MARKU 13:19 - Jinghpaw Common Language Bible 2009

¹⁹ Hpa majaw nga yang, Karai Kasang hpan tawn da ai ginding aga nnan lat kaw nna ya du hkra n byin yu ai hte, hpang de mung byin lu na ru tsang ai gaw, dai nhtoi hte hta e byin pru na ra ai.

Jinghpaw Hanson Version Bible

¹⁹ Kaning rai nme law, Karai Kasang hpan tawn da ai, ginding aga nnan lat kaw nna ya du hkra n byin yu ai hte, hpang de mung n byin lu na, ru tsang ai gaw, dai nhtoi hte hta e byin pru na ra ai.

MARKU 13:19 ပူးပေါင်းရင်းမြစ်များ

SHARUNG SHAYAWT 1:12

Shi gaw ndai lam hku lai ai masha shagu hte hpe, “Ngai hpe mada yu mi! Ngai zawn kadai hta mung nchyi nmu hkoi n hkrum yu myit dawng,” ngu nna marawn jahtau wu ai. Dai Madu gaw shi masin pawt ai aten hta nye a ntsa e dai nchyi nmu shapraw nu ai.

SHARUNG SHAYAWT 2:13

O Yerusalem, tsaw ra htum ai Yerusalem e, ngai kaning ngu tsun lu na rai nga a ni? Nang hpe ngai gara hku shalan shabran lu na rai nga a ta? Ndai zawn re ai nni nkri hpe kadai mung n hkam sha yu ma ai. Na a ru yak tsin-yam tsindam gaw nammukdara zawn shadawn masat n lu hkra dam lada nga ai; mai byin na zawn re ai myit mada shara hpa mung n nga nga ai.

SHARUNG SHAYAWT 4:6

Karai Kasang a lata hta akajawng sha hkrat sum mat ai Sodom mare masha ni a yubak hta, nye a amyu masha ni hkrum sha ai ari gaw grau nna pyi kaba nga ai.

Daniela 12:1

Lachyit nba hpun da ai dai lamu kasa gaw, “Dai aten hta, na a amyu masha ni hpe bau sin nga ai lamu kasa kaba Mihkaela dan pru wa na ra ai; shaloi masha amyu baw ni nga pra hpang wa ai aten kaw nna yak dik htum ai ru tsang hkrum aten du wa na ra ai. Dai aten du jang, Karai Kasang a jahpan laika hta mying rawng ai na a amyu masha ni yawng gaw hkye la ai hkrum na mara ai.

Daniela 9:12

Anhte hpe mung, anhte a mung up hkang du ni hpe mung, nang galaw na ngu tsun nit dai hte maren nang galaw nit dai. Nang gaw ginding aga ntsa e nga ai kaga mare hta grau nna Yerusalem mare a ntsa e laja lana re ai ari jaw nga ndai rai nna,

Daniela 9:26

Dai aten a hpang jahtum aten hta Karai Kasang lata la hkrum ai ningbaw wa gaw n tara ai hku sat kau ai hkrum na ra ai. Dai mare hte Nawku Htingnu mung n-gun ja ai up hkang du langai mi a hpyen luksuk shang gasat ai a majaw jahten kau ai hkrum na ra ai. Jahtum ai gaw mawru hka zawn du wa nna Karai Kasang lajang da nu ai hpyen majan hte hten za lam du sa wa na ra ai.

YOELA 2:2

Dai nhtoi gaw nsin sin nna, sin mak nhtawm chyang htat ai hte sumwi mung ai shani rai na ra ai. Bum ni a ntsa e nsin ka-up nga ai zawn n-gun ja ai dinggam-yaw hpyen hpung ni rawt lung wa nga ai. Dai zawn re ai gaw shawng de galoi mung n byin yu, htawm hpang de mung, galoi mung bai byin sana ra ai n rai.

MAHTE 24:21

Hpa majaw nga yang, mungkan ga nnan lat kaw nna dai ni du hkra galoi mung garai n byin yu ai hte hpang de mung galoi n byin lu na ru tsang kaba hta grau sawng ai rai na ra ai.

MARKU 10:6

Rai ti mung Chyum Laika ni hta tsun da nga ai hte maren, lamu ga nnan lat kaw nna lasha hte numsha hpe shi hpan da nu ai.

MARKU 13:18

Dai rai nna, dai lam ni nshung ta hta n byin wa u ga, akyu hpyi nga mu.

MARKU 13:20

Dai Madu gaw dai nhtoi hte hpe shayawm shagying kau nu ai; shi shing n di yang gaw kadai mung asak lawt lu na ra ai n rai. Rai ti mung shi lata la ai ni a matu mara, dai nhtoi hte hpe shayawm shagying kau nu ai.

TARA JAHPRANG 28:59

nanhte a ntsa e mung, nanhte a matu mara ni a ntsa e mung, galoi mung shamai kau n lu ai hkrit hpa ana zinli hte tsi la n lu ai ana ahkya ni shi dat dat na ra ai.

TARA JAHPRANG 4:32

“Karai Kasang gaw ginding aga ntsa e shinggyim masha hpe hpan da nna nanhte garai n shangai yang lai mat wa sai aten kaw nna ndai aten du hkra na lam ni yawng hpe nhtang gawn yu mu. Ginding aga ting hta gawn yu mu. Shawng de ndai daram kaba ai amu byin yu sani? Ndai zawn re ai shiga kadai wa na yu myit ni?

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.