MARKU 13:34 - Jinghpaw Common Language Bible 2009

³⁴ Dai gaw, tsan ai ga de dum nta kaw na pru hkawm sa wa na masha langai mi, shi a nta hpe shangun ma ni a lata hta ap da nhtawm, shanhte langai hte langai galaw na bungli garan ya ngut jang, chyinghka sin ai wa hpe mung maja nga na matu hkang da ai hte bung nga ai.

Jinghpaw Hanson Version Bible

³⁴ Dai lam, masha langai mi tsan tsan mung de sa nga mat na, shi a nta hpe kau da yang, shi a mayam ni hpe ahkang jaw mu ai hte langai hte langai hpe bungli karan ngut jang, chyinghka sin ai wa hpe mung maja nga u ga, nga nna hkang da ai lam hte bung nga ai:

MARKU 13:34 ပူးပေါင်းရင်းမြစ်များ

MAHTE 16:19

Sumsing lamu na mungdan a sumsaw ni ngai nang hpe ap ya na de ai rai nna, dinghta ga hta nang jep hkum da mada gaw, sumsing lamu hta mung Karai Kasang gaw jep hkum da na ra ai. Ga ntsa e nang ahkang jaw majaw gaw, sumsing lamu hta e mung ahkang jaw na ra ai,” ngu nna shi hpe htan wu ai.

YAWHAN 10:3

Chyinghka sin ai wa mung, dai wa hpe gaw hpaw ya nga ai, sagu ni mung shi a nsen madat ma ai rai nna, shi gaw tinang a sagu ni hpe mying hte shaga nna shinggan de woi shapraw praw di wu ai.

ROMA 13:6

Dai majaw mung, nanhte hkansi bang nga myit dai; hpa majaw nga yang, ahkang aya lu ai ni gaw tinang galaw ang ai lit ni hpe gun hpai ai shaloi Karai Kasang a matu magam bungli gun hpai ai ni tai nga ma ai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

KOLOSE 3:24

Karai Kasang gaw shi a amyu masha ni hpe ga ndat tawn da ai shaman chyeju sali wunli hpe nanhte hkam la na rai nga myit dai hpe galoi mung adum nga mu. Hpa majaw nga yang, Hkristu chyawm gaw nanhte daw jau nga ai Madu majing rai nga ai.

KOLOSE 4:1

Madu ni e, nanhte mung sumsing lamu e Madu langai mi lu nga myit dai hpe myit dum let, tinang a mayam ni hpe shangun marang sha ai lam ni hta ram ging ai hte tara ding ai hku galaw nga mu.

SHINGRAN 3:7

“Bai, Hpiladehpi mare na hpung a lamu kasa hpe ning ngu ka dat u: “Ndai gaw, Chyoi pra ai hte tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa kaw na mungga rai nga ai.