MARKU 12:3 - Jinghpaw Common Language Bible 2009

³ Shanhte mahtang, mayam hpe rim la nna, anu kayat nhtawm, kaman dat dat mu ai.

Jinghpaw Hanson Version Bible

³ Shanhte mahtang, shi hpe rim la nna, anu kayat nhtawm, kaman dat dat mu ai.

MARKU 12:3 ပူးပေါင်းရင်းမြစ်များ

1 HKAWHKAM 18:13

Yezebela gaw dai Madu a myihtoi ni hpe sat ai shaloi, hpung mi hta manga shi shi di nna hpung lahkawng garan nhtawm marai latsa hpe lungpu ni hta makoi da let, shanhte hpe lusha hte ntsin jaw nna bau da we ai hpe nang n na yu da wu ni?

1 HKAWHKAM 18:4

Yezebela gaw dai Madu a myihtoi ni hpe sat kau wu yang, shanhte hta na marai latsa hpe hpung lahkawng garan nhtawm, hpung mi hta marai manga shi shi di nna lungpu hku ni hkan woi makoi da nna shahpa hte lu hka ntsin jaw nhtawm bau da wu ai.)

1 HKAWHKAM 19:10

Shi gaw, “Chyahtum chyalai n-gun rawng ai Madu Karai Kasang e, ngai gaw nang - nang hpe chyu sha tut nawng daw jau yu sade ai. Rai ti mung Israela amyu masha ni mahtang nang hte shagrin da ai ga shaka hpe jahten kau nna na a tawn hkungri ni hpe sharun shabya kau let na a myihtoi ni yawng hpe sat kau manu ai. Ngai chyu sha ngam nga ni ai. Shanhte gaw ngai hpe sat kau na matu shanhte tam shakut nga ma ai!,” ngu nna htan wu ai.

1 HKAWHKAM 19:14

Elia gaw, “Chyahtum chyalai n-gun rawng ai Madu Karai Kasang e, ngai gaw nang-nang hpe chyu sha tut nawng daw jau yu sade ai. Rai ti mung Israela amyu masha ni mahtang nang hte shagrin da ai ga shaka hpe jahten kau nna na a tawn hkungri ni hpe sharun shabya kau let na a myihtoi ni yawng hpe sat kau manu ai. Ngai chyu sha ngam nga ni ai; ngai hpe sat kau na matu shanhte tam shakut nga ma ai,” ngu nna htan wu ai.

1 HKAWHKAM 22:27

Ngai shim lum ai hte bai nhtang wa ai aten du hkra, shi hpe htawng sharen da nna, muk hte hka jaw lu jaw sha na lam shanhte hpe tsun u,” ngu nna hkang dat wu ai.

2 HKAWHKAM LABAU 16:10

Dai ga gaw Asa hpe masin grai pawt shangun nga ai rai nna myihtoi wa hpe htawng hta sharen da ma ai. Dai aten hta nan Asa gaw amyu masha nkau mi hpe mazut ai hku zingri hpang wa nu ai.

2 HKAWHKAM LABAU 36:16

Rai ti mung shanhte gaw Karai Kasang a kasa ni hpe asawng asang di nhtawm Karai Kasang a mungga hpe n kaw n law di nna shi a myihtoi ni hpe mani asawng kau mu ai majaw hpang jahtum dai Madu gaw shi a amyu masha ni hpe lawt lam htum mat hkra masin kahtet bu nga ai.

NEHEMIA 9:26

“Rai ti mung na a amyu masha ni gaw nang hpe gumlau hte na a ga n madat nga ma ai; shanhte gaw na a Tara hpe shingdu dat kau ma ai. Shanhte gaw sadi jaw ai myihtoi ni hpe mung, nang hpang de kayin wa na matu tsun ai ni hpe mung sat kau ma ai. Shanhte gaw nang hpe aten mi hte aten mi n kaw n law di ma ai,

YEREMIA 2:30

Ngai nang hpe ari jaw nngai, rai ti mung dai gaw mai kaja lam hpa mung n galaw ya nga ai; nang gaw ngai hpe shading sharai shangun nga ai n rai. N-yun bu ai hkanghkyi langai zawn na a myihtoi ni hpe nang sat kau nit dai.

YEREMIA 20:2

shi gaw ngai hpe kayat ai hte Nawku Htingnu kata na lahta Benyamin Chyinghka makau e hpri hte gyit sumroi da mi ai.

YEREMIA 29:26

“Dai Madu gaw Yehoiada a malai nang hpe hkinjawng aya dang da nit dai; nang gaw ya kaw nna Nawku Htingnu kata hta hkinjawng kaba wa rai nga nit dai. Myihtoi tai masu ai mana shagu hpe shi a du hta hpri saidawng hte gyit kawan da na gaw, na a amu rai nga lit dai.

YEREMIA 44:16

“Dai Madu a amying hta nang anhte hpe tsun nit dai lam hpe anhte n madat na ga ai.

MAHTE 15:22

Dai buga shara e nga ai Hkanan amyu numsha langai mi, shi kaw sit sa nna, “Dawi a Kasha Madu e, ngai hpe matsan dum e law; nye a shayi sha nat e zingri nna grai machyi sawng nga ai,” nga nna jahtau let tsun wu ai.

MARKU 12:2

Ya dai sun kaw na sabyi si ni hpe shinggyin la na aten du jang, sun galaw ai ni a lata na sun madu shi lu ang ai hkambum lu la u ga, sun galaw ai ni hpang de, mayam langai mi hpe shangun dat wu ai.

MARKU 12:4

Dai hpang sun madu gaw, mayam kaga hpe shanhte hpang de bai shangun dat wu ai; shanhte gaw dai mayam a baw hpe kayat jahpye ya nna, shi hpe kaya kahpa jahkrum mu ai.

KASA 7:52

Nanhte a nji nwa ni n zingri yu ai myihtoi kadai wa nga a ta? Shanhte gaw Karai Kasang a ding hpring nga ai shangun ma du sa na ra ai lam tau hkrau nna htawn tsun ai myihtoi ni hpe sat kau ma ai; ya nanhte mung dai wa hpe ap kau sat kau ai ni rai nga myit dai.

1 HTESALONI 2:15

Yuda masha ngu ai ni gaw Madu Yesu hpe mung, myihtoi ni hpe mung, sat kau ai ni rai nna anhte hpe mung zingri zingrat ai ni rai ma ai. Shanhte gaw Karai Kasang sharawng awng na hku n galaw ma ai! Masha shagu a matu n htan shai ai hpyen tai ma ai.