MARKU 13:13 - Jinghpaw Common Language Bible 2009

¹³ Nye a majaw masha shagu nanhte hpe n ju n dawng ai hkrum na marin dai; rai ti mung jahtum du hkra shakut sharang ai wa kadai rai ti mung hkye hkrang la ai hkrum na ra ai.

Jinghpaw Hanson Version Bible

¹³ Nye a amying majaw masha nlang hte a n dawng n yawt ai nanhte hkrum na marin dai; jahtum du hkra shakut sharang ai wa chyawm gaw, hkye hkrang la ai hkrum na ra ai.

MARKU 13:13 ပူးပေါင်းရင်းမြစ်များ

Daniela 12:12

Nhtoi 1,335 lai hkra sadi sahka hte naw nga nga ai ni gaw a lu nga a hka!

MAHTE 10:22

Nye a majaw masha shagu gaw nanhte hpe n dawng n wawm na mara ai. Rai ti mung, htum hkra shakut sharang ai wa gaw, hkye hkrang la ai hkrum na ra ai.

MAHTE 24:13

Rai ti mung jahtum du hkra shakut sharang ai wa gaw hkye hkrang la ai hkrum na ra ai.

MAHTE 24:9

“Dai hpang masha ni gaw, nanhte hpe rim la nna ari jaw na hte sat kau na matu ahkang aya lu ai ni a lata de ap kau na marin dai. Nye a mying a majaw, masha amyu baw shagu nanhte hpe n dawng n wawm na mara ai.

MARKU 13:12

Masha ni gaw tinang a kahpu kanau shada da si ai de ap bang kau na mara ai. Kasha ni mung shanhte a kanu kawa ni hpe gumlau rawt nna sat kau shangun na mara ai.

LUKA 21:17

Nye a majaw nanhte hpe masha ni yawng n ju n dawng na mara ai.

LUKA 6:22

Masha ni nanhte hpe n dawng n yawt ai hte dai masha kasha a majaw shadaw jahka di kau nna asawng asang di ai hte, nanhte a mying hpe n hpru n mai ai arai hpe zawn tsun jahpyak hkrum myit yang, nanhte a lu myit dai.

YAWHAN 15:21

Rai ti mung shanhte gaw ngai hpe shangun dat ai wa hpe n chye ma ai rai nna, nye a amying a majaw dai zingri zingrat ai lam yawng nanhte hpe di na mara ai.

YAWHAN 17:14

Na a mungga ngai shanhte hpe jaw da mase ai; ngai gaw mungkan ga na n rai nngai hte maren, ndai ni mung mungkan ga hte n seng ma ai majaw, mungkan masha ni shanhte hpe n ju n dawng ma ai.

ROMA 2:7

Masha nkau mi gaw kaja ai amu galaw nga let, hpung shingkang hpe mung, arawng sadang hpe mung, n si n mat ai asak hkrung lam hpe mung tam nga ma ai; Dai ni hpe Karai Kasang htani htana asak jaw na ra ai.

GALATI 6:9

Dai rai nna kaja ai amu galaw na anhte n hki n sang nga ga; hpa majaw nga yang, anhte myit n yaw, myit n daw ga yang gaw, aten ladaw du jang anhte dan la na raga ai.

HEBRE 10:39

Anhte gaw sit htingnut nna mat mat ai masha ni n re ai sha, kam sham nna hkye hkrang la hkrum ai ni rai nga ga ai.

HEBRE 3:14

Hpa majaw nga yang, Hkristan shawng nnan tai wa ai shaloi na zawn myit mu myit hkut ai makam masham hta jahtum du hkra ngang ngang manoi manat nga ga yang gaw, anhte yawng gaw Hkristu hte rau rum magam gunhpai ai ni rai ga ai.

YAKU 1:12

Agung alau ai lam ni hkrum yang ngang ngang kang kang sadi dung nga ai wa gaw a lu ai; hpa majaw nga yang dai wa gaw dai zawn re ai chyam dinglik ai lam hpe lai di awng dang kau lu ai shaloi Karai Kasang gaw shi hpe tsaw ra ai ni hpe jaw na nga nna ndat da sai asak hpe shi a shagrau kumhpa hku nna hkam la lu na ru ai.

1 YAWHAN 3:13

Dai rai nna, hpu nau ni e, mungkan masha ni nanhte hpe n dawng n yawt myit yang, hkum mau nga myit.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

SHINGRAN 3:10

Hpa majaw nga yang, nang gaw ngai hkang da ai hte maren myit galu na hte hkam sharang na lam mungga hpe nang hkan nang ndai majaw, ga ntsa e nga ai masha ni yawng hpe chyam dinglik yu na matu mungkan ga hproi hkra ru yak jam jau du ai ten hta ngai nang hpe makawp maga na de ai.