MARKU 12:9 - Jinghpaw Common Language Bible 2009

⁹ “Dai shaloi sabyi sun madu gaw, kaning di na mu ta? Shi sa du nna dai sun galaw ai ni hpe sat kau nhtawm, dai sun masha kaga ni hpe htawt shap ya na ru ai.

Jinghpaw Hanson Version Bible

⁹ Dai majaw, tsabyi sun madu gaw, kaning di na mu ta? Shi sa du nna, sun galaw ai ni hpe sat kau nhtawm, dai sun masha kaga hpe, htawt shap ya na ru ai.

MARKU 12:9 ပူးပေါင်းရင်းမြစ်များ

ESAIA 29:17

Ga malai hte maren, kade n na yang htat ai maling htinggram gaw yi sun lamu ga tai mat wa na ra ai, yi sun lamu ga gaw maling bai tai mat na ra ai.

ESAIA 65:15

Lata la hkrum sai nye a amyu masha ni gaw na a mying hpe dagam dala ga hku lang wa na mara ai. Tsaw Htum ai dai Madu ngai gaw nang hpe sat kau na nngai. Rai ti mung ngai gaw nye a ga madat mara ai ni hpe mying nnan jaw na nngai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

MAHTE 12:45

Shaloi shi nhtang sa nna, shi hta grau n hkru ai nat sanit hpe shaga wa nhtawm shanhte shang nna dai yang e arawng nga ma ai; dai rai nna, dai masha a nsam gaw, shawng na hta grau ru wa lu ai. Dai hte maren ndai prat na n hkru ai amyu hta byin wa na ra ai,” ngu mu ai.

MAHTE 21:34

Ya sabyi ngai ai ten du jang, shi lu la ang ai sabyi mangai a asi sa la na matu, sun galaw ai ni hpang de, shi mayam ni hpe shangun dat mu ai.

MAHTE 21:43

“Dai rai nna ngai nanhte hpe tsun made ga, Karai Kasang a Mungdan hpe nanhte kaw na shaw la kau nna asi atsawm sha shapraw ya lu ai amyu hpe jaw kau na ru ai.”

MAHTE 22:7

Hkawhkam wa chyawm gaw grai masin pawt bu nga ai rai nna, shi a hpyen la ni hpe shangun dat nhtawm, masha sat ai ni hpe sat kau mu ai hte shanhte a mare hpe nat shagrawm kau ya mu ai.

MARKU 12:10

‘Wahpang gaw ai ni akyu n rawng sai ngu nna lata kau ai nlung gaw, yawng hta ahkyak dik ai njut jahtum na nlung tai wa sai.

MARKU 12:8

Dai rai nna shanhte kasha hpe rim la nna sat kau nhtawm, sun shinggan de kabai kau mu ai.

LUKA 19:27

Dai hta kaga, ya shanhte a ntsa e ngai hkawhkam tai nna up na n ra ai nye a hpyen ni hpe shaga dun wa nna, nye a man e sat kau maru,’ ngu nna hkang dat mu ai.

ROMA 10:20

Bai Esaia gaw grau nna nden ja ai myit hte, “Ngai hpe n tam ai ni gaw ngai hpe mu manu ai. Nye a lam n san yu ai ni kaw ngai dan pru nngai, nga ai.” ngu nna tsun mu ai.

YAWSHU 23:15

Rai ti mung, nanhte hpe tsun dan sai ga sadi shagu hpe shi shadik shatup ya nu ai zawn hkrit hpa ari hkum sumhpa hpe mung shi shapraw na ra ai.