MARKU 12:34 - Jinghpaw Common Language Bible 2009

³⁴ Dai wa htan ai ga gade wa hpaji rawng nga ai hpe Yesu mu chye wu yang, “Nang gaw Karai Kasang a mungdan hte n tsan nga ndai,” ngu nna tsun wu ai. Dai hpang, kadai mung Yesu hpe matut nna ga san hpa mung n san wam ma ai.

Jinghpaw Hanson Version Bible

³⁴ Dai wa gaw, kunghpan myit hte htan nga ai hpe, Yesu chye wu yang, “Nang gaw Karai Kasang a mungdan hte tsan nga ndai n rai,” ngu nna shi hpe htan wu ai. Dai hpang kadai mung, shi hpe hpa pyi n san wam mu ai.

MARKU 12:34 ပူးပေါင်းရင်းမြစ်များ

MAHTE 12:15

Yesu dai hpe chye jang, kaga de htawt mat wa ai; Masha law law mung shi kaw hkan nang ma ai. Machyi makaw hkrum ai ni yawng hpe shi shamai ya mu ai.

MAHTE 12:20

Shi gaw kadang taw nga sai mai-aw hpe shadaw na ra ai n rai; Kachyi mi sha tu gala nga ai wan kawk hpe gawut sat kau na ra ai n rai. Shi gaw teng man rap ra ai hte awng padang hkam la lu ai aten du hkra, shakut shaja na ra ai.

MAHTE 22:46

Kadai wa mung, ga hkaw mi pyi shi hpe n htan lu ma ai hte dai shani kaw nna htawm hpang de kadai wa mung shi hpe hpa ga san ni mung n san wam mat ma ai.

LUKA 20:40

Hpa majaw nga yang, dai ni gaw Madu hpe hpa ga san mung bai n san wam mat ma ai.

ROMA 7:9

Ngai hkum nan dai jep ai Tara hpe hpa n chye ai sha asak hkrung ai aten lang mi nga lai wa yu sai; rai ti mung dai jep ai Tara hpe ngai chye wa ai hte rau yubak gaw rawt prawn wa sai.

GALATI 2:19

Jep ai Tara hte seng nna she tsun ga nga yang, jep ai Tara e nan ngai hpe sat kau ni ai rai nna, ngai gaw jasi rai mat ni ai. Ngai gaw Karai Kasang a matu hkrung nga n ga, Hkristu hte rau shi a wudang hta jen sat kau ai hkrum ni ai.

KOLOSE 4:6

Nanhte tsun ai ga gaw galoi mung jum shum ai zawn na ra shing-nyi rawng nna chyeju masa hku myit lawm shangun ai ga rai nna san ai masha shagu hpe jaw ai mahtai jaw lu na matu shajin da nga mu.