MARKU 12:5 - Jinghpaw Common Language Bible 2009

⁵ Sun madu gaw, mayam kaga langai mi hpe bai shangun dat wu yang, shanhte gaw shi hpe sat kau mu ai. Kaga marai law law hpe shangun dat ti mung, shanhte gaw kaga ni hte maren sha, nkau mi hpe anu kayat, nkau mi hpe sat kau mu ai.

Jinghpaw Hanson Version Bible

⁵ Bai, kaga hpe shangun dat wu yang, shanhte dai wa hpe sat kau mu ai: kaga marai law law hpe shi shangun dat timung, shanhte nkau mi hpe anu kayat di nna, nkau mi hpe sat kau mu ai.

MARKU 12:5 ပူးပေါင်းရင်းမြစ်များ

NEHEMIA 9:30

Nang gaw shanhte hpe laning hte laning hkam sharang ai hte shadum jahprang nga ndai. Nang gaw na a myihtoi ni ga shaga na matu wenyi n-gun jaw ya nga ndai, rai ti mung na a amyu masha ni madat ai n rai, dai rai nna nang gaw shanhte hpe kaga amyu ni a lata de ap kau nga ndai.

MAHTE 22:6

Naw nga ai ni mahtang gaw, shi a mayam ni hpe rim la nna anu kayat ai hte sat kau ma ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

MAHTE 5:12

“Kabu nna pyaw pyaw rai nga mu, hpa majaw nga yang, sumsing lamu hta e nanhte a matu shabrai kaba langai mi tawn da ya sai! Nanhte a shawng na myihtoi ni hpe mung shanhte dai hte maren zingri zingrat di kau manu ai!

MARKU 12:4

Dai hpang sun madu gaw, mayam kaga hpe shanhte hpang de bai shangun dat wu ai; shanhte gaw dai mayam a baw hpe kayat jahpye ya nna, shi hpe kaya kahpa jahkrum mu ai.

MARKU 12:6

Sun madu hta shangun dat na masha ngu na shi a tsaw ra ai kasha shingtai langai sha ngam salu ai. Yawng a hpang jahtum e, shi a kasha hpe shanhte hpang de shangun dat wu ai; shi gaw, ‘Ngai sha hpe shanhte hkrit hkungga na ma ra ai,” nga nna tsun ai.

MARKU 9:13

Nanhte hpe ngai tsun made ga, Elia gaw bai du sai rai nna, Chyum Laika ni hta tsun ai hte maren, shanhte gaw tinang a myit ra ai hku, shi hpe di kau manu ai,” ngu mu ai.

LUKA 6:36

Nanhte a Kawa Karai Kasang matsan dum chye ai hte maren, nanhte mung matsan chye dum mu.