MARKU 13:2 - Jinghpaw Common Language Bible 2009

² Yesu gaw, “Ndai wahpang nta kaba ni hpe ya nang mu ai n rai ni? Nlung langai mi muk mi na shi a shara hta ngam taw nga na ra ai n rai; dai wahpang ni hta na nlung shagu langai mi a ntsa e langai mi n mara hkra run ayai hkrat mat na ra ai,” ngu nna shi hpe tsun wu ai.

Jinghpaw Hanson Version Bible

² Yesu gaw, “Ndai kaba ai wahpang ni hpe nang mada nu ni? nang e, n run n hpya ai sha, nlung langai mi a ntsa e langai mi muk n mara hkra, rai mat na ra ai,” ngu nna shi hpe tsun wu ai.

MARKU 13:2 ပူးပေါင်းရင်းမြစ်များ

YEREMIA 26:18

“Yuda Hkawhkam Hezekia hkaw dung ai shaloi, Morashi masha myihtoi Mihka gaw amyu masha ni yawng hte hpe myihtoi ga tsun let, Chyahtum Chyalai N-gun Rawng ai dai Madu gaw, ‘Ziun gaw hkauna galau ai zawn, galau kau hkrum na ra ai; Yerusalem gaw ga sumpum tai mat na ra ai, Nawku Htingnu kawng gaw nam maling tai mat na ra ai,’ ngu nna tsun nu ai.

Daniela 9:26

Dai aten a hpang jahtum aten hta Karai Kasang lata la hkrum ai ningbaw wa gaw n tara ai hku sat kau ai hkrum na ra ai. Dai mare hte Nawku Htingnu mung n-gun ja ai up hkang du langai mi a hpyen luksuk shang gasat ai a majaw jahten kau ai hkrum na ra ai. Jahtum ai gaw mawru hka zawn du wa nna Karai Kasang lajang da nu ai hpyen majan hte hten za lam du sa wa na ra ai.

MIHKA 3:12

Shing rai, nanhte a majaw, Ziun gaw sun zawn shawt kau ai hkrum nna Yerusalem gaw marawng marang sumpum shara tai mat na ra ai; Nawku Htingnu kawng gaw maling tai mat na ra ai.

MAHTE 24:2

Shi mahtang shanhte hpe, “Rai sa, ndai nta ni yawng hte hpe nanhte mada mu ai n rai ni? Ngai nanhte hpe teng teng tsun made ga, ndai nta ni gaw, nlung langai mi gaw langai mi a ntsa e n mara mat ai du hkra hten run mat na mara ai,” ngu nna shanhte hpe tsun mu ai.

LUKA 21:6

Yesu gaw, “Ndai nanhte mu nga ai arai ni yawng nlung langai mi pyi, ndai kaw mi na shi a shara hta n mara nga lu na aten du na ra ai, nlung tawng shagu run kabai jahkrat kau ai hkrum na ra ai,” ngu mu ai.

KASA 6:14

Nazaret na Yesu ngu ai wa gaw, Nawku Htingnu hpe hpya kau nna anhte hpe Mawshe jaw da ai Tara a htung hking ni hpe galai kau na rai nga ai nga nna ndai wa shi nan tsun ai ga anhte na saga ai,” ngu nna tsun mu ai.

SHINGRAN 11:2

Rai ti mung, dai htingnu a shinggan wang hpe gaw hkum shadawn et, hpa majaw nga yang, dai gaw maigan masha ni hpe ap ya kau ngut sai rai nna, shanhte gaw dai Chyoi Pra Ai Mare hpe shata mali shi lahkawng tup kabye dip da na mara ai.