MARKU 13:25 - Jinghpaw Common Language Bible 2009

²⁵ Shagan ni mung lamu de na di hkrat mat nna lamu ganghkau na n-gun atsam hking rai ni yawng tinang a shara kaw na htawt kau ai hkrum na mara ai.

Jinghpaw Hanson Version Bible

²⁵ shagan ni mung lamu de na di hkrat mat nna, sumsing lamu hta e nga ai nsam ni gaw gari wa na mara ai.

MARKU 13:25 ပူးပေါင်းရင်းမြစ်များ

ESAIA 34:4

Ajan, shata hte shagan ni gaw ga de di hkrat ayai mat na ra ai. Sumsing lamu gaw laika shabawn zawn katsu mat na ra ai; shagan ni gaw sabyi ru shing n rai lakum hpun kaw na run hkrat ai hpun lap ni zawn tai mat na ra ai.

YOELA 2:30

“Dai nhtoi hta sumsing lamu hta mung, ginding aga ntsa e mung sadi jaw ai sai hka, wan hte wan hkut sumwi ni hpe ngai madun na nngai.

MAHTE 24:29

“Bai, dai ru tsang ai nhtoi ni a hpang kalang ta nan jan gaw nip mat wa nna, shata mung n htoi mat na ra ai; shagan ni mung lamu de nna di hkrat mat na mara ai rai nna, lamu gang hkau na n-gun atsam ni gaw tinang a hkawm kayin nga ai lam ni kaw na htawt kamawng kau ai hkrum na mara ai.

SHINGRAN 6:13

Lakum hpun hpe nbung kaba ahpawt yang, de a n myin ai asi ni hpun kaw na run hkrat mat ai zawn, sumsing lamu na shagan ni gaw, ga ntsa de run hkrat mat ma ai.