhte gaw tinang a shabrai yawng lu la manu ai,

MAHTE 6:5

Nanhte akyu hpyi myit yang, sawt ai masha ni zawn hkum rai myit! Shanhte gaw masha shagu shanhte hpe mu lu mu ga, tara jawng ni hta, mare lam mashe ni hta tsap nga nna akyu hpyi nga na tsaw nga ma ai. Nanhte hpe ngai teng teng tsun made ai gaw, shanhte tinang a shabrai lu la manu ai.

MARKU 10:15

Nanhte hpe ngai teng teng tsun made ga, kadai rai ti mung, Karai Kasang a mungdan hpe ma kaji langai mi zawn n hkap la ai wa gaw, dai hta e kaja wa n shang lu na ra ai,” ngu nna shanhte hpe tsun mu ai.

MARKU 10:29

Yesu gaw, “Rai nga ai, nanhte hpe ngai teng teng tsun made ga, nye a matu mara hte dai Kabu Gara Shiga a matu mara; dum nta, kahpu kana, kanu kawa kashu kasha, yi sun hkauna ni hpe kau da ai wa kadai rai ti mung,

MARKU 14:17

Ya nrim rim rai yang dai sape shi lahkawng hte rau shi sa du ai.

MARKU 14:19

Sape ni myit yawn nna, langai hte langai, “Dai wa gaw kaja wa ngai rai na a ni?,” ngu nna Madu hpe san mu ai.

MARKU 14:25

Nanhte hpe ngai teng teng tsun made ga, Karai Kasang a Mungdan hta e sabyi nnan hpe ngai lu lu ai nhtoi du hkra, ndai sabyi hpe ngai galoi mung bai lu lu na n rai,” ngu nna tsun mu ai.

MARKU 14:9

Ngai nanhte hpe teng teng tsun made ai gaw, dai Kabu Gara Shiga hpe mungkan ting hkaw tsun ai shara shagu hta e, shi hpe dum na matu ya shi galaw ai amu hpe hkai dan na maru ai,” ngu nna tsun mu ai.

MARKU 3:28

Ngai nanhte hpe teng teng tsun made ga, shinggyim masha ni a yubak mara yawng hte hte, shanhte tsun shut ai n hkru n kaja ai ga mahkra a matu, mara raw dat kau ya lu nga ai.

MARKU 6:11

Nanhte mare langai ngai de du nna dai mare kaw na masha ni nanhte hpe n hkap la nna nanhte hpe n madat n mara nga ma yang gaw, nanhte a lagaw lahpan hta kap ai ga nhpu hpe ahpu sharun kau da nna dai shara kaw na pru mat wa mu. Dai gaw shanhte hpe sadi jaw ai lam tai na ra ai.’’ ngu nna kahtap tsun dat mu ai.

MARKU 8:12

Rai ti mung Yesu gaw nsa kaba shaw madai let, “Ndai prat na masha ni gaw hpa rai lamik kumla langai mi hpyi ma ai kun? Ngai kaja wa teng teng tsun made ga! Ndai masha ni hpe dai zawn re ai lamik kumla hpa mung madun na mawe ai n rai!,” ngu mu ai.

MARKU 9:1

Shi matut nna bai tsun mu ai gaw, “Nanhte hpe ngai teng teng tsun made ga, ya nang e tsap nga ai ni nkau mi, Karai Kasang a Mungdan gaw hpung shingkang n-gun atsam hte de da ai hpe garai n mu mu gaw, si ai n hkrum na ma ai,” ngu mu ai.

MARKU 9:41

Ngai nanhte hpe teng teng tsun made ga, nanhte ngai hte seng ai ni rai nga ai nga nna nanhte hpe ntsin gawm mi jaw lu ai wa kadai mung, shi a shabrai teng teng hkam la lu na ra ai.

LUKA 11:51

Abela hpe sat kau ai kaw nna tawn hkungri hte Chyoi pra ai Shara lapran sat kau hkrum ai Zahkaria du hkra, rai sa ngai nanhte hpe tsun made ga, dai ni yawng a bunglat gaw, ndai prat na amyu ni hpe shagun lu na rai nga ai.

LUKA 22:21

Rai ti mung, “Yu mu, ngai hpe ap kau na wa gaw, ndai sha ku hta ngai hte rau rai nga ai.

LUKA 4:24

Bai shi gaw, “Nanhte hpe ngai teng teng tsun made ga, kadai myihtoi mung, tinang a buga mare hta hkap hkalum la hkrum ga ai n rai;

YAWHAN 1:51

Bai Yesu gaw, “Ngai nanhte hpe teng teng tsun made ga, sumsing lamu hpaw malang wa nna, Karai Kasang a lamu kasa ni gaw, Masha Kasha a ntsa e lung wa, yu wa, rai nga ai hpe nanhte mu na marin dai,” ngu nna shanhte hpe tsun mu ai.

YAWHAN 13:18

Nanhte yawng hpe sha-ang nna ngai tsun nga nngai n rai; ngai lata la tawn sai ni hpe gaw ngai chye da we ai. Rai ti mung, Chyum Laika hta, nye a shat sha ai wa gaw, shi a lahtin hte ngai hpe hkindit nngai, nga nna ka da ai ga dik wa lu na matu rai nga ai.

YAWHAN 13:21

Yesu gaw shing nga tsun ngut jang, shi a myit hta nachying yawn la ai hte, “Ngai nanhte hpe kaja wa teng teng tsun made ai gaw, nanhte hta na marai langai mi ngai hpe ap kau na myit dai,” ngu nna dan dan leng leng shanhte hpe tsun mu ai.

YAWHAN 13:22

Sape ni gaw, kadai hpe sha-ang nna tsun ai mung n chye mu ai majaw, kaja wa myit ung ang ai hte shada da yu mada hkat ma ai.

YAWHAN 13:38

Yesu gaw, “Nang kaja wa nye a matu si hkam na jin chyalu rai nit ni? Kaja wa teng teng ngai nang hpe tsun de ga, U garai n goi yang, nang ngai hpe masum lang nyet kau na rin dai,” ngu nna shi hpe htan wu ai.

YAWHAN 21:18

Nang hpe ngai kaja wa teng teng tsun de ga, nang shabrang nga ai hte yang, nang hkyen lajang shajin la nna sa mayu ai shara shagu de sa chye ndai; rai ti mung nang dingla wa jang chyawm gaw, na a lata yan hpe nang lalam nna, masha kaga langai ngai nang hpe hkyen lajang shajin ya nhtawm, nang n sa mayu ai shara de woi sa na rin dai,” ngu nna shi hpe tsun wu ai.

YAWHAN 3:11

Ngai nang hpe kaja wa teng teng tsun de ga, anhte gaw tinang chye ai lam hpe tsun ga ai, rai ti mung nanhte langai mi mung anhte a sakse ga hpe n hkap la myit dai.

YAWHAN 3:3

Yesu gaw, “Ngai nang hpe kaja wa teng teng tsun de ga, ntsa de nna n shangai ai masha gaw, Karai Kasang a Mungdan mu lu na n rai,” ngu nna shi hpe htan wu ai.

YAWHAN 3:5

Yesu gaw, “Ngai nang hpe kaja wa teng teng tsun de ga, hka hte Wenyi e n shangai ai masha gaw, Karai Kasang a Mungdan hta shang lu na n rai.

YAWHAN 5:19

Dai re ai majaw, ngai nanhte hpe kaja wa teng teng tsun made ga, Kasha gaw tinang a myit ai hku hte hpa mung n galaw lu ai; Kawa galaw ai amu ni hpe mu lu ai hte maren shi galaw nga ai. Kawa galaw ai lam shagu Kasha wa mung hkan galaw lu na rai nga ai.

YAWHAN 6:26

Yesu gaw, “Ngai nanhte hpe kaja wa teng teng tsun made ga, nanhte ngai hpe tam ai lam gaw, ngai madun ai lamik kumla ni a sung ai lachyum hpe chye na myit hkawn ai majaw n rai, muk lu sha nna hkru kat ai majaw sha tam ai rai nga myit dai.

YAWHAN 6:32

Shaloi Yesu gaw, “Ngai nanhte hpe kaja wa teng teng tsun made ga, nanhte hpe sumsing lamu de na muk jaw ai gaw Mawshe n rai, Nye Wa she sumsing lamu de na teng man ai muk nanhte hpe jaw myit dai.

YAWHAN 6:47

Nanhte hpe ngai kaja wa teng teng tsun made ga, kam sham ai wa gaw htani htana asak lu la lu ai.

YAWHAN 6:70

Bai Yesu gaw, “Nanhte shi lahkawng hpe ngai lata la masa de ai n rai ni? Rai ti mung, nanhte hta na langai mi gaw nat matse rai nga ai,” ngu nna shanhte hpe htan mu ai.