MARKU 12:7 - Jinghpaw Common Language Bible 2009

⁷ Rai ti mung dai sun galaw ai ni mahtang, “Ndai wa gaw sun madu a kasha rai nna sali wunli dagraw na wa rai nga ai. Sa marit, anhte shi hpe sat kau gaw; shaloi shi a sali wunli anhte lu la na gaw ai!,” nga nna shada da tsun bawng la ma ai.

Jinghpaw Hanson Version Bible

⁷ Sun galaw ai ni mahtang, ‘Ndai wa gaw, sali wunli dagraw na wa rai nga ai; sa marit, shi hpe sat kau gaw; shaloi shi a sali wunli, anhte lu la na gaw ai,’ nga nna shada bawng la ma ai.

MARKU 12:7 ပူးပေါင်းရင်းမြစ်များ

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

NINGPAWT NINGHPANG 37:20

Sa rit, ya chyawm gaw shi hpe sat kau nna, hkun hkraw ai hka htung langai ngai hta shi hpe kabai bang da gaw; matse labye dusat langai ngai mahtang shi hpe kawa sat kau nu ai, ngu nna anhte lu tsun na ga ai. Dai hpang shi a yup mang ni hpa tai na nu ai gaw, anhte mada yu ga,” ngu nna tsun hkat ma ai.

ESAIA 49:7

Israela a chyoi pra ai Karai Kasang hte hkye hkrang la ai wa gaw htum hkra n kaw n law di hkrum ai wa, masha amyu baw ni e n dawng hkrum ai wa hte mung du ni a shangun ma tai nga ai wa hpang de ning ngu tsun nga ai: “Hkawhkam ni gaw nang hpe dat kau dat ai mu na mara ai shanhte a hkungga lara ai hpe madun na matu rawt wa na mara ai; hkawhkam kasha ni mung dai hpe mu na mara ai, shanhte gaw nang hpe shagrau sha-a na matu gum dagup wa na mara ai.” Dai Madu gaw shi a shangun ma hpe lata la nu ai majaw ndai lam byin wa na ra ai; Israela a chyoi pra ai Karai Kasang gaw shi a ga sadi ni hpe shatup na ra ai.

MAHTE 2:16

Sinpraw mung na hpaji rawng ai ni shi hpe hkalem mat wa sai lam Herod dum chye wu ai shaloi, shi ja ja masin pawt bu nga ai. Dai rai nna hpaji rawng ai ni kaw na shi san sagawn la tawn ai aten ladaw hpe sawn la nna Betlehem hte de a grup yin kahtawng hkan na asak lahkawng ning kaw nna lawu grit re ai lasha ma kaji nlang hte hpe sat kau na hkang dat wu ai.

MAHTE 21:34

Ya sabyi ngai ai ten du jang, shi lu la ang ai sabyi mangai a asi sa la na matu, sun galaw ai ni hpang de, shi mayam ni hpe shangun dat mu ai.

MARKU 12:12

Yuda ningbaw ningla ni gaw, Yesu hpe rim la na shakut ma ai, hpa majaw nga yang, ndai ga shadawn gaw shanhte hpe sha-ang nna ngu jaw ai re hpe shanhte chye nga ma ai. Rai ti mung shanhte gaw shawa masha ni hpe hkrit da mu ai rai nna shi hpe kau da nna pru mat wa ma ai.

MARKU 12:6

Sun madu hta shangun dat na masha ngu na shi a tsaw ra ai kasha shingtai langai sha ngam salu ai. Yawng a hpang jahtum e, shi a kasha hpe shanhte hpang de shangun dat wu ai; shi gaw, ‘Ngai sha hpe shanhte hkrit hkungga na ma ra ai,” nga nna tsun ai.

MARKU 12:8

Dai rai nna shanhte kasha hpe rim la nna sat kau nhtawm, sun shinggan de kabai kau mu ai.

KASA 2:23

Karai Kasang gaw, shi a shatawng shada ai lam daw dan shangut da sai hte maren, Yesu hpe nanhte a lata de ap kau wu ai. Nanhte gaw shi hpe n tara ai hte yubak kap ai ni a lata de ap kau nna wudang hta jen sat kau myit dai.

KASA 5:28

“Nanhte hpe dai amying hte n sharin shaga na matu anhte aja awa hkang da saga ai. Rai ti mung nanhte hpa galaw manit dai lam yu yu mu! Nanhte gaw nanhte a sharin shaga ai lam hpe Yerusalem mare ting shachyam shabra dat manit dai rai nna, dai wa si ai gaw anhte a majaw re ngu nna nanhte shadu mayu nga myit dai,” ngu nna tsun mu ai.

KASA 7:52

Nanhte a nji nwa ni n zingri yu ai myihtoi kadai wa nga a ta? Shanhte gaw Karai Kasang a ding hpring nga ai shangun ma du sa na ra ai lam tau hkrau nna htawn tsun ai myihtoi ni hpe sat kau ma ai; ya nanhte mung dai wa hpe ap kau sat kau ai ni rai nga myit dai.

HEBRE 1:2

Rai ti mung ndai hpang jahtum na nhtoi ladaw ni hta chyawm gaw shi a Kasha a n-gup hte anhte hpe shi a mungga jaw da mani ai. Dai Kasha wa hte nan nga yawng nga pra hpe hpan tawn da nu ai hte jahtum e mungkan yawng mayawng hpe up madu ai wa tai wa na shi hpe lata san da nu ai.