MARKU 12:36 - Jinghpaw Common Language Bible 2009

³⁶ Dawi gaw Chyoi Pra ai Wenyi e shadut ya ai hte, ‘Dai Madu nye a Madu hpe tsun wu ai gaw: Na a gumlau hpyen ni hpe, na a lagaw npu e ngai tawn da ai du hkra, nye a hkra maga de dung nga u,’ nga nna tsun ai.

Jinghpaw Hanson Version Bible

³⁶ Dawi shi hkum dai, Chyoi pra ai Wenyi hta, Dai Madu nye a madu hpe tsun wu ai gaw: “Na a gumlau ni hpe, na a lagaw npu e ngai tawn da ai du hkra, Nye a hkra maga de naw adung nga u,” nga nna tsun nga ai.

MARKU 12:36 ပူးပေါင်းရင်းမြစ်များ

2 SAMUELA 23:2

Dai Madu a wenyi gaw ngai hku nna tsun nga ai; shi a mungga nye a shinglet hta rawng nga ai.

NEHEMIA 9:30

Nang gaw shanhte hpe laning hte laning hkam sharang ai hte shadum jahprang nga ndai. Nang gaw na a myihtoi ni ga shaga na matu wenyi n-gun jaw ya nga ndai, rai ti mung na a amyu masha ni madat ai n rai, dai rai nna nang gaw shanhte hpe kaga amyu ni a lata de ap kau nga ndai.

SHAKAWN KUNGDAWN 110:1

Dai Madu gaw, “Na a gumlau hpyen ni hpe na a lagaw kabye lahkum ngai shatai kau ai aten du hkra, ndai nye a hkra maga de, dung nga u,” nga nna nye a Madu hkawhkam wa hpe tsun nga ai.

MAHTE 5:35

Aga hta mung n rai, dai gaw shi a lagaw mara ai shara rai nga lu ai; Yerusalem hta mung n rai, dai gaw Hkawhkam Kaba a dung nga ai mare rai nga ai.

KASA 1:16

Shi gaw, “Hpu nau ni e, Yesu hpe rim la ai ni a lam woi tai ya ai Yuda hpe lakap nna moi Dawi a n-gup hku nna Chyoi Pra ai Wenyi tau tsun da ai Chyum Laika gaw dik wa lu na sha rai nga ai.

KASA 28:25

Shing rai shanhte shada da myit n hkrum mat nga ma ai majaw, Pawlu gaw, shanhte hpe “Chyoi pra ai Wenyi, myihtoi a n-gup hte nanhte a nji nwa ni hpe tsun ai ga gaw teng la malit dai!

1 KORINHTU 15:25

Hpa majaw nga yang Hkristu gaw Karai Kasang e gumlau ni yawng mayawng hpe dang kau nna Hkristu a lagaw lahpan npu e tawn da ya ai ten du hkra up hkang nga na rai nga ai.

2 TIMOHTI 3:16

Dai Chyum Laika shagu hpe Karai Kasang shatsam ai hte ka da ai re ai majaw, teng man ai lam hpe sharin achyin ya na, shut ai lam hpe mara madun nna daru sharin na, shut shai ai lam ni hpe mye shading na hte jaw ai asak hkrung lam a matu matsun madun na akyu rawng nga ai.

HEBRE 1:13

Karai Kasang gaw, “Na a gumlau ni hpe, na a lagaw na kabye lahkum ngai shatai ai du hkra, nye a hkra maga de naw adung nga u,” nga nna gara lamu kasa hpe mung galoi n tsun yu ai.

HEBRE 4:7

Shing rai hkam la ai lam hpe, “Dai ni” ngu ai nhtoi kaga langai mi Karai Kasang bai masat da ya sai, ngu ai lam langai mi hte sakse madun nga ai. Madu gaw Chyum Laika hta tsun da sai hte maren, shaning law law na ai hpang Dawi a n-gup hte, “Nanhte dai ni shi a nsen na myit yang gaw, nanhte du hkum ja nga myit,” nga nna bai tsun ai.

1 PETRU 1:11

Dai hkye hkrang la ai hte seng ai chyeju gaw gara aten aprat hta gara lai hku nna du sa na ra ai lam hpe tam shakut ma ai. Shanhte hta shanu nga ai Hkristu a Wenyi gaw dai aten hta Hkristu hkam na rai nga ai nni nkri lam hpe mung, shing rai hkam ngut ai hpang hkam la na rai nga ai hpung shingkang hpe mung tau hkrau nna madun dan da nga sai.

2 PETRU 1:21

Hpa majaw nga yang, gara myihtoi ga mung masha a myit ra myit jasat ai hku nna byin pru wa ai n rai; chyoi pra ai wenyi myit shadut ya hkrum ai masha ni gaw Karai Kasang kaw na du ai mungga hpe htawn tsun ma ai.