MARKU 13:24 - Jinghpaw Common Language Bible 2009

²⁴ “Dai ru tsang ai hpang na nhtoi hte hta e, jan gaw sin mat wa nna shata ni nip mat na ra ai.

Jinghpaw Hanson Version Bible

²⁴ Bai, ru tsang ai hpang na nhtoi hte hta e, jan gaw sin mat wa nna, shata mung nip mat na ra ai;

MARKU 13:24 ပူးပေါင်းရင်းမြစ်များ

ESAIA 13:10

Shagan shagu hte shagan majaw shagu hte gaw nhtoi htoi na n rai, ajan pru wa tim sin mat na ra ai, shata gaw nhtoi jaw na ra ai n rai.

YEREMIA 4:28

Ginding aga gaw sharung shayawt nna; sumsing lamu gaw sin mak mat na ra ai. Dai Madu gaw shi tsun nu ai ga hpe shi a myit hta jashai kau na ra ai n rai. Shi gaw shi a daw dan ai amu hpe galaw nu ai, bai dawm la kau na ra ai n rai.

EZEKELA 32:7

Ngai nang hpe jahten shaza kau ai shaloi, sumsing lamu hpe ngai magap kau nna, shagan ni hpe mung la kau na nngai. Ajan gaw sumwi a shingdu e makoi nga nna shata mung nhtoi n jaw lu na ra ai.

Daniela 12:1

Lachyit nba hpun da ai dai lamu kasa gaw, “Dai aten hta, na a amyu masha ni hpe bau sin nga ai lamu kasa kaba Mihkaela dan pru wa na ra ai; shaloi masha amyu baw ni nga pra hpang wa ai aten kaw nna yak dik htum ai ru tsang hkrum aten du wa na ra ai. Dai aten du jang, Karai Kasang a jahpan laika hta mying rawng ai na a amyu masha ni yawng gaw hkye la ai hkrum na mara ai.

Daniela 7:10

dai kaw nna hka shi langai zawn grung nga ai wan lwi pru nga ai. Shi hpe daw jau na matu masha hkying hkying law ai ni nga nna, wan wan re ai masha ni shi a man e tsap nga ma ai. Dai tara rung gaw jeyang na lamang ni hpe galaw hpang wa let laika buk ni hpe hpaw da nga ai.

YOELA 2:10

Shanhte rawt lung wa yang, ginding aga ashun awam nga ai; sumsing lamu gari ashun nga ai. Ajan hte shata sin mak mat nna, shagan ni loi mi pyi n htoi mat ma ai.

YOELA 3:15

Ajan hte shata sin mat wa nna, shagan ni loi mi mung htoi na ra ai n rai.

AMO LAIKA (AMOS) 5:20

Dai Madu a shani gaw nhtoi n rai, nsin tai na ra ai; dai shani gaw sin mak wa nna, hpa mung htoi tu na ra ai n rai.

MARKU 13:23

Nanhte sadi nga mu! Ngai nanhte hpe ndai lam shagu garai n byin kaw nna tau tsun dan ni ai.

2 PETRU 3:10

Dai Madu a nhtoi chyawm gaw lagu lagut zawn du na ra ai; dai nhtoi hta e sumsing lamu gaw grai kyek kachyeng ai nsen ngoi nna mat mat wa na ra ai. Sumsing nhtoi hkum ni mung wan hkru nna hten bya mat na mara ai; ginding aga hte nga manga ni mung hkoi mat na mara ai.

2 PETRU 3:12

Nanhte gaw Karai Kasang a nhtoi hpe ala nga ai lam hta alawan du wa ru ga; kaja dik ai hku shakut sharang let ala nga mu. Dai nhtoi hta sumsing lamu ni gaw hkru mat nna hten za mat na mara ai; sumsing lamu na ahtoi hkum ni mung kahtet ai majaw byawng mat na mara ai.

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.