MARKU 14:15 - Jinghpaw Common Language Bible 2009

¹⁵ Shaloi shi gaw, lajang shachyip jahting da ai ntsa gawk kaba langai mi nan hpe madun na ra ai. Dai yang e anhte a matu ra mara shachyip da mala,” ngu nna matsun nhtawm shangun dat mu ai.

Jinghpaw Hanson Version Bible

¹⁵ shaloi, jahting shachyip da ai ntsa gawk kaba shi nan hpe madun na ra ai: ‘dai yang e anhte a matu shachyip da mala,’ ngu nna tsun dat mu ai.

MARKU 14:15 ပူးပေါင်းရင်းမြစ်များ

2 HKAWHKAM LABAU 6:30

shanhte a akyu hpyi ga hpe na ya u. Sumsing lamu na na a nta hta shanhte a ga hpe madat ya nna shanhte a mara dat ya u law. Nang chyu sha shinggyim masha a myit masin kata na myit mang ai lam ni hpe chye ya nga ndai. Langai hte langai tinang galaw ai amu hte maren hkam la shangun mi law;

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

GA SHAGAWP 16:1

Anhte gaw anhte a bungli masing ni hpe galaw mai ga ai; rai ti mung hpang jahtum e, Karai Kasang a myit ra ai hku sha byin nga ai.

MARKU 14:14

Shi kaw hkan nang wa mu. Shi shang wa ai nta na nta madu wa hpe nye a sape ni hte rau dai Shalai Wa Ai Poi ngai sha lu na, gawk kanang rai ta? nga nna sara gaw san shangun dat mi ai ngu mu.

MARKU 14:16

Dai sape yan pru sa wa nna mare de shang wa ma yang, Yesu shan hpe tsun da mu ai hte maren mu ma ai rai nna, dai Shalai Wa Ai Shana Shat Sha Poi shachyip da ma ai.

YAWHAN 21:17

Bai masum lang ngu na Yesu gaw, “Yawhan a kasha Simun e, nang ngai hpe tsaw ra nga n ni?,” ngu nna shi hpe san wu ai majaw, Petru myit yawn nna, “Madu e, nang gaw yawng mayawng hpe chye nga ndai ngai nang hpe tsaw ra nga nngai gaw, nang chye nga ndai!,” ngu nna htan wu ai. Yesu gaw, “Nye a sagu ni hpe bau rem nga u.

KASA 1:13

Sape ni gaw mare de shang nna shanhte manam ai nta ntsa gawk de shang nna nga nga ma ai. Dai ni gaw, Petru, Yawhan, Yaku, Andre, Hpilip, Htawma, Barhtolume hte Mahte, Alhpe a kasha Yaku, Zelutu ngu ai Simun hte Yaku a kasha Yuda hte rai ma ai.

KASA 20:8

Dai anhte hpawng nga ai ntsa gawk hta e pyengdin law law tu nga ai.

2 TIMOHTI 2:19

Rai ti mung Karai Kasang e jahkrat da sai ngang kang ai npawt nhpang hkridun chyawm gaw shamu shamawt shangun lu ai n rai; dai npawt nhpang a ntsa e dai Madu gaw, “Shi a masha rai nga ai ni hpe chye chyap nga ai,” nga nna mung, “Madu hte seng ai wa rai nngai nga nna tsun matsun yawng hte gaw shut hpyit ai amu hpe tawn kau da mu ga,” nga nna masat dazik ka shakap da nga ai.

HEBRE 4:13

Karai Kasang n mu n chye hkra makoi magap da lu ai hpa mung n nga ai; yawng mayawng gaw shi a man e dan leng nga ai rai nna anhte galaw ai lam shagu shi hpe jahpan dan lu na rai nga ga ai.