MARKU 13:8 - Jinghpaw Common Language Bible 2009

⁸ Masha amyu mi hte amyu mi, mungdan mi hte mungdan mi shada da majan byin na mara ai. Shara shagu hta nnang nawn ni nawn wa na ra ai; hkuwa kaba ni mung hku wa na ra ai; dai lam ni gaw shawng nnan daw na ma shangai machyi hpang ai zawn ruyak kyindut ngu ai a npawt nhpang sha naw rai nga ai.

Jinghpaw Hanson Version Bible

⁸ Bai amyu mi hte amyu mi, mung mi hte mung mi shada da gumlau hkat na mara ai: shara kaga ga hta e nnang nawn nawn wa na ra ai; hku mung hku wa na ra ai: dai chyawm gaw kyin dut ngu ai a npawt nhpang rai nga ai.

MARKU 13:8 ပူးပေါင်းရင်းမြစ်များ

2 HKAWHKAM LABAU 15:6

Karai Kasang gaw ru yak tsin-yam tsindam hte myit ru myit yak lam shanhte hpe shapraw dan wu ai majaw amyu baw ni gaw kaga amyu baw wa hpe, mare mi gaw kaga mare mi hpe dip gamyet hkat ma ai.

SHAKAWN KUNGDAWN 48:6

Shanhte gaw dai yang e, ma shangai hkyen nna shinggyim machyi hkrum ai num hte,

ESAIA 19:2

Dai Madu gaw, “Ngai gaw Egutu mung kata hta dinghku majan shabyin dat nna, kahpu kanau shada da, htingbu htingbyen shada da hpe hpyen tai shangun na we ai. Shingjawng kashun mare ni hte shanhte shada da htim gasat wa nna, shingjawng kashun ai hkawhkam ni mung shanhte a magam tingnyang a matu malan da ting shakut wa na ra ai.

ESAIA 29:6

Chyahtum Chyalai N-gun rawng ai dai Madu gaw mu ngoi kadu ai laru kaba hte nnang nawn ai hte rau nanhte hpe hkye mawai la na ra ai. Shi gaw nbung laru hte wan mawru ni hpe dat dat na ra ai;

ESAIA 37:3

Ndai gaw Esaia hpe sa tsun na matu shi shanhte hpe hkang dat ai ga rai nga ai: “Dai ni na nhtoi gaw nni nkri hkrum sha ai shani rai nga ai; anhte gaw ari hkrum sha nna kaya kahpa hkrum nga saga ai. Anhte gaw ma shangai na matu jin jin rai nga sai, rai ti mung shangai lu na matu n-gun n rawng ai numsha langai hte bung nga saga ai.

YEREMIA 13:21

Na a jinghku jingyu ni nang hpe dang kau ai hte nang hpe up ai shaloi, nang kaning ngu tsun na nu ni? Nang gaw shinggyim machyi ai num zawn nchyi nmu hkrum na rin dai.

YEREMIA 22:23

Lebanon mung kaw na la wa ai arit hpun ni a lapran hta nang shim ai hte ban sa lu ti mung, shinggyim machyi hkrum ai num zawn nchyi nmu gaw nang hpe machyi shangun ai shaloi, nang kade wa matsan mayan hkrum nga n hka!

YEREMIA 25:32

Chyahtum Chyalai N-gun Rawng ai dai Madu gaw amyu mi a hpang amyu mi a ntsa e tsin-yam tsindam du nga ai mung, ginding aga a jahtum maga de nna laru kaba mung majaw lung wa na ra ai nga nna mung tsun ai.

YEREMIA 4:31

Ngai gaw shinggyim machyi ai numsha hte kasha alat shangai ai numsha a jahtau kyik ai nsen zawn jahtau hkrap ai nsen hpe na ni ai. Dai gaw Yerusalem a jahtau ai nsen rai nna ba galawp ai hte shi a lata ladawn nna, “Ngai gaw hten run ai hkrum nga nngai! Shanhte gaw ngai hpe sat na matu sa wa nga ma hka!,” ngu nna tsun nga ai.

YEREMIA 49:24

Damasku masha ni gaw n-gun yawm nga ma ai; shanhte gaw hkrit gari ai hte hprawng mat masai. Shanhte gaw shinggyim machyi hkrum ai numsha zawn kawa machyi ai hte nchyi nmu hkrum sha nga ma ai.

YEREMIA 50:43

Babelon hkawhkam gaw shiga na nga ai, shi a lata ni kya noi mat nu ai. Shi gaw makyin madut hte wang da hkrum nna, shinggyim machyi ai num zawn nchyi nmu ngu nga wu ai.

YEREMIA 6:24

Yerusalem amyu masha ni gaw, “Anhte dai shiga na saga ai; anhte a lata ni kya noi mat sai; anhte gaw shinggyim machyi hkrum ai numsha zawn ru yak kyindut hte nchyi nmu hkrum sha nga saga ai.

HAGI 2:22

mungkan mungdan ni hpe agrawp jahten kau nna shanhte a daru magam n-gun hpe jahten kau ya na nngai. Ngai gaw shanhte a hpyen leng ni hte gau ai masha ni hpe yeng seng kau na we ai, gumra ni si htum mat na mara ai. Gumra jawn ai ni langai hte langai shada da sat hkat na mara ai.

ZEHKARIA 14:13

Dai aten hta dai Madu gaw shanhte hpe kabring kabrawng shanut shanat kaba shabyin dat na ra ai rai nna, masha shagu hte gaw tinang nang a manang wa hpe rim magra da nhtawm gasat hkat wa na hpe hkrit na mara ai.

MAHTE 24:8

Ndai yawng mayawng chyawm gaw, shawng na ma shangai machyi ai hte bung nga ai.

MARKU 13:7

Hpyen gasat ai nsen hte majan shiga ni hpe ni ai tsan ai shara kaw na nanhte na myit yang, myit hkum ru myit. Dai zawn re ai amu ni gaw byin lu na ra ai, rai ti mung dai gaw mungkan a jahtum nhtoi du sai ngu ai garai n rai nga ai.

MARKU 13:9

“Nanhte mahtang tinang dai sadi let nga mu. Nanhte hpe rim la nna tara rung de ap kau na mara ai. Tara jawng ni hta nanhte gaw anu kayat ai hkrum na marin dai; up hkang ai du ni hte hkawhkam ni a man e nye a majaw nanhte tsap nna shanhte hpe dai Kabu Gara Shiga tsun dan lu na rai myit dai.

KASA 11:28

Shanhte hta na Agabu ngu ai wa rawt nna ga ntsa ting hta hku wa kaba wa na ra ai lam, Wenyi a atsam hte tau tsun dan mu ai. (Dai lam gaw Hkawseng Klawdi a prat e byin wa sai;)

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!

SHINGRAN 6:4

Shaloi gumra kaga, ahkyeng nsan ai gumra langai mi pru wa ai. Dai gumra jawn ai wa hpe, ndai ga ntsa e majan shabyin nna, masha sat hkat shangun na ahkang jaw da wu ai. Shi hpe nhtu kaba langai mi mung jahpye ya wu ai.