MARKU 14:11 - Jinghpaw Common Language Bible 2009

¹¹ Shanhte gaw shi sa tsun ai ga hpe na ma yang, kabu gara nga ma ai rai nna shi hpe gumhpraw jaw na ga sadi hkam la ma ai. Dai rai nna Yesu hpe kaning di nna shanhte a lata de ap ya lu na, ahkaw ahkang ginjang kaja tam magang nga ai.

Jinghpaw Hanson Version Bible

¹¹ Dai hpe na yang, shanhte kabu gara nga ma ai rai nna, shi hpe gumhpraw jaw na, hkam la ma ai. Dai rai nna, shi hpe kaning di ap ya lu na, mai ang ai ginwan tam nga ai.

MARKU 14:11 ပူးပေါင်းရင်းမြစ်များ

1 HKAWHKAM 21:20

Ahab gaw Elia hpe mu jang shi hpe, “Nye a gumlau hpyen wa e, nang ngai hpe hkan dep nang nga n ni?,” ngu nna tsun wu ai. Elia gaw, “Rai sa, ngai dep nang nga nngai; nang gaw dai Madu a man e n kaja ai amu hpe nang hkum nan myit jung ai hte htum hkra galaw kau nit dai.

2 HKAWHKAM 5:26

Rai ti mung Elisha gaw, “Nang hte hkrum na nga, shi a leng kaw nna dai masha wa yu wa ai shaloi dai yang e wenyi hta ngai n nga ai zawn nawn da wu ni? Ya aten gumhpraw hte hpun palawng ni, tsanlun sun, sabyi sun, sagu hte dumsu yam nga ni hte shangun ma ni hpe hkap la na aten n rai nga ai law!

HOSEA 7:3

Dai Madu gaw ning nga nna tsun ai: “Masha ni gaw shanhte a n hkru ai maw mawn lam hte hkawhkam wa hte shi a du salang ni hpe masu hkalem ma ai.

MAHTE 26:14

Dai shaloi sape shi lahkawng hta na langai mi rai nga ai, Yuda Iskarut ngu ai wa langai mi, hkinjawng agyi ni kaw pru sa nna,

MAHTE 26:15

“Ngai nanhte a lata hta Yesu hpe ap ya jang, ngai hpe gade jaw na myit ta?,” ngu nna san mu ai. Dai rai nna shanhte gaw gumhpraw lap sumshi hti ya mu ai.

MARKU 14:10

Shaloi sape shi lahkawng hta na langai mi rai nga ai Yuda Iskarut gaw, Yesu hpe hkinjawng agyi ni a lata de ap ya na matu shanhte hpang de pru sa wa ai.

MARKU 14:12

Ya Shalai Wa Ai Sagu Kasha hkungga ni sat nna Matsi n rawng ai Muk sha ai Azuma poi a nnan shani e, Yesu a sape ni gaw, “Dai Shalai wa ai Poi sha na, gara shara hta e na a matu anhte hpe sa shachyip shangun mayu nga n ta?,” ngu nna shi hpe san mu ai.

LUKA 22:3

Dai shaloi sape shi lahkawng hta lawm nga ai Iskarut ngu ai Yuda a myit masin hta Satan shang wa sai.

1 TIMOHTI 6:10

Hpa majaw nga yang, gumhpraw marin ai myit chyawm gaw n hkru n kaja ai lam amyu myu a ru npawt rai nga ai. Masha nkau mi gaw gumhpraw hpe lu la na matu grai myit katu ra sharawng nga ma ai majaw makam masham kaw na lam yit mat wa ma ai hte yawn hkyen ai lam amyu myu hte shanhte a myit kraw lawang ni hpe daw hten mat shangun ma ai.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.