MARKU 12:41 - Jinghpaw Common Language Bible 2009

⁴¹ Yesu gaw Nawku Htingnu alu sumpu tawtap e dung nga nna, shawa masha ni dai alu sumpu hta shanhte a alu gumhpraw ni bang nga ma ai hpe yu nga ai. Sut su ai ni law law wa, law law sa bang ma ai.

Jinghpaw Hanson Version Bible

⁴¹ Dai hpang, dai alu sumpu tawtap e shi dung nga nna, shawa masha ni dai alu sumpu hta e dingsen bang ma ai hpe, yu nga ai. Sut su ai ni law law wa, law law sa bang ma ai.

MARKU 12:41 ပူးပေါင်းရင်းမြစ်များ

2 HKAWHKAM 12:9

Dai hpang Yehoiada gaw sumpu langai mi la nhtawm de a magap hta hku langai waw nna Nawku Htingnu de shang wa ai lam a hkra maga, tawn hkungri a makau e shadun da wu ai. Shing rai shang wa chyinghka lam makau e lit lu ai hkinjawng ni gaw nawku sa ai ni sak jaw ai gumhpraw yawng hpe dai sumpu hta bang da ya nga ma ai.

MAHTE 27:6

Hkinjawng agyi ni dai gumhpraw hpe hta la nna, “Ndai gaw asai jahpu rai nga ai majaw, Nawku Htingnu alu sut dek hta bang tawn da na anhte a tara hta ahkang n jaw ai,” nga ma ai.

MARKU 12:42

Shaloi matsan mayan re ai gaida jan langai mi sa nna, pyeksan langai mi ging ai magri hkyeng dingsen lahkawng bang nu ai.

YAWHAN 8:20

Ndai ga ni gaw Nawku Htingnu kata na alu bang ai sadek ni tawn da ai gawk e Yesu sharin shaga nga yang, tsun ai ga ni rai nga ai. Rai ti mung, shi a ahkying garai n du lu ai majaw, shi hpe kadai mung n rim la lu mu ai.